أكصدام أمامى + كبالن

**ehab_11_22** · 08-03-2011 04:48 PM

السلام عليكم ورحمة الله وبركاته

أعضاء المنتدى الكريم

واحشنى جدا جدا

معلش الفترة اللى فاتت مكنتش بقدر أدخل كتير لظروف صعبة

أنتو طبعا عارفين أنى معايا الماروتى

بس عندى مشكلة فى انى كل مابكسر الركسيون بسمع صوت طقطقة

غيرت الكبالن ورجع الصوت تانى

فياريت يا جماعة الى يعرف حد عندو كبالن محترمة للعربية دى يفيدنى وياريت بلاش حد يقولى سوزوكى سنتر عشان أنا شاتريت من عندهم الكبالن دى وباردو رجعت تطقطق

وبالمرة كمان لو حد يعرف منين أشترى أكصدام أمامى محترم عشان الأكصدام عندى أتكسر من جوة من عند البتاعة الى بتربط الأكصدام فطبعا العربية شكلعا بقى عبيط جدا

الى يبصلها من بعيد يحس أنها مطلعة لسانها للعربيات

أرجو الأفادة ..

**alking_2006** · 08-03-2011 04:56 PM

السلام عليكم

عندى سؤال عاجل علشان انتا قلقتنى علشان انا لسه شارى طقم كبالن كامل بالاكسات هندى الاسبوع اللى فات من عند سوزوكى سنتر

فهل هوا دا اللى انتا جبته و لا جبت الصينى؟
و عموما كانت ايه الاسعار؟
و هل كان طقم كامل (كوبلن داخلى و خارجى يمين و شمال بالاكسات) و لا ايه؟
و اخد وقت قد ايه لحد ما رجعت الطقطقه؟

و شكرا

**love7amada** · 08-03-2011 08:22 PM

متابع

**ehab_11_22** · 08-03-2011 11:26 PM

المشاركة الأصلية كتبت بواسطة alking_2006

السلام عليكم

عندى سؤال عاجل علشان انتا قلقتنى علشان انا لسه شارى طقم كبالن كامل بالاكسات هندى الاسبوع اللى فات من عند سوزوكى سنتر

فهل هوا دا اللى انتا جبته و لا جبت الصينى؟
و عموما كانت ايه الاسعار؟
و هل كان طقم كامل (كوبلن داخلى و خارجى يمين و شمال بالاكسات) و لا ايه؟
و اخد وقت قد ايه لحد ما رجعت الطقطقه؟

و شكرا

أولا هما كانو طقم كبالن خارجى
وكان بيقولى باردو أنهم هندى
حتى بالامارة علبتهم لونها أبيض فى أخضر وعليها أسم المستورد الأستاذ / هانى
وكان بيوقلى ب 300 وأختهم ب 290
ثانيا أنا عايز أقولك أنهم مكملوش أسبوع أو أسبوعين لدرجة أنى شكيت أن الميكانيكى أشتغلنى وركبلى القدام تانى
وأدينى رايح أن شاء الله يوم الجمعة لعفشجى بتاع واحد صاحبى هايبص عليهم ويقولى أية المشكلة ويارب يكون خير

على العموم هو فى 3 أحتمالات
الأحتمال الأول أن جوز الكبالن اللى أختهم يكونو مضروبين
الأحتمال التانى أن الميكانيكى يكون خالف ضميرو وركبلى القدام تانى بعد ماشحمهم وظبطهم
الأحتمال التالت أن المشكلة تكون فى حاجة فى المقصات ودا الى هايبص عليهم العفشجى اللى ناوى أروحلوو

فى كل الأحوال أن شاء الله هابلغكم بالجديد أول مايحصل حاجة

بس رجاء يا جماعة أللى يعرف حد عندو قطع غيار محترمة يقولى
أنا عديت على شركة الجيزة الى فى محطة المطبعة الى فى فيصل وقالى جوز الكبالن الخارجى عاملين 200 جنية تايوانى
والأكصاد عامل 150 جنية

لو حد عندو معلومات أكتر ياريت يفيدنا كلنا وجزاكم الله كل الخير ...

**love7amada** · 09-03-2011 12:17 AM

طيب هيا شركه الجيزه دول محترمين يعني حاجتهم نضيفه؟؟
حد جربهم قبل كده

**alking_2006** · 09-03-2011 08:54 AM

السلام عليكم

شكرا لردك

دلوقتى فيه عندك احتمال بردو ان الكبالن الداخلية تكون عايزة تتغير هيا كمان
يعنى كدا انتا غيرت الرؤوس بس بتاعة الكبالن مش الكوبلن على بعضه

انا بصراحة غيرت الكوبلن كله على بعضه
يعنى الداخلى و الخارجى يمين و شمال بالاكسات هندى و كانوا عاملين 730 جنيه علشان انا مرضيتش انى اغير حاجة و اسيب حاجة تانيه تطقطق و هوا دا اللى الميكانيكى قالى عليه علشان انا كنت ناوى اغير الكوبلن الشمال داخلى و خارجى و بس - فالميكانيكى قالى ان الجوزين بيتغيروا مع بعض لأنى لو غير الشمال بس- شوية بسيطة و هلاقى اليمين بيطقطق و هكذا - فأنا حاسس ان دا اللى حصل معاك

بالاضافة لأنى وقفت جنب الميكانيكى و هوا بيغير الكبالن و اخدت الكبالن القديمة معايا و انا ماشى و دا حقى و دا اللى المفروض كنت تعمله لأن الموضوع مأخدش ساعتين لحد ما خلص فمعلش انا اقف ساعتين جنب الميكانيكى و اضمن حاجتى بدل ما اخد العربية و انا قلقان

عموما ابقى طمنى

**ehab_11_22** · 09-03-2011 03:19 PM

بص يا سيدى
أنا ساعتها فعلا كنت واقف على أيد الميكانيكى
بس ساعتها كنت بعمل سيرفيس كامل للعربية

سير كاتية وسير دينامو وفلاتر وكبالن

الكبالن كانت أخر حاجة فكنت الصراحة بدأت أزهئ وقعدت

بس اللى عايز أقولهولك أن الكوبلن الدلخلى من عيبو الطقطقة وأنت ماشى عدل ودا مكنش بيحصل معايا أما الخارجى فالطقطقة بتحصل لما تكسر الدركسيون بس

دا أللى أنا فهمتو من ناس كتير عشان كدا مشتريتنش الكبالن الداخلية

على العموم يوم الجمعة أنا رايح بإذن الله للعفشجى واللى فية الخير ربنا يقدموووو

وأن شاء الله هابقى ققولكلو على اللى حصل

**m7nsh** · 10-03-2011 02:19 AM

ان شاء الله خير يا حج ايهاب .. و تطلع حاجه بسيطه تانيه مش واخدين بالنا منها
عامه .. اى قطع غيار هاتها من شارع احمد حلمى مليان محلات تخصص سوزوكى و هتلاقى اى مسمار للماروتى هناك
مكانهم بالظبط بعد مابتعدى على نفق احمد بدوى ( تكون ماشى فوقه فى احمد حلمى كأنك جاى من بره القاهره ) هتلاقيهم ورا بعض محلات كتير .. ع شمالك وواضحين جدا بيفطهم .. مش هتتوه
اغلبهم تمام .. بس ارشحلك محل اسمه رامى .. عنده استيرد و جديد .. و هيجيبلك حاجه محترمه ان شاء الله

**ehab_11_22** · 10-03-2011 11:26 AM

المشاركة الأصلية كتبت بواسطة m7nsh

ان شاء الله خير يا حج ايهاب .. و تطلع حاجه بسيطه تانيه مش واخدين بالنا منها
عامه .. اى قطع غيار هاتها من شارع احمد حلمى مليان محلات تخصص سوزوكى و هتلاقى اى مسمار للماروتى هناك
مكانهم بالظبط بعد مابتعدى على نفق احمد بدوى ( تكون ماشى فوقه فى احمد حلمى كأنك جاى من بره القاهره ) هتلاقيهم ورا بعض محلات كتير .. ع شمالك وواضحين جدا بيفطهم .. مش هتتوه
اغلبهم تمام .. بس ارشحلك محل اسمه رامى .. عنده استيرد و جديد .. و هيجيبلك حاجه محترمه ان شاء الله

تسلم يا صاحبى

أن شاء الله ربنا يسهل وأروح هناك وأشوف الدنيا فيها

**ehab_11_22** · 13-03-2011 11:24 AM

السلام عليكم ورحمة الله وبركاتة

على فكرة يا جماعة أنا روحت لواحد عفشجى يعرفو واحد صاحبى هنا فى المنتدى

وهو راجل محترم جدا

وأكتشفت أن الباشا الى كنت مركب عندو جوز الكبالن مركبهوومش أصلا وأن الكوبلنين الى موجودين هما بتوع العربية الفبريكة

حسبى الله ونعم الوكيل

الموضوع: أكصدام أمامى + كبالن

LinkBack

أدوات الموضوع

عرض

أكصدام أمامى + كبالن - انشر الموضوع فى :

-

-

-

-

-

المواضيع المتشابهه

أكصدام كيا ريو 2001

سعر أكصدام أيفوو ؟؟

أكصدام الجولف 2

أكصدام مازدا

هل صحيح ان كبالن الفيورا معمرة اكثر من كبالن ال128 ؟

الكلمات الدلالية لهذا الموضوع

المفضلات

المفضلات

ضوابط المشاركة