الموضوع: كلنا ايد واحدة

يا جماعة احنا من ساعة مبارك تنحى وانقسمنا نصين
النص الأول : مع استمرار المظاهرات لحين تنفيذ باقى المطالب
والنص التانى : كفاية كده عشان الدنيا تمشى ونسيب الفرصة لحوكمة شفيق
وبدأ ظهور الفتنة بينا وكل واحد فينا يصر على رأيه وان الطرف الآخر هو الغلطان
وبعد ما شفيق استقال أو أقيل وبعد سقوط جهاز أمن الدولة
انقمسنا اكتر بقينا
1- احنا حققنا كل المطالب ونسيب حكومة د/ شرف تشوف شغلها
2- لسه معتصمين لحين الأخذ بحق الشهداء
3- معترضين على حكومة د/ عصام شرف لانه من النظام السابق وحصل فى عهده حادثة القطر ومش هيقدم جديد خصوصا بعد ما جاب وزراء من حكومة الفريق أحمد شفيق ..والناس دول يقى شغالين تحريض على ودنه للتظاهر ( ومعظم دول كانوا من المؤيدين لحكومة الفريق أحمد شفيق) ( ومش معنى كده انهم كل المؤيدين لحكومة الفريق شفيق لكن كثير منهم )

وظهرت وانتشرت كلمة انتوا و احنا
4- وظهور ناس جديدة مؤيدة للمظاهرات الفئوية وبيشاركوا فيها مع انهم أصلا كانوا ضد الثورة ( الناس دى قابلتهم عالفيس بوك )
ومن يومين لحد الوقت الفتنة الطائفية بتنتشر تزيد وناس توجه اصابع الاتهام تجاه الاخوان المسلمين انهم بساعدوا على انتشارها (والاخوان فى تصريح عاجل بيدينوا القتنة الطائفية )

طب كل ده ميوحيش ان فى يد خفية بتحاول تنشر الفتنة بين الشعب ؟؟
اى كان اليد دى امن الدولة او يد خارجية
مش ده وقت اننا كلنا نتفق على حاجة واحدة نعملها ؟؟؟
مش كفاية كده فتنة وتفرق
خلونا نستفيد من الثورة ونتحد فى مواجهة التخريب اللى بيحصل

المشاركة الأصلية كتبت بواسطة casperinoo

بص دلوقتي مفيش غير المظاهرات الفئويه مستغله للاسف الظروف اللي احنا فيها
والمظاهرات المنسوبه لقله من المتعصبين من المسيحين والمسلمين اللي متعرفش هما عايزين ايه


انما معظم من شارك في 25 يناير حتي خروج شفيق راضي عن ما وصلنا اليه ويدعمون وزارة شرف

والله كانا هذا الرجل
بس المشكلة فى الاقليات لان دول هم الخطر الرئيسي

المشاركة الأصلية كتبت بواسطة sharafconsult

أنا كتبت موضوع مشابه لحضرتك والناس رمته ورا ضهرها ولسه مختلفين

يا رب تنجح أنت فى لم شملهم والأعضاء المحترمين يهتموا بموضوعك

شكلهم هيرموا ده برضه :)