الموضوع: اللي هجموا على كنيسة أطفيح لا يمثلوني كمصري مسلم، ومستعد لإعادة بناءها بيدي

المشاركة الأصلية كتبت بواسطة otefa

أنا رأي بلاش اللعب بالنار يادياب أي تجمهرات ماتضمنش عواقبها
يعني واحد يطلع في أطفيح يقلك ألحقو هجوم علينا من المسيحيين والدنيا تولع......أفضل حاجة اليومين دول الهدوء ونسيب القوات المسلحة تهدي الأجواء وكل ذي حق ياخد حقه والقوات المسلحة وعدت وبدأت بالفعل في بناء الكنيسة يبقى نصبر أفضل ونديهم فرصتهم في تهدأت الأجواء

لو الموضوع اترتب كويس مفيش حاجه هتحصل
انت مشفتش ف التحرير لما ساعه الصلاه لما الاقباط كانوا بيحاوطوا المصليين عشان محدش ياذيهم

المشاركة الأصلية كتبت بواسطة fepsceasar

استاذ ميشيل
يعلم الله مدى تعاطفى مع الاخوة المسيحيين، لانهم جيرانى واصدقائى وانا عمرى ما هبقى مبسوط وهم زعلانين
لكن انا شايف ان ده مش وقت مظاهرات وقطع طرق وكبارى علشان اقالة محافظ لان ده ممكن يغذى احساس الفتنة، ارجوكوا ارجعوا دلوقتى وما تضغطوش على المجلس العسكرى ورئيس الوزراء، ولكن اعرضوا المطالب المشروعة واحنا معاكم من غير التظاهر علشان فى حاجة اكبر من ده كله ببتتهدد وهى بلدنا واماننا واستقرارنا

أهلا بك يا أستاذ سيزار للأسف عزيزي أحنا بقالنا أكثر من اربعين عاما من ايام حرق كنيسة الخانكة عام 1972 و قتل 13 مواطن مسيحي مصري من بينهم راعي الكنيسة و ذهاب لجنة للتحقيق في الحادثة برئاسة الدكتور العطيفي و نحن نتلقى وعود لا ينفذ منها شئ .

تقرير لجنة الدكتور العطيفي مركون في الادراج منذ عام 1972 و النظام فتحه علشان يقرأه قبل سقوطه يعني بعد حوالي 39 عاما من الركنة في الارفف في الفترة دي حصل حوالي 160 حادث عنف ضد المسيحيين و لم تتحرك دولة السادات و مبارك لعمل اي شئ فطبيعي أننا يكون عندنا عدم ثقة في تنفيذ الوعود بعد 40 عام من المماطلة و التطويح .

أنا معاك تماما أن قطع الطريق دي شئ همجي لكن الاعتصام سلمي سلمي و المسيحيين المعتصمين أمام مبنى التليفزيون ما كسروش لوح زجاج لعربية مش هأقولك كسروا محل أو حتى عربية

ميشيل سليم

المشاركة الأصلية كتبت بواسطة أبومريم

واعتصامك دا يا سيد ميشيل لييييييييييه وايه الفايدة اللي هتعود بيه على مصر وطنك من الاعتصام ده؟؟
والناس اللي كانوا قاطعين الطريق دول كانوا عاملين مظاهرة ؟؟؟؟؟ ولا قاطعين الطريق وبيكسروا عربيات الناس وكانت نتيجة فعلهم ان في ناس من المسلمين هما كمان خفاف وبيسخنوا بسرعة وحصلت المصيبة وناس ماتت من هنا وهنا انت شايف ان اللي بيعمل كدا صح!؟
اللي بيأذي أي حد مسيحي في شرعنا أثم وحرام عليه ويتحاسب بالشرع والقانون وتعلن عقوبته عشان محدش يأذي اي ذمي لكن قطع الطريق و تكسير عربيات الناس و رد الأذى بالأذى هو دا اللي مش صح وهيخلي الناس اللي مخها صغير من المسلمين هما كمان يعملوا كدا وهتبقى مصيبة كبيرة احنا في غنى عنها
ياريت تحكم عقلك وتروح انت واللي معاك

ياريت حضرتك تبلغ كلامك الجميل ده للي هجموا على الكنيسة و حرقوها و نهبوا محتوياتها ثم بعد هذا قاموا بهدمها و تسويتها بالارض وسط تكبيرات السلفيين ................................

ميشيل سليم
-------------
اتهاماتك الباطلة للسلفيين والإخوان مرفوضة لإثارتها الوقيعة بين المسلمين والمسيحيين
تنبيه بعدم التكرار تجنبا لتوقيع عقوبات
م ع 7

المشاركة الأصلية كتبت بواسطة yascro

استاذ مشيل احييك على كل كلمه قلتها
ايه رايك ف الاقتراح ده
ان الاعتصام اللى ف ماسبيرو
يتنقل اطفيح يوم الجمعه ونخرج كلنا بعد الصلاه على الكنيسه ونحط ادينا ف ادين بعض ونرجعها زى الاول

يا سلام يا أخ ياسكرو هو دين عين العقل لانه هيبلغ رسالة لمحافظين النظام الاسبق و لرجال أمن الدولة و لاحمد شفيق و صفوت الشريف و فتحي سرور و كافة رجال الحزب الوطني بأن لعبتهم فشلت و روحوا العبوا غيرها

ميشيل سليم

المشاركة الأصلية كتبت بواسطة m_selim

أهلا بك يا أستاذ سيزار للأسف عزيزي أحنا بقالنا أكثر من اربعين عاما من ايام حرق كنيسة الخانكة عام 1972 و قتل 13 مواطن مسيحي مصري من بينهم راعي الكنيسة و ذهاب لجنة للتحقيق في الحادثة برئاسة الدكتور العطيفي و نحن نتلقى وعود لا ينفذ منها شئ .

تقرير لجنة الدكتور العطيفي مركون في الادراج منذ عام 1972 و النظام فتحه علشان يقرأه قبل سقوطه يعني بعد حوالي 39 عاما من الركنة في الارفف في الفترة دي حصل حوالي 160 حادث عنف ضد المسيحيين و لم تتحرك دولة السادات و مبارك لعمل اي شئ فطبيعي أننا يكون عندنا عدم ثقة في تنفيذ الوعود بعد 40 عام من المماطلة و التطويح .

أنا معاك تماما أن قطع الطريق دي شئ همجي لكن الاعتصام سلمي سلمي و المسيحيين المعتصمين أمام مبنى التليفزيون ما كسروش لوح زجاج لعربية مش هأقولك كسروا محل أو حتى عربية

ميشيل سليم

تحياتى أولا لحضرتك

كويس أنك كتبت المشاركه دى

أنظمه فاسده هى اللى عملت كده فى المسحيين
وهى نفسها اللى عملت زى كده فى المسلمين

لأنهم مش فارقه معاهم المهم هما عايزين أيه

غرضهم مصلحتهم وبس

والدليل

حادثة كنيسه أسكندريه وعرفنا مين الكلاب اللى عملوها

وكمان علشان جمال زعل من حسين سالم علشان العموله راح عمل تفجيرات شرم الشيخ (جرايد النهارده )

خلاص صفحه وأنطوت

وأجمل ما فيها من وجهة نظرى

أن المسيحيين عرفوا أن أخواتهم المسلمين مش هما سبب الضرر ليهم

يبقى نبص ( أنا وأنت ) للمستقبل بنظرة تفائل

لأن اللى جمعنا فى 25 يناير أكبر من النظام الفاسد وأعوانه

مش أنت مصرى

أنا برضه مصرى