حد يعرف ابيع عملات قديمه فين

**eng/muhamad** · 15-03-2011 06:15 PM

فى عضو عرض غليا انه يشترى بس للاسف مش عارف اسعار
ياريت حد يعرف اسعار للعملات دى

فئه 20 جنيه سنه 1976
فئه 10 جنيه سنه 1959
فئه 1 جنيه سنه1966
فئه 50 قرش سنه 1961
فئه 5 جنيه سنه 1962

**misoalex** · 15-03-2011 07:14 PM

المشاركة الأصلية كتبت بواسطة dr ahmed

أنا ملاحظ إن كل الهواة زى حالاتنا عايزين يبيعوا .. محدش عايز يشترى
تيجى نبدل عملات مع بعض؟

مهى دى فكره الموضوع اللى كنت عاوز اعمله يا دكتور
ان كل واحد يعرض العمله اللى عنده ولو حد عاوز يبدل يبدل ولو حد عنده معلومه يقول للتانى وهكذا

بس الظروف الحاليه لغيت الفكره لان محدش فاضى ولا ليه نفس

ده غير زى محضرتك شايف كل الى عنده عاوز يبيع عشان الفلوس

انا المجموعه اللى عندى معظمها معدنيه اما الورقيه ضاع منها كتيييييير
وكان عندى الجنيه الاحمر من سنيييييييين وعشره جنيه حمرا بدلتها ب عشره جنيه عاديه فى التسعينات كانت العشره جنيه ليها قيمه برضه لسه

**misoalex** · 15-03-2011 07:17 PM

المشاركة الأصلية كتبت بواسطة eng/muhamad

فى عضو عرض غليا انه يشترى بس للاسف مش عارف اسعار
ياريت حد يعرف اسعار للعملات دى

يا باشا اعمل وضوع فى منتدى عملتى ده وهما حيحطو ليهم سعر معقول وبيع بيه للاخ الى عاوز يشتريهم منك
واهو هو برضه حيشوف الوضوع فى المنتدى التانى ويشوف التسعير من الناس اللى هناك

**samcar** · 20-03-2011 04:36 AM

انا مستغرب- يا خونا فى مواقع كتير على النت بتسعر الحاجات دى حسب الحاله - العملات الورقيه - والمعدنيه - غالبا الاسعار بالدولار- بس
ده للاسترشاد - يعنى 10 جنيه مصرى سنه 1917- لو حاله المطبعه - اللى مش ممكن تتوجد اكتر من ورقه او اتنين على مستوى العالم - حوالى 70 الف جنيه
بس لو حالتها تعبانه - مكرمشه مبقعه مقطوعه بس مش نافص منها حاجه ممكن تعمل ( حسب الحاله ) الف او الفين

وقيس على كده الباقى
عموما الجنيهات او العشرات بعد سنه 40 اسعارها مش عاليه - خصوصا اللى عليها وجه ابو الهول - يعنى ممكن 100 جنيه 50 جنيه للورقه

انا مش هاوى ومش محترف- مجرد ظرف حصل دخلت النت وعرفت واتصلت بتجار وبعت - النصيحه ادخل النت الاول سعر - اتصل بتجار العملات - مالين الوسيط
سعر - اتصل بحد فى الدول العربيه - السعر هناك اعلى

واللى بيشترى منك فى مصر بيبيع لهم

الهوايه دى بحرها واسع وبصراحه عايزه اللى رايق وعنده وقت