يا شبااااااااااااااااااااااا ااااااااااب انا ساكن فى مساكن السعودية اللى اودام الكيلو 4.5 وكنت عاوز اعرف امتى حصل كل الكلام ده؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
عرض للطباعة
يا شبااااااااااااااااااااااا ااااااااااب انا ساكن فى مساكن السعودية اللى اودام الكيلو 4.5 وكنت عاوز اعرف امتى حصل كل الكلام ده؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
ها يا شباب امتى حصل الكلام ده لاننى بنزل اروح شغلى واسيب زوجتى وطفلى لوحدهم.والواحد مش ناقص قلق.ولا اسيبلهم المسدس :36_2_49[1]:
محدش عارف طيب امتى الخبر نزل على الاخبار او النت؟
طيب اللى نقلوا الخبر.جابوه منين؟
حضرتك شوفت حاجة طيب ؟؟
الخبر كان موجود في موضوع تاني و ممكن تكون كانت زحمة والناس افتكرتها شغب
مشى حالللللللللللك يعم مش فارقه كتير...الاجتماعى بقا قسم اشاعات
هتجنننننننننننننننننننننن نننن بقالى ساعتين بسال منين جابوا الكلام ده.ده انا كنت هنزل اسال فى الشارع واخش 4.5 اسالهم. ولا مصدر واحد بيقول فى حاجة هنااااااااااااااااااااااا اا خالص.:36_2_49[1]:
مراتى صحتها وسالتها كان فى حاجة هنا النهاردة.:U_thin1[1]:
ابنى 5 شهور والله كنت ببصله وحساله طب وانت شفت حاجة النهاردة.
رجعت من الشغل ونزلت غسلت العربية ومونت بنزين وده من الساعة 2 ل 6.طيب امتى حصل الشغب والضرب والوقوف: مش عارف:breakpc1: :breakpc1:
طب ما خلاص تبقى اشاعات
طيب ليه الترويج والترويع.وانا عامل فى نفسى كدة عشان ومحروق دمى عشان مشاركة شاركت بيها واخصها بالنسبة لى اخر سطرين لاننى مكنش ينفع اخد واحد جارى فى حضنى واقوله متخفش انا هحميك وهو كان واقف بيحمينى فى لجنة شعبية من كام اسبوع وانا بصلى الجمعة والنهاردة يخاف ان المسلمين هيقتلونا ولا ايه.
المشاركة :
لا حول ولا قوة الا بالله-خلاص هنقتل فى بعض ونمشى نسال ونبص مين مسيحى ومين مسلم.يارب الهمنا الصبر والحكمة.يارب علمتنا الا نكون افظاظا غلاظ القلوب.يارب علمتنا عندما نري منكر ان نتكلم ونحاول ان نقنع ونعدل عن المنكر.
لقد بين الحديث أن إنكار المنكر على مراتب ثلاث : التغيير باليد ، والتغيير باللسان ، والتغيير بالقلب ، وهذه المراتب متعلقة بطبيعة هذا المنكر ونوعه ، وطبيعة القائم بالإنكار وشخصه ، فمن المنكرات ما يمكن تغييره مباشرة باليد ، ومن المنكرات ما يعجز المرء عن تغييره بيده دون لسانه ، وثالثة لا يُمكن تغييرها إلا بالقلب فحسب .
فيجب إنكار المنكر باليد على كل من تمكّن من ذلك ، ولم يُؤدّ إنكاره إلى مفسدةٍ أكبر.
عملنا مظاهرات ايام فكرة المادة التانية من الدستور(مع اننى مش عارف مين فتح سيرتها وهى مش داخلة فى التعديلات) والاخوة المسيحين مقالوش لا ولا اه.
لما بتكلم مع اى واحد مسيحى ولا بيقولى احنا وانتوا ولا بتاعتكوا وبتاعتنا(كلنا واحد هنا)
عمرى ما قابلت مسيحى متشدد او وسطى سمعت عنه او قاللى نقتل المسلمين.
عمرى ما قابلت تاجر او صانع او اى كان يقولى مش هبيعلك عشان انت مسلم.
عمرى ما شفت أية ولا قريتها ولا فسرت ليا بتقول اقتل المسيحى او احل دمه.
عمرى ما شفت بنى ادم مسلم او مسيحى بيقول هكسر عربيتك واموتك واروعك انت و اهلك سواء كنت مسلم ولا مسيحى.
عمرى ما سمعت من مسيحى جارى او صاحبى يقولى انا خايف غير النهاردة.
حرام حرام حرام ترويع الامنين
مفيش احداث شغب حصلت فى 4.5 ولا الهجانه حتى
ما انا قلت فى نفس الموضوع انى روحت من طريق السويس على الى كيلو 4.5 الى مدينة نصر امبارح بين الساعة 4 الى 4:30 و كان الطريق عادى جدا و مافيش اى حاجة !!
مكنش فى شغب ... مجرد تجمع لناس كتير (معرفش مين) تحت الكوبرى الجديد
الكلام ده بين 3 30 و 4 ... كنت مستنى والدى فى الماظه و الاوتوبيس جاى من طريق السويس و شاف التجمع مع وجود جيش بس الطريق كان ماشى عادى
النهارده من حوالى ساعتين (على 10 30) طريق السويس واقف من قبل الدائرى و الناس بتمشى من جوه المطار ... و محدش عارف ايه السبب هل فى حاجه عند 4.5 ؟؟؟ و الاشاعات شغاله ... ناس تقول مسيحيين و ناس تقول بتوع الكهربا و بتوع الغاز و محدش علرف ايه السبب ....
لو حد ساكن هناك يطمنا
أقولك الموضوع أيه
أمبارح كنت راجع على الدائرى ( بتاع المعادى ) وقبل المعادى ( قبل الكورنيش يعنى ) بشويه لقيت الدنيا زحمه جدا واللى ماشى على رجله أسرع من العربيات
المهم لغاية قبل الكورنيش بشويه وفجأه عينك ما تشوف ألا أتوبيس نقل عام عطلان فى وسط الطريق ويدوبك عديناه كنت فى ميدان الجيزه بعد 7 دقايق
أول ما فتحت الكمبيوتر لقيت أخبار أن الدائرى مقفول بسبب المظاهرات و و و و
مع أن فيه أعضاء قالوا أنه فاضى بس محدش صدقهم
ممكن أتخيل الحوار لما كنا واقفين أن فيه واحد بيسأل أيه الزحمه دى راح واحد جنبه قاله تلاقيها المظاهرات
كلمة تلاقيها دى مع الشعب المصرى بتتحول لتأكيد وأنه كمان شاف ناس مقتوله و و و و
فهمت الحكايه
أنا برجع كتير من التجمع الخامس للجيزه ودى فعلا أول مره ألاقى الدائرى فاضى كده بأستثنءا منطقة الأتوبيس العطلان
أحنا عايشين فى وهم أشاعات مالوش حل
معلش ده الساعه كام حضرتك؟ انا جاى من هناك و معدى من جوه المطار ... حتى مدفعناش لأن الراجل لاحظ ان عربيات كتير قوى مش طبيعيه معديه ...
عالعموم اتكنى انها تكزن حادثه مثلا كانت موقفه الطريق و الدنيا مشيت عادى بعدها
ياريت ياجماعه حد يقولنا اعمال البلطجه دي فيين في مصر عشان الواحد اعصابه تعبت بجد ..........احنا في اسماعليه ومفيش أي حاجه وعربيات الشرطه كتير جدا غير دبابات ومدرعات الجيش....المؤكد دلوقتي انهم في الدايري والمحور والتحرير .
العضو شاركى اظن وضح انه رد فى الموضوع اللى كان بيقول ان فى مظاهرات او شغب فى 4.5 وبامر الله لما تلاقى وقت بص على مواضيعى او معظمها مش هتلاقى عن مواضيعى اى حاجة والسلام من غير المصدر.وانا مش فاضى ولا دماغى صغيرة عشان اعمل بوست واقول اى كلام والسلام.
انا كنت فى المنطقة ما بين 2 - 6.30 ومشفتش حاجة غريبة غير ميكروباصات على اليمين عند مطلع الكوبرى كالعادة عاملة زحمة والناس اللى بتعدى الشارع.