انا معايا نيسان صنى 2009 وفى خلال الفتره دى غيرت موتور المساحات مرتين فى مودرن موتورز الاسكندريه وامبارح بكل اسف الموتور عطل تانى .... رجاء الافاده ولكم جزيل الشكر وايه سبب العطل المتكررِ:U_thin1[1]:
انا معايا نيسان صنى 2009 وفى خلال الفتره دى غيرت موتور المساحات مرتين فى مودرن موتورز الاسكندريه وامبارح بكل اسف الموتور عطل تانى .... رجاء الافاده ولكم جزيل الشكر وايه سبب العطل المتكررِ:U_thin1[1]:
حضرتك طالما روحت التوكيل وجبت ماتور جديد ولسه متعملتش نصيحتى ارجع ليهم تانى لغاية ما تتحل
وطمنا عليك
ناس كتير نصحونى بتركيب موتور مستعمل يابانى اصلى ....... مش عارف دى فكره كويسه ولا لأ ... وعموما شكرا جزيلا لاهتمام حضرتك :S_thum1[1]:
ما انا كنت حرد عليك وحقولك هات واحد يابانى محترم جديد او استيراد
بس لما لقيت حضرتك بتقول انه القديم باظ وغيرت واحد تانى فى التوكيل ورجع باظ تانى قولنلك روحلهم عشان ليكونفيه مشكلة فى سلك او حاجة متصلة بيه
وبعدين ده يعتبر قطعة غيار وعليه ضمان ومفروض هما مسئولين عنه حتى لو حضرتك خرجت من الضمان
القطعة اللى بتركبها انا اعرف ان عليها ضمان 3 شهور , لو لسه بايظ تانى من فترة قريبة روح تانى وخليهم يشوفوا الموضوع
انا حاسس ان في حاجة غلط
ديه أول شكوى من موتور مسحات الصني أسمعها
عموما لو الموتور باظ اكثر من مرة يبقى العيب مش من الموتور لأن الموتور مش محلي وزي الي في الصني التجميع ياباني .
عموما تابع مستوى مياه المساحات ومتشغلش البخاحات إلا لو فيه مياه في الخزان وخد بالك ان خزان مياه غسيل الزجاج لا يوجد به حساس يخبرك بنفاذ او نقص مستوى المياه. وعمل المتور بدون مياه يعرضه للتلف.
هو ماتور المساحات من المستهلاكات و معليهاش ضمان ولا ايه
والله ياباشا لو حضرتك بتركبه في الضمان يبقي ماشي روح التوكيل و ركب واحد تاني
لكن لو هاتركبه علي حسابك يبقي مايبفعش كده لازم تشوف كهربائي كويس اوي يمشي ورا الدايره بتاعة المساحات كلها و يشوف العيب من فين بالظبط علشان كده اكيد اكيد في حاجه في مكان ما
هو بيتكلم عن موتور القربه بتاعة الميه ولا المساحات نفسها اصل دا حاجه و دا حاجه تانيه و بعدين لو ماتور الميه هايدوس عليه علشان يطلع ميه مش هايطلع هايعرف ان القربه مافيهاش ميه عادي يعني التشغيله البسيطه دي لاتعمل حاجه الموتور خااااالص
انا فعلا مش متأكد إذا كان الزميل بيسأل عن موتور تشغيل المساحات ولا موتور دفع المياه الخاص برشاشات المياة للزجاج الأمامي
بحكم دراستي وعملي في مجال السيارات لفترة حتى تغيير مجال عملي أعرف ان في من العملاء بيقولوا على موتور رفع مياه للمساحات موتور المساحات و في ناس بتقدر تفرق... ياريت الزميل يوضح لنا...
التعليمات عن تشغيل رشاشات المياه هي توصية من الشركات المصنعة ولما ربنا يرزقك بأطفال هتعرف انهم ممكن يفضلوا يلعبوا في الدراع مستنين المياه تطلع:)
عموما هو كان مجرد تنبيه . والأهم يتعرف سبب تلف الموتور سواء ده او ده أيه هل هو عيب كهربائي او عيب في تثبيت الموتور واجزاء الحركةبالنسبة لموتورتشغيل المساحات