مليت نيتروجين ,,,, ف التيدا ,,,,, بس مش مقتنع

السلام عليكم ورحمه الله وبركاته


الاخوه الافاضل

والعربيه ال مخلاينى اشك ف كل حاجه فيها دي


انا روحت النهارده ازود نيتروجين
فى مركز بريدجستون عندنا ف الشرقيه

المهم انا كنت مليت الشيرى قبل كدا وزودلى 30 .. زي الفل


المهم لما روحت النهارده لقيته بيظبط على 20

قولتله ياحج خليها 33
زي ما مكتوب على قايم الباب


قالى لا النيتروجين غير الهوا يا باشا

النيتروجين 20 = 30 ف الهو

قولتله ماشى
بعدين خلص
بقوله انا حاسس ان الفرده مريحه كدا مش تمام :pffft:


قالى لا والله هو كدا
30 يعنى 40
العربيه هترزع منك ف كل حته

كدا كويس جدا للعربيه و العفشه


قولت ماشى
ومشيت بالعربيه

ماحستش بفرق جامد صحيح

بس قولت اطمن واسالكم



تحياتى لكم

السلام عليكم

انا عندي في الفيرنا لما مليت نيتروجين,,مليت على 30 و الراجل مقليش احطلك 20 عشان بتساوي 30
الحقيقة انا بش عارف تفسير الراجل ايه عندك للموضوع ده
بس اعتقد انها بتبقى زي ملي الهوا والله اعلم
و ان شاء الله الاعضاء حيفيدوك
و بالنسبة للعربية اللي حضرتك بتقول مخلياك شاكك في كل حاجة فيها,بجد اتمتع بعربيتك و لو فرضنا و قابلت حاجة بعد الشر,,حضرتك اول ما تعمل صيانة الالف قولهم عليها و هما حيقوموا بالواجب و زيادة ان شاء الله

و تقبل مروري

الراجل ده بتاع نتروجين ولا انابيب بتجاز

مفيش حاجه من الهاكس ده خالص

واضح ان المقاس بتاعه في مشكله عشان كده بيقولك 20=30 لكن الحقيقي انا بتعامل مع بريدجستون 30=30

ده بيملى نيتروجين
بس دماغه مليانه بطاطس
القاعدة معروفة
نيتروجين او هوا
صيف او شتاء
التزم بالضغط الاصلى اللى فى قايم العربية ومتغيروش

إظبطها 33 وسيبك منه

المهم مقاس الكاوتش بينزل مع الوقت ولا بيفضل ثابت

ههههههههههههههههههههههههه هههههههههههه
والله الراجل دا شكله بيعمل دماغ بتنجان عجب
ياباشا حضرتك شوف القايم بتاع العربيه مكتوب عليه كام و املي النيتروجين زيه بالطبط و بعدين هو معرض بيردجستون دا مش اللي جنب رزق بتاع الفول ولا واحد تاني اصل لو هو يبقي و لامؤخذه مش فاهم حاجه لاني دخلت معاه في نفس النقاش دا قبل كده

اقتباس:

---

المشاركة الأصلية كتبت بواسطة pharonicking

المهم مقاس الكاوتش بينزل مع الوقت ولا بيفضل ثابت

---

ممكن ايضاح اكتر

نفس اللي حصل معايا وانا رايح املأ نيتروجين .... واكيد طبعا متقتنعش علشان مش ده مقاس ضغط الكاوتش
عايزين يعملوا ناصحين وخلاص
روحله تاني وقله علي مسئوليتي ... املا علي نيتروجين اللي ضغط قايم العربية :))
اقعد بالعافية :)))))

هههههههههههههههههههههه

ابن الايه

الله يسامحه


وانا مش عارف هو دا ال جنب رزق بتاع الفول ولا ايه

لو حضرتك من الزقازيق

هو دا بريدجستون ال تكت كوبرى ابو عميره :d
غير كدا مااعرفش بصراحه


هههههههههههههههههه


الله يسامحه

بكره هروحله تانى دا انا دافع 20 جندى من حر مالى :d
او من حر مصروفى يعنى



شكرا جزيلا ليكم جميعا ,,,, ان شاء الله هقتله بكره

اقتباس:

---

المشاركة الأصلية كتبت بواسطة m_love4me

وانا مش عارف هو دا ال جنب رزق بتاع الفول ولا ايه

لو حضرتك من الزقازيق

هو دا بريدجستون ال تكت كوبرى ابو عميره :d
غير كدا مااعرفش بصراحه

---

هو عموما انا مش من الزقازيق بس دايس في الشرقيه كلها و انا اصلا اصلا من فاقوس و مقيم في القاهره بص هو حوار كبير كبير كبير كده بس ماعلينا يعني
عموما شوف المقاس اللي كتوب علي الباب و خاليه يملاه نيتروجين و ان شاء الله هاتظبط العربيه معاك

