الموضوع: أنا بكره طريقة الكلام القديمة اللى اتكلم بيها الدكتور عصام شرف في العاشرة مساءا

المشاركة الأصلية كتبت بواسطة osoliman88

في لقاء مع منى الشاذلي وبعد الكلام عن عظمة الشرطة ورجال الشرطة ودور الشرطة وحقهم في الدفاع عن انفسهم .... ماشي وكلام جميل

اللى ضايقني فعلا لما قال في نهاية اللقاء " أتصل به أمبارح بالليل شخص من السعودية لا يعرفه !!! وقال له أننا سوف نذهب الى أداء عمره وسوف ندعو لك، وبعد كده إن واحد صاحب ابنه وهو مسيحي هو خطيبته يوقدون له الشمع كل ليلة" ... الصبر يا رب

رئيس وزراء مصر في ظل الظروف الحرجة جدا جدا والذي ربما لا يجد وقتا لدخول الحمام بيرد على تليفون ما يعرفوش ... وبفرض انه عنده وقت كيف حصل هذا الشخص على رقم تليفون .... أستر يا رب

سبحان الله علي رد فعلك لهذا الكلام و ليه حضرتك مذكرتش الجمله اللي كانت سبب في هذا الكلام
لقد قالت له المذيعة احنا سمعنا ان حضرتك كنت حتقدم استقالتك ؟
فر د عليها انا كنت في غاية الضيق و في حوالي الواحدة اتصل بي شخص لا اعرفه و قالي احنا رايحين انا و مجموعة من المصريين نعمل عمرة و حندعيلك هناك و بعد ما قال كده عنيه دمعت و كانت لحظة في منتهي الصدق و كلنا حسينا بمدي صدقه في ذلك
الدكتور عصام شرف راجل وطني بجد و ليس من دعاة الوطنية كما يريد ان يقنعنا الزميل ، و هو مترشح من شباب الثورة و ليس جاي مفروضا عليهم و مننساش انه من اول يوم مسك الوزارة و هو في مشاكل لا حصر لها من بداية اقتحام مقار امن الدولة الي احداث اطفيح و منشية ناصر و المقطم و بالتالي نبتعد عن نبرة التشكيك في نوايا الرجل ، ونحذر كل الحذر من اصحاب الثورة المضادة و اللي هدفهم الاول محاربة استقرار البلد و محاربة الشرفاء
و نعطي فرصة للحكومة الانتقالية للمرور بالبلد من هذا الخندق ، ومش بس نديله فرصة داحنا يجب علينا مساعدة الحكومة للوصول بمصرنا الحبيبة لبر الامان و الاستقرار
اوجه دعوة لكل زميل بالمنتدي علينا كلنا الاخلاص لله عز وجل في اعمالنا و الاخذ علي يد المتسيب و الذي لا يريد دفع عجلة العمل و الانتاج و نتركنا من اللهث وراء اثارة الشائعات و ايقاد نار الفتنة و التشكيك في نوايا الحكومة من قبل ان تبدأ العمل المنوط بها
و الله ولي التوفيق

المشاركة الأصلية كتبت بواسطة human12

الناس ملتفه عليه ووطنيته ومشاعره ملتهبه ده كان بيجاهد عشان مايدمعش من كتر المشاعر جواه
كلنا حسينا بكده
و التركه تقيله عليه عشان هو عايز يعمل شغل بجد ويسعