افتراضي ارجو الافادة عن (نقل ملكية-تجديد ترخيص-استخراج رخصة حاصة)
السلام عليكم اخوانى الكرام
معلش استحملونى عشان اسئلتى كتير وتايه وعايز حد يرسينى قبل ما اخد اى خطوة
انا تبع مرور بين السرايات
اولا انا معايا رخصة مهنية(ثالثة) كنت عاملها عشان اغير مهنه للسفر وما حصلش نصيب والرخصة تنتهى فى 4/2011 ومش محتاجها لانى ماعملتش بيها حاجه من ساعة ما عملتها (بالواسطة وماكنتش ركبت عربية فى حياتى قبل كده)
دلوقتى الحمد لله بقيت بعرف اسوق وكنت عايز اطلع رخصة خاصة عشان فترتها اطول_10 سنين) فهل ينفع اطلع خاصة وانا معايا مهنية؟
اشتريت عربية فى 8/2010 ورخصتها تنتهى فى 8/2011 والفحص برضه فى نفس التاريخ(ايه الفرق بين الفحص وتجديد الترخيص؟؟)
لما اشتريت اشتريت بعقد مسجل فى الشهر العقارى العربية تبع مرور الوايلى ولما جبت شهادة المخالفات(بالنيابة عن البائع بعد ما اشتريت بالاتفاق معاه) جبتها من مرور السلام وحسبى الله ونعم الوكيل فى المرور ده
المهم انا دلوقتى معايا عقد البيع بإسمى والرخصة الحالية بإسم البائع والرخصة تبع مرور الوايلى بس بروح له السلام(مش عارف ليه) عايز بقى اجدد الترخيص اليومين دول(مع العلم ان لسه باقى فى الرخصة 4 شهور تقريبا) قبل الصيف وحر الطوابير
وفى نفس الوقت عايز انقل الملكية لزوجتى مش لى يعنى الرخصة الجديدة تبقى بإسمها (مع العلم انها هتعمل لى توكيل عام)
سمعت انى لو جددت قبل ميعاد التجديد هدفع مرتين مره دلوقتى ومره عند ميعاد التجديد الكلام ده صح ولا غلط
بيانات العربية: ستروين ax مو95 موتور 1400 سى سى نهايو الترخيص 8/2011
المطلوب بإختصار
1- نقل الملكية بإسم زوجتى
2-نقل التعاملات من مرور الوايلى (او السلام) الى مرور بين السرايات
3-استخراج رخصة خاصة
4-اجراءات التجديد و الفحص وما يلزمة من (تأمين-طفاية - مثلث - شنطة -اسعافات .....الخ)
معلش دوشتكم معايا بس ياريت اى حد يفيدنى عشان اعرف راسى من رجلى
وجزاكم الله كل الخير