[QUOTE=m_love4me;3873340206]هههههههههههههههههههههه

ابن الايه

الله يسامحه


وانا مش عارف هو دا ال جنب رزق بتاع الفول ولا ايه

لو حضرتك من الزقازيق

هو دا بريدجستون ال تكت كوبرى ابو عميره :d
غير كدا مااعرفش بصراحه


هههههههههههههههههه


الله يسامحه

بكره هروحله تانى دا انا دافع 20 جندى من حر مالى :d
او من حر مصروفى يعنى



شكرا جزيلا ليكم جميعا ,,,, ان شاء الله هقتله بكره[/QUOTE

معقول يا باشا يزودلك الكوتش ب 20 جنيه ده اكيد حرامي النيتروجين بيتعبا ب 50 قرش لكل فردة ولازم غصب عن عينه يزودلك 33 زي القايم بتاع العربية ما بيقول وميفتيش ولا يفتح بوقه في حاجة زي دي خالص

[QUOTE=kholio;3873340738]

اقتباس:

---

المشاركة الأصلية كتبت بواسطة m_love4me

هههههههههههههههههههههه

ابن الايه

الله يسامحه


وانا مش عارف هو دا ال جنب رزق بتاع الفول ولا ايه

لو حضرتك من الزقازيق

هو دا بريدجستون ال تكت كوبرى ابو عميره :d
غير كدا مااعرفش بصراحه


هههههههههههههههههه


الله يسامحه

بكره هروحله تانى دا انا دافع 20 جندى من حر مالى :d
او من حر مصروفى يعنى



شكرا جزيلا ليكم جميعا ,,,, ان شاء الله هقتله بكره[/QUOTE

معقول يا باشا يزودلك الكوتش ب 20 جنيه ده اكيد حرامي النيتروجين بيتعبا ب 50 قرش لكل فردة ولازم غصب عن عينه يزودلك 33 زي القايم بتاع العربية ما بيقول وميفتيش ولا يفتح بوقه في حاجة زي دي خالص

---

ابه دا بجد ولا ايه

انا مزود ال 4 ب 20 جنيه
يعنى الفرده ب 5

مش معقوله الفرق الرهيب دا
وانا كنت شايف هنا ف المنتدى

كاتبين فعلا ان ال 4 ب 20 جنيه ,,, وتخفيض من نايل موتورز ف مراكز بريدجستون ,,, 4 فرد هيبقوا ب 12 جنيه
لحاملى الشعار


تحياتى لكم

الراجل ده هو اللي عايز يتزود نيتروجين عشان يتعلم الادب ويبطل نصب او غباء

السلام عليكم
الضغط مالوش أي دعوة بنوع المائع
يعني لو هواء الضغط 30=نيتروجين الضغط 30 = ماء الضغط 30
ربنا يعينك يا باشا
أنا مابيديقنيش حد زي الفاتايين
نفسي يا مصر نبطل فتي

هو فعلا بتملي النيتروجين ب5 جنيه الفرده في اي مكان سواء بريدجستون او غيرها
الاربع فرد 20 جنيه
اقعد بالعافية :))

ال٢٠ جنيه دول تملي أول مرة مش تزود أنا بزود في بريدجستون ببلاش وبدي للعامل جنية

اقتباس:

---

المشاركة الأصلية كتبت بواسطة yoko

ال٢٠ جنيه دول تملي أول مرة مش تزود أنا بزود في بريدجستون ببلاش وبدي للعامل جنية

---

كلام مضبوط هوه دا اللي انا بعمله بس لنايل موتورز اول مره ب12 بدل 20 جنيه

اقتباس:

---

المشاركة الأصلية كتبت بواسطة dramir1

كلام مضبوط هوه دا اللي انا بعمله بس لنايل موتورز اول مره ب12 بدل 20 جنيه

---

أول مرة بس ولا علشان لازق استيكر المنتدي؟؟؟؟
اقعد بالعافية :))

هههههههههههههههههههه


متشكر ليكم جميعا على ردودكم الطيبه



بس الغريب جدا جدا بقى


انى وانا طالع بالعربيه النهارده الصبح

روحت على بتاع الكاوتش ال عندنا ف الطريق ,, وقولتله شوفلى الفرد دى كلها كام

شافهم وقالى كلهم 30

شىء محير جدا بصراحه

ف ماردتش اروح لبتاع النيتروجين

قومت يمكن كلامه منطقى
ان ضغط الغاز نفسه مش زي ضغط الهوا ودا شىء اكيد

لان الكتله ليهم مش واحده


ولا ايه انا نسيت الفيزياء :36_2_49[1]:



سوناستيل >>>>> الله يعافيك

انا مليت نيتروجين من الزقازيق برضه بس من واحد عند موقف المنصوره و زبطلي الضغط زي ماقلتله بالضبط 36 و33 وماقليش اي حاجه من الكلام الغريب ده