البرادعي رئيسا
و اللي مختلف معاه يبطل قلة أدب و تبجح إختلف بالمنطق و الحجه و العالم كله كرمه و إداله حقه على الأقل نحترمه
البرادعي رئيسا
و اللي مختلف معاه يبطل قلة أدب و تبجح إختلف بالمنطق و الحجه و العالم كله كرمه و إداله حقه على الأقل نحترمه
حوار رائع وعجبنى اوى لما عمل التعليم اول هدف ليه لأن فعلا دا الاساس ... وافكاره عن السلام وايران والمساعدات الامريكيه هى تقريبا نفس الى المصريين عايزينه... بصراحه يذكر للراجل دا عدم تغير موقفه وكلنا عارفين اعلام حسنى والفقى شوهوا البرادعى كتير جدا جدا
الراجل ده راجل محترم
اول واحد قال لو مليون مصرى نزلوا الشارع هيسقطوا النظام
اول واحد اسمعه يقول الاننتخابات الرئاسيه لازم تكون الاول
اول واحد اسمعه يقول لازم مجلس رئاسى ومفيش داعى للاستعجال فى الانتخابات البرلمانيه عشان هتجيب اخوان والوطنى
وده الى الناس كلهم بيطالبوا بيه دلوقتى والى انا مقتنع بيه تماما
ده غير حملات التشويه الى تعرض ليها من النظام الى مش نضيف فى حربه على اى حد
سواء اتفقت مع البرادعى او اختلفت معاه فانت فى الحاليت لازم تحترمه
انا أؤيد الدكتور البرادعى وارى فيه الامل نحو مستقبل أفضل لمصر, بصراحه الراجل ثابت على موقفه من بدايه رجوعه لمصر و بنتاكد كل يوم ان كلامه صح وله رؤيه ثاقبه نحو المستقبل من خلال وضعنا الحاضر. انا تفألت كثيرا بعد مشاهده الحوار وبأتمنا من ربنا انه يصبح رئيس الجمهوريه القادم ويحقق الخير على ايديه لمصر ان شاء الله
لو اعتبرناها مثل دوري في كرة القدم....كتشبيه فقط.... فالبطولة محسومة -حتى هذه اللحظة- للبرادعي
فالمنافسين لا يملكون خطابا مثل خطابه
ولا مكانة دولية مثله
ولا نضال - لو سميناه نضال - مثل نضاله
لكن.....الامر حتى الان مجرد كلام....أي نعم مختلف كلية عن الاخرين
الا انه لا يعدو كونه كلاما...
انا لم أسمع الحوار...و لكنه لو ذكر الية التطبيق....
اديله رقبتي
عزيزي السياسة ما هي إلا كلام ... أهم شيء هو المصداقية .. يعني هناك سياسي يقول كلاما جميلا جدا لكن أنا أعرف جيدا أنه كاذب وغير مواقفه ويريد مصالحه الشخصية، وبالتالي إذا انتخبته فأنا أستحق ما سيفعله في لأنني أعلم من البداية أنه كاذب وأنه لن يفعل ما قال.
الدكتور البرادعي جذبني كمصري منذ عودته قبل عام لأنه كان صادقا وسليم النوايا وأحاطت به كوكبة من المصريين الشرفاء هم بدورهم صادقون فاكتملت الصورة.
الخلاصة أن هناك سياسيين يتكلمون كلاما أفضل بكثير من البرادعي لكن المصداقية والتاريخ والمواقف مع من؟ هذا هو السؤال
في رأيي انها محسومة في الشريحة المتعلمة , و ربما المثقفة كمان مش المتعلمة , فقط
انما في الشرائح اللي مش كده هاتلاقي العكس بالظبط , و خد بالك ان اعتماد الهباب البائد كان على الشريحة الجاهلة سواء الجهلة تماما او جهلة المتعلمين و عشان كده هاتلاقيه كان بيخرب في التعليم على قد ما يقدر , و يفسد في الاعلام على قد ما يقدر
في غياب اليات التطبيق...تصبح المصداقية المحك الرئيسي للاختيار
لعله - أو غيره - يمتلك الاليات التي من خلالها يستطيع أن يقنعنا بتنفيذ برنامجه
على سبيل المثال :
السؤال بقى هايعمل ايه؟؟؟اقتباس:
توقيع اتفاقية كامب ديفيد كان خطأ تاريخي
غزة كانت مسجونة بين إسرائيل ومصر ويجب أن يتوقف ذلك
بالمناسبة... مداخلاتي كانت هتكون واحدة لو أي شخص اخر كان مكان البرادعي
هو أتكلم في النقطة دي مش باستفاضة انما كان كلام واضح. هو قال ان اتفاق السلام كان غلطة و انه محققش سلام حقيقي في المنطقة, و قال ان لازم يكون فيه تكتلات أقليمية مع الدول العربية و الأسلامية الكبيرة عشان نوجد تكافؤ في العلاقة مع اسرائيل و تخلينا نقدر نشكل ضغط عليها. الكلام طبعا مش مفصل لأنه مش مجال التوسع في مناقشته انما التوجه واضح و منطقي.
موضوع غزة ده بقى أساسا كان فضيحة, لأن مفيش أي حاجة كانت تجبرنا على اننا نشترك في الجريمة الانسانية دي غير الانبطاح و العمالة اللي كان نظام مبارك بينتهجه. على فكرة احنا انصياعنا للأجندة الاسرائيلية بالكامل مش بسبب اتفاقية السلام و لا عشان نتجنب الحرب زي ما كان أبواق مبارك بيحاولوا يفهمونا, و ابلغ دليل على كدة موضوع السفينتين الايرانيتين اللي عدوا من القناه بعد المجلس العسكري ما مسك السلطة. موضوع حكمة الرئيس اللي جنبتنا الحروب دي أكبر كدبة حاول النظام السابق انه يشربهالنا. في فرق بين الحكمة في التعامل و بين انك يكون ليك كامل السيادة في اتخاذ القرارات اللي تناسبك مش الي تخدم أجندات دول تانية.
للأسف البرادعي معندوش الكاريزما و لا بيستخدم أسلوب الخطاب الحماسي اللي في الأخر كله شعارات زائفة. البرادعي بيتكلم بالمنطق و الحجة و خوفي الشديد ان شريحة كبيرة جدا من المصريين سواء الجهلة أو المتعلمين اسما فقط بيتأثروا بالخطب الرنانة و لا يفكروا بعقولهم. أملي ان تتنظم حملة انتخابية جيدة للبرادعي يكون فيها جزء كبير بيخاطب فيه البسطاء باللغة اللي يقدروا يفهموها.
و ردا على أحد الأخوة اللي بيقول ان لازم رئيس مصر يكون عنده كاريزما عشان الاتفاقات و العلاقات بين الدول, اسمح لي أقول لك الكلام ده مش صح. عمر العلاقات بين الدول و لا أي مفاوضات ما بتعتمد على الكاريزما الشخصية أطلاقا. العلاقات السياسية بتعتمد في المقام الأول على المصالح المتبادلة و التكافؤ و بالتالي بتكون لازمها عقلية واعية و منطق و حجة. و ده اللي بيمتلكه البرادعي. الكاريزما دي ممكن تفرق مع الشعوب عشان مستوى الوعي و الثقافة ساعات كتير بيكون دون المستوى و حتى هنا حتلاقي النخبة المثقفة خارج التأثير ده.