البلطجي لا دين له
عرض للطباعة
ماتبصولها من زاوية تانية
مين اللي اتاذي من الثورة
كلكم عارفين الاجابة
في ناس لو حصل فتنة في مصر هتفرح اويييييييي
وفي ناس هتضايق اوييييييييييييي وانا منهم
استاذ جو للك مني كل الاحترام ولو جيت مرة الشغل عندي هتلاقي اغلبية زمايلي مسيحسن ولما كلمتهم علي موضوع المقطم والله قاللي باللفظ
دول ولاد تيييييييييت ولازم يطلع عين ابوهم
قلتلو انا بقيت تايه والله تايه معرفش ايه اللي بيحصل
عامة رجاء يا استاذ جو اعرف حاجة معينة ان زي ماكل مسيحي عايش في قلق وخوف وضيق
اخوك المسلم زيك بالضبط احنا مش مبسوطين برضو وصدقني انا مضايق اكثر منك
اضم صوتى لصوتك
والمسلم اخو المسيحى عيب يعنى اللى بيحصل
والله اللى بيحصل ده امن الدولة والشرطة ابناء الشياطين ليهم يد فيه وكنا ايام الثورة بنحمى البيوت مسلم مع مسيحى مفيش فرق وكنا واقفين نحرس كنيسة وكنا فى غاية السعادة
ولازم كلنا نقف للفتنة اللى بيعملها ابناء الشياطين وهم ابناء الحزب الوثنى والشرطة ونهب الدولة
http://www.nilemotors.net/Nile/205663-a.html
دى عينه من الاعضاء ارجو من حضرتك مشاهده تعليقاتهم وشكرا
شكرا يا أبو عبدالله
أحنا كلنا أتأذينا فعلا
انا لسة كنت بابص علي قناة المحور
كان في مكالمة من الأنبا بسنتي
الكلام واضح
كان في أتصالات للي عند ماسبيرو عشان يروحوا بيوتهم .. ده مش وقته
وبلاش يقعدوا عشان ده فرصه لناس تقودهم
انا برضه من رأي زمايلك اللي في شغلك
دول فعلا تيييييييييييييييييييييييي ييييييييييييت
ماينفعش قطع طريق وخناقات وكدة
ربنا يصلح الحال
السلام عليكم
لحضرتك كل الاحترام
و لرموز الديانة المسيحية (( غير المتطرفة )) كل الاحترام
و لرموز الديانة المسلمة (( غير المتطرفة )) كل الاحترام
و ارجوك الا تزعل من اي عضو كتب اي ملحوظة لانه اكيد
بيوجها و بيقصد بها (( من يريدون اشعال البلد ))
و اكيد انا و حضرتك متفقين ان اي انسان مهما كان
لن نسمح له بأحداث هذه الفتن بين ابناء الوطن الواحد
و السلام عليكم
م.حاتم السباعي
تاكيدا لكلام حضرتك.... لم اسمع عن خناقة بين مسيحي ومسلم عندهم قدر معقول من الثقافة والتعليم..
بمعنى آخر..انا ملاحظ ان غالبية ان لم يكن كل الفتن الطائفية في مصر
بتحصل في قرى معظم اهلها اميون غير متعلمين وكذلك في حالة مزرية من الفقر وانعدام او تكدس في السكن...
سواء في صعيد مصر المظلوم او قرية اطفيح او منشية ناصر وقبلها الزاوية الحمراء وووو
يعني اقصد ان مفيش اصلا مشكلة بين المسيحيين والمسلمين...
في رأيي الكارثة سببها الجهل والفقر والتخلف اللي بيشكل بيئة خصبة
لتغييب صوت العقل مما يؤدي الى ما نراه من تلك التصرفات الهمجية والنعرات والبلطجة...
وفي الآخر نرجع ونقول ده كله كان من بركات النظام البائد...
الديمقراطية والحرية ستؤدي الى العدل الذي هو سبيل التقدم الاقتصادي
اللي بالضرورة هيؤدي الى تطور اجتماعي وثقافي سينهي
ان شاء الله هذه الظاهرة المؤسفة التي تظهر من وقت لآخر
أيام كنيسة القديسين بان قوي اللي في القلوب
المسلم مش متهم أبدا في اللي حصل
وكلامي في موضوعات هنا يثبت كدة من قبل ما نعرف انه حبيب العادلي
انا مشترك في الموضوع
من أكتر الموضوعات اللي حسستني ان المحترمين كتيييييير قوي هنا
ومش عارف والله أشكرك أزاي
كل موضوع بأحترمك أكتر
شكرا لحضرتك
الاول - اى تطاول على اى رمز دينى هو مرفوض ولكن من الممكن نقد سياسته
تانيا -
احنا مختلفين و فيه بينا احتقان كبير و كمان رواسب وبرفض بشده تسميات زى عنصرى الامه و كلنا واحد والشعارات الجوفاء
احنا مصريين بديانتين مختلفتين و على بلاطه من غير تذويق لا المسلمين مقتنعيين بالمسيحيه اللى موجوده ولا المسيحيين مقتنعين بالاسلام
اللى افهمه ان دول مواطنين مصريين ليهم حق العباده وليهم يطلبوا اى حقوق هما عايزينها ويوافق عليها اغلبيه الشعب
ده الطبيعى يعنى ماينفعش يطلع قانون فى مصلحه المسيحيين واغلبيه المسلمين مش عاجبهم ونقول اخوانا الاقباط
يبقى تتحل ازاى؟؟
تتحل ان المسيحيين يعرضوا المطلوب بطريقه تتفهم وماتخليش معارضه ليهم اغلبيه
وفنفس الوقت اللى عايزين البلد تمشى من المسلمين يشرحوا الاسلام و كيفيه تقبل الاخر بدون لغط بتاع الوحده وكلنا ايد واحده يا بهجت
كل واحد بيدور على اللى شايف فيه مصلحة دينه يعنى اللى يبنى كنيسه تلاقى جامع متكلف ملايين طالع قدامه بمنتهى الاستفزاز كان الارض ضاقت ونفتخر ان الكنيسه جنب الجامع رغم انه استفزاز اصلا بس للاسف ده عشان مافيش وعى كافى
برضه طابع الكنيسه مختلف عن طابع الجامع والعدد المخدوم من الاتنين مختلف
المسيحيين لما اتظاهروا قالوا يفرجوا عن قسيس معتقل وانا معهم تماما بس بعد كده جرى التنكيل باللى طالبوا الافراج عن كاميليا
انا لا تعنينى بشئ ولا تفرق معايا100 ولا الف اسلموا او لا بس الناس عايزه شفافيه يعنى المسيحيين قالوا واحد معتقل وروح طيب اللى بيقولوه المسلمين اللى اتجمعوا ماحدش رد ليه؟
ببساطه شديده ممكن الاخت كاميليا والاخت وفاء يطلعوا يقولوا بلاش كده واحنا فى وسط اهلنا ومسيحيين و كانت فتره متوتره فى حياتنا وانتهت- منتهى البساطه
بس لو كانوا اسلموا مايسبوهم!!!
ازاى بنادى بحريه وانا مش قادر اصلا اديها
فاقد الشئ لا يعطيه
اهم حاجه للعلاج تشخيص المرض وكمان المريض يعرف عشان يكمل علاج