:first::first::first: مستنى معاك
عرض للطباعة
يا دون مفيش برايفت
هو سالني بس انت موجه السؤال لمين
و الجيش لما هو عالحياد سايب مسلحين بالكرابيج و الشوم تخش ليه؟
أجاوبك بكره يادون
علشان كابس عليا النوم باي
مش فاهم ازاي حد بيتبنى نظرية زي دي. أقل ما يقال عنها انها استخفاف بالعقل.
أولا: يوم الأربعاء 2 فبراير كان يوم تظاهر عادي ومكنش في دعوة لمظاهرة مليونية. كان العدد أقل بكثير من اليوم السابق 1 فبراير اللي كانت أول مظاهرة "مليونية".
ثانيا: الهجوم كان بآلاف البلطجية ولم يقتصر على بضع أحصنة وجمال. الهجوم استمر طول اليوم وكان فيه طوب ومولوتوف و رصاص حي وقناصة كمان. وكان في موجات من البلطجية جايين في اوتوبيسات وعربيات نقل لغاية فجر 3 فبراير.
ثالثا: لم يكن هناك أي وجود للأمن المركزي لأنه انسحب تماما في 28 يناير ولم يكن يجرأ أن يظهر في الصورة بعد ضرب الرصاص المطاطي والحي ودهس الناس بالمدرعات وانتقام الناس بحرقها. ولم يظهر الأمن المركزي حتى الآن إلا في المحافظات وفي مناسبات قليلة.
غباء الحزب الوطني صور له ان بكل بساطة ممكن يرعب الناس اللي في التحرير ويخليهم يجروا ويخافوا ينزلوا تاني ويحتل الميدان "مؤيدون مبارك" وتنهي سلسلة المظاهرات وتخلص الحكاية على كده.
طبعا الشرطة كانت لازم تبقى بعيدة عن الصورة أولا لأنها فشلت في 28 يناير وثانيا حتى تظهر المعركة على أساس انها ما بين مؤييدين ومعارضين ولا دخل النظام بها.
فكرة ان الاخوان أو غيرهم يبعتوا شوية منهم عشان يضربوا نفسهم فكرة ساذجة وسخيفة.
http://www.youtube.com/watch?v=UN7UtnOpT4E
http://www.youtube.com/watch?v=cwSkyhiJ9xw
http://www.ffnc-eg.org/
رغم اني كنت ومازلت احد المعارضين لاستمرار التظاهر من وجهة نظر اقتصادية
الا انني لااؤيدك في تحليلك لسبب بسيط ان المهاجمين في موقعة الجمل هم بلطجية الحزب الغابر دون اي شك وتم تجميعهم باوامر صفوت الشريف لجميع فتوات الحزب
واقترح عليك ان تذهب الي ثلاث مناطق لتتحقق من ذلك وهي للاستدلال ليس اكثر وهي مناطق المطرية وعين شمس وحدائق القبة
بالنسبة للمطرية اسأل عن عضو مجلس الشعب ميمي العمدة حزب وطني وسوف تعلم انه صاحب مقهي في الظاهر وتاجر بلابيع في الاساس وهو وحدة ارسل اكثر من 500 بلطجي تابعين له اما عين شمس اجلس علي اي مقهي من المقاهي التي بها بلطجية ( طبعا معروفين من الشكل وطريقة الكلام ) وسوف تعلم ان خالد عباس رئيس مباحث عين شمس قام بتجميعهم في الليلة السابقة علي موقعة الجمل وفي صباح يوم موقعة الجمل اختفت اللجان الشعبية التي كان يديرها هؤلاء البلطجية من الشارع لتعود بعد 12 مساء حاملة اعلام تحكي عن بطولاتها في موقعة الجمل
ونفس الحال في حدائق القبة جري تجميع البلطجية بمعرفة رئيس المباحث هناك
في اعتقادي الشخصي تحرك صفوت الشريف وباقي غربان الحزب كان معلوما لمبارك وان لم يكن يعلم فمن المفترض انه علم به بمجرد حدوثه
فأن كان قد علم به بمجرد حدوثه وسكت فهو مشارك به
وان لم يكن قد وصل اليه علم بمجرد حدوثه
فدي لوحدها مصيبة تانية لما رئيس البلد ميعرفش ايه بيحصل في البلد في توقيت زي ده
نفس السيناريو بتاع يومها حصل النهارده
بس يومها كانت المواقف والأطراف واضحة
شوية بلطجية في مقابل متظاهرين ضد الطاغية مبارك.
النهاردة محدش يعرف مين البلطجي ومين المحترم.
ناس تقول ان المعتصمين دول باعة جائلين وبلطجية والناس المحترمة هي اللي كانت بتطالب باخلاء الميدان.
وناس تقول لك المعتصمين نشطاء سياسيين وأهالي شهداء الثورة والبلطجية هما اللي هجموا عليهم عشان يخلوا الميدان.
الله أعلم الحقيقة فين.