المشاركة الأصلية كتبت بواسطة أحمد كمال
معاك يا دياب
و احب اقول حاجة
يا مسلم و يا مسيحي
اصحى و فوق
ضربوا اسفين القديسين و شربناه و قفشنا على بعض
جت الثورة رجعت المية لمجاريها و المسيحي كان بيحرس المسلم و هو بيصلي و المسلم بيراعي المسيحي و عرفنا انها كانت اسافين
حاولوا يخوفونا بنقص الاكل
حاولوا يخوفونا بالانفلات الامني
ما خوفناش
راحوا رجعوا لوساخة زمان تاني و رجعنا تاني و اتضرب اسفين اطفيح
يا جماعة الحرامي او المغتصب او قتال القتلى ما بيعملش كده على اساس ديني
الحرامي المسلم مش هيشوفني مسلم هيقول لي لا انت اخويا امشي
و لا البلطجي المسيحي هيشوف ايدي فيها صليب و لا لأ قبل ما يقطع عليا الطريق
و لا الشخص اللي عنده ميول جنسية منحرفة هيشوف ضحيته دينها ايه
الخ الخ الخ
و ارجو من عقلاء المصريين انهم يفهموها بقى
وحدتنا قوة في وجه فلول و شراذم النظام البائد و الثورة المضادة