عرض للطباعة
شبكةرصد:ما رد فعلك بعد مشاهدة عمرو موسى فى هذا اللقاء مع بعض الشباب فى اول لقاء مفتوح ومهاجمة بعض الشباب له كمسئول للجامعة العربية واقصى قرارته هيا الادانة والشجب؟
[youtube]http://www.youtube.com/watch?v=iYivTcIMiwo&feature=player_embedded#at=160[/youtube]
وده المتوقع.....تلاقيه كان مفكر هيقابل ناس غلابه هيقول كلمتين هيقوموا هاتفين بأسمه...
بس بنسبه كبيره هو رئيس مصر القادم
هذا هو المتوقع الفترة القادمة لكل المرشحين
لو رجل دين حتي ترشح (( ستجد العلمانيين لم يتركوه في حاله ))
(( مؤيدي د.البرادعي بعضهم سيهاجم عمرو موسي ))
(( مؤيدي عمرو موسي بعضهم سيهاجم كل المرشحين الاخرين ))
(( اي واحد ناوي يخوض هذه التجربة الخطيرة ))
في ظل هذه الظروف التي تمر بها مصر
يجب ان يكون (( علي قدر من المسؤولية و الديمقراطية ))
و يتحمل النقد و التشكيك
و عموما ربنا يوفق الاصلح
و اتمني من الله ان يحكمنا رجل (( يعلم حدود الله و شرعه ))
(( و الا يكون بيرتكب المحرمات ما ظهر منها و ما خفي ))
فمن يخاف الله لا تخف منه
و من لا يتقي الله فأحذر منه و تجنبه
م.حاتم السباعي
يعني ايه كوكاكولا زيرو: يعني البرادعي يتكلم كلام في الصميم و الناس تشتمه و تحب عمرو موسي اللي بيتكلم كلام عام
نقلا عن twitter
أنا لسه مقررتش مين هنتخبه لازم نشوف برنامجهم الأول و بعد ما كنت بميل لعمرو موسى بقيت أميل للبرادعي
أجمد حاجه لما قال عبد المنعم الصاوي كفاية كده عشان الحظر قام قاله عمرو موسى هو فيه حظر ؟؟ نقلا عن twitter و مش مؤكده
و بعدين ما إنت فعلا قلت إنك هتنتخب مبارك يا عمرو موسى و أنه الأقدر لحكم مصر و قلت كفاية إعتصامات
و لو جينا لموقف البرادعي الراجل موقفه من سنة و نص لم يتغير تماما و رفض حتى التفاوض مع عمر سليمان في وقت أغلب المعارضه هرولت للتفاوض
و عشان مايجيش واحد يقولي مين البرادعي .. البرادعي قعد على يسار المشير في آخر لقاء للمجلس الأعلى مع رموز مصر
ممكن نختلف على البرادعي في طريقته و أو ظروفه و لكن لا نختلف عليه في أنه كان من أسباب الثورة و أنه رجل مبادئ و رجل تعود عمل الفريق و هيكون أو واحد يفصل ما بين السلطات و يقوي مؤسسات الدولة
و كده فعلا مصر بتعيش حرية التعبير و محدش يقولي عيب و أخلاقنا الشباب في الحوار مغلطوش و قالوا على اللي جواهم بصراحه
و عقبال المناظره بين عمرو موسى و البرادعي أو أي مرشح تاني للرئاسه
وهنا مقالش ان حسني احسن من جمال بالعكس بيمدح في جمال وهايرشح حسني
[youtube]http://www.youtube.com/watch?v=t1fn7IplfHo[/youtube]
ياريت بعد كده من الاخوه ميحطوش الفيديو بتاع عمرو موسي اللي بيقول انه حيرشح مبارك...لسببين
1-ان الفتره دي كلنا ماكانش فيه حد تاني غيره...يعني كلنا كنا حنختار حد منهم....ياجمال ياحسني...
2- ان الراجل دبلوماسي مينفعش يطلع اعلاميا ويتسال حترشح ده ولا ده ويسكت لازم يرد رد دبلوماسي.....
يبقي لما نحب نحاسب حد ......نشد خط من اول الثوره ونبتدي نشوف.....
لان كلنا عارفين قبل كده ماكنش الوضع فيه حريات زي ماكان النظام البائد بيدعي......
.................................................. .....
ولاحظو برده ان مفيش ولا مسئول واحد سواء شريف او فاسد قدر يفتح بقه طول حكم مبارك......
مش حبا في عمرو موسي....انا شخصيا لاعايزاه ولا البرادعي ولا ايمن نور.......بس احقاقا للحق..وبلاش اسلوب النظام البائد
لازم كلنا نتخلص من بقاياه جوانا....نعم اقصد كلنا...لان حتي الان لم نتعلم معني الراي والراي الاخر
ربنا يمد الينا واحد بيحب مصر بجد.....مش شويه ناس هاممها المنصب والكرسي
اكتر حاجة بكرهها الكلام المتزوق الفخم اوي من بره...ولا يؤدي الى شيء في حقيقته...
اتمنى ان اجد اكثر من مرشح يستحق...حتى لا اضطر ان انتخب واحد مش مقتنع بيه لمجرد اني مش طايق منافسه
فيديو جامد هههههههه
[youtube]http://www.youtube.com/watch?v=efIQbiNQZVU[/youtube]
سمعت انه اتغسل امبارح
حد قال له يقعد مع ناس مثقفين ؟
العالم دي شعبيتهم الوحيدة و القاعدة اللي بيتسندوا عليها الناس الغلابة اللي ما يعرفوش بلاويهم
الى قالوا عمرو موسى فى وجود النظام وبعد سقوطه يثبت
أنه رجل متواضع
فهو يأكل على كل الموائد
حلوة:S_thum1[1]:اقتباس:
المشاركة الأصلية كتبت بواسطة zkralla
عمرو موسى| انتى جايه تشتغلى ليه
اصلا عمرو موسى الي ادالو تذكرة النجاة ... من محرقة الثورة للنظام الفاسد السابق .. هو رئيس النظام السابق نفسه عندما نفاه الي "نادي الدول العربية " بعدما تصلطت عليه الانوار كوزير خارجية مصري ناجح ... و بالتالي اصبح في "موقف" او في مكان اقل "ارتباطا " بالنظام و بالتالي الناس حكمت انه ضد النظام او على الاقل ... لا يستهوي النظام وده الي منجحه الى الان ...
لكن لو كان كمل كوزير خارجية معتدقش انه كان حيحاخد الشعبية دي الي الان ... و عامة الي فيه خير لمصر و لبلدنا و لنا كلنا يا ريت يحكم ..
كان مسلم - مسيحي - يهودي .. طلاما مصري و محترم ... انا معاه !
بغض النظر عن ان عمرو موسى كويس و لا وحش بس اللى حصل هناك ده دليل ان الشعب عاطفى و مبيحسبش أى حاجة بمخه و لكن بقلبه فقط
يعنى المفروض ده رئيس الجامعة العربية يعنى من الأخر طرطور و ميقدرش غير انه يعمل اجتماعات و شوية القلل اللى حاكمين الدول هما اللى يقرروا و هو فعلا اخره يشجب و يزبهل و يتعجب و خلاص و للأسف ده الواقع الأليم
أديك قلتها , ده واحد قبل انه يبقى طرطوراقتباس:
المشاركة الأصلية كتبت بواسطة smartchoice
:))))))))
أضف اليها الكذب في حديثه بخصوص جمال و ابوه , و اضف اليها مواقفه الشخصية المخزية جدا في الفترة الأخيرة
ما ينفعناش
:36_2_49[1]:اقتباس:
المشاركة الأصلية كتبت بواسطة human12
كانت بتقول (انتى جايه تشتغلى ايه ) وليس ليه
الواحد لسه مش عايز يكون راى على اى مرشح الا لما يشوف ناوى يقدملنا ايه ولما نتاكد من بعض الاشاعات المنتشرة حولهم
لكن كالعادة اللاموضوعية هى السائدة
يعنى ازاى الناس بتنتقد عمرو موسي علشان مبيعملش حاجة فى جامعة الدول والبرادعى معملش حاجة وهو فى الطاقة الذرية لا مع العراق ولا ضد اسرائيل....نفس الوضع تماما ولا يجب انتقادهما على ذلك ففى النهاية كلهم موظفين لهما حدود وليسوا رؤوساء يامروا فيطاعون
الناس بتنتقد عمرو موسي انه موجهش اى نقد لمبارك ولحكمه طول فترة عمله ...طيب وهو البرادعى نطق امتى؟ مش بعد ممشى من الطاقة الذرية...وده طبيعى للاتنين..ازاى موظف يراس هيئة دولية ينتقد نظام داخلى لدولة تانية..كانت كل الدنيا اتقلبت عليهما
الناس بتنتقد عمرو موسي انه معملش حاجة لليبيا...طيب وهى الجامعة نفسها ليها اى صلاحيات لما رئيسها يبقى ليه صلاحيات
الناس بتنتقد ان عمرو موسي بيشرب خمرة وبكده لا يصلح - ولو صدقت ففعلا لا يصلح مع احترامى لدعاة الحرية الشخصية- بس وقتها لازم نرد على سؤال هل البرادعى يشرب خمور فعلا ام لا
انتقاد لعمرو موسي انه بيقول اسرائيل دولة ولازم نحترم اتفاقياتنا معاها...طب وجه نفس السؤال للبرادعى حتلاقى نفس الرد بحذافيره
قليلا من الموضوعية فى نقاشنا ونقدنا علشان نمر بالانتخابات القادمة بسلام...لا نريد النبش فى الماضى ونقيس عليه لان موظف مهما كان درجته له حدود تختلف عن كونه رئيس
عايزين نختار الرئيس الجاى على اساس هو ناوى يعمل ايه لمصر وايه خططه وبرامجه حيصلح الاقتصاد والتعليم والصحة والامن ازاى...حيقضى على الفساد ازاى...حيصلح وضع مصر ازاى..حيبنى مؤسسات حقيقية ازاى
اقتباس:
المشاركة الأصلية كتبت بواسطة tlrsiap
الراجل كان طرطور فعلا و بجدارة بصراحة و بصراحة أى واحد مكانه كان هيبقى كده
هى المشكلة أنه ذكى جدا و ديبلوماسى أوى و متبقاش عارف هو بيفكر فى أية
بس هى السياسة كده محتاجة واحد يعرف يتكلم كويس و هو ده بردو اللى خلى الناس تكره شفيق انه مدب و مش بيعرف يتكلم و بيروح رازع الكلام علطول من غير ما يفكر مع انه مجتهد فى شغله
بس لو جيت تشوف كلام البرادعى بردو هتلاقى كلام كتير عام و سايح و لا بد من الديموقراطية و لازم الحرية و لابد من حفظ الكرامة و كلام كتير من غير ما تعرف هو هيعمل أيه علشان يحقق الكلام ده