عرض للطباعة
انا نزلت القاهره من كام يوم طلعت علي المحور قلت التزم وامشي علي السرعه القانونيه لازم احنا كمان نتغير مشيت علي 90 ولقيت العربيات كلها بتجري جامد وطبعا انا معطل عربيات كتير المهم اتشتمت واتهزقت بسبب اني ماشي براحه قلت خلاص اجري هاعمل ايه يعني انا عاوز اعرف انا غلط ولا لا وهما بيجروا ليه هي اجهزه الرادار اتسرقت ولا ايه
اكيد طبعا حضرتك صح مفيش كلام والناس لسه عايزين شويه صبر لما الدنيا تتظبط وترجع احسن مما كانت معلش الصبر حلو
حضرتك صح واحييك على تحضرك وهما بيجروا علشان عدسات اجهزة الرادار كلها اتكسرت يعنى الصناديق بتاعة الرادار ناقص لها فتحه وتبقى حصاله
انا بمشى على المحور
ساعات بجرى وساعات اتلم وامشى على 90
سيب بس اول حارة شمال وامشى فى اى مكان
لا عاش ولا كان اللى ييجى ناحيتك
حضرتك صح و انسان محترم و متحضر. بس زي ما أخ كريم هنا قال تكون واخد الحارة اليمين أو المنتصف و سيب الحارة الشمال للي عاوز يطير.
كل واحد يبدأ بنفسه و يعمل الصح
لو كلنا عملنا كده ان شاء الله البلد تتصلح
اقتباس:
المشاركة الأصلية كتبت بواسطة rompo10
السلام عليكم و رحمة الله و بركاته
هو سيادتك كنت ماشى فى أنهى حارة؟؟؟
أصل أنا و من قبل الثورة كنت بمشى على 90 كم / س و بآخد الحارة اليمين أو اللى فى الوسط على أساس أنى أكون مستعد لأى حاجة تحصل فجأة من أى حد ماشى, يعنى حد يقف فجأة أو أى حد يكسر على أو عجلة العربية تضرب, لكن لو كنت سيادتك ماشى فى الحارة الشمال و على 90كم/س, بتبقى حاجة تضايق جدا.
والله كنت في اليمين والنص بس
بص ياباشا حضرتك صح بس مش عارف محدش بقى عنده خلق انه يستنى حاجه حصل معايا شبه الى مع حضرتك بس فى اشاره مرور الاشاره حمرا فوقفت واحد جه وقف ورايا وقعد يزمر روحت طالع سنه قدام راح معدى منى وخدت ما فيه النصيب فكر لقدر الله واحد جاى من بعيد وشايف ان اشارته خضراء وطاير ليه ميحسبش كده؟اقتباس:
المشاركة الأصلية كتبت بواسطة rompo10
+1111111111111111111اقتباس:
المشاركة الأصلية كتبت بواسطة dr_radioooooo
احييك يا باشا علي التزامك بس الناس ما صدقت ان الرادار مش شغال و مبلطجه علي السكه و تحب تاخد غرز
مدمت فى اليمين
اعرف ان دول العالم التيت اللى البلد مش هتنضف من غبائهم
انا بعمل زي حضرتك على المحور او على اي طريق بمشي عليه
وزي ما قال الاخوة ملكش دعوة بكلام حد "كله في ميزان حسانتك" و ممكن حد يشوف و يلتزم زيك و هيبقى في ميزان حسانتك برضو
ياجماعه الشباب اللي ماتت دي ماتت عشان تغير الحكومه وتغيرنا احنا كمان حرام دمهم يروح كده
أخي الفاضل .. أثابك الله ... انت بتعامل ربنا.. مش الناس ...تذكر هذا جيداً... لو حضرتك حطيت دي قاعدة ... حتلاقي نفسك أستريحت .. و ملكش دعوة بيهم ... أكيد حضرتك صح !!! و الخطأ للأسف الان أصبح مشروع و مُعترف بيه
بالله عليك .. حافظ على مبادئك يا أخي في الله... و متحاولش تغيرها .. حضرتك صح فعلاً والله ... و حاول تنشر مبادئك دي كمان لأخوانك الي تعرفهم ... بس صراحةً مش عارف أقول لحضرتك أيه غير أثابكم الله و كتر من أمثالك ... حقاً أنت أنساان محترم :)
مدام كنت في اليمين والشمال فاضي
يبقي ال مش عاجبو يخبط دماغو في الرصيف
و حتى لو يا جماعة لو على الشمال !! الطريق ليه سرعة قصوى !! المفروض حتى الي على الشمال ميعديهاش !!!!!
يا باشا انت الي صح وهم الي غلط
انا مرة كنت في ميدان المحكمة الساعة الواحدة ليلا والاشارة حمرا وقفت عادي
لاقيت التيت ولاد التيت الي ورايا عمالين يضربو كالاكسات بطريقة رهيبة
شاورت علي الاشارة ماسكتوش
روحت عامل عبيط حتي اصبحت الاشارة خضراء بس خدت كام بصه ويمكن شتيمة بس مسمعتش
واعتقد ان لولا وجود الاولاد معايا ممكن كنت انضربت
وكذالك علي المحور بمشي يمين او في الوسط واسيب الي يزمر يزمر مع نفسه مش عاجبة التزامي
يعدي مني من الشمال
وربنا يديمها عالينا نعمة وهية الالتزام
انا من كتر براعي الناس واجري عشان هما مستعجلين بقي دي طبيعتي حتي والدنيا هادية فالآخر لبست فواحد بيرجع بظهره لأني كنت ماشي بسرعة وميه عالارض الفرامل موقفتش والعربية لبست في الحديده الكوري العربية بوني محصلهاش حاجة وانا اتبهدلت الحمدلله.......بس فعلا احييك علي التزامك بسرعة المقررة للطريق ومخليتش تصرفات الناس تأثر فيك زي ماسمسم باشا قال ان اننا بنعامل ربنا وربنا يأجرنا علي نياتنا
اقتباس:
المشاركة الأصلية كتبت بواسطة smsm_nabawy
يعني على حد علمي الحاره الشمال للتخطي فقط ......
فضل على طول فاضيه !!!ماشي 180 ماشي 30 في رادار المفروض يحاسبه ...
بالنسبه لصاحب الموضوع :
المحور 4 حارات
يمين و شمال و2 في النص
امشي في ال2 اللي في النص اامن حاجه :S_thum1[1]:
حضرتك كنت صح وبما ان مفيش رقابة دلوقتى كلة بيجرى وخلاص
ومش هيهدى الا لما يعملة حادثة بسب السرعة
وربنا يهدى
اقتباس:
المشاركة الأصلية كتبت بواسطة cheetos_892005
تسلم على التوضيح :) :S_thum1[1]: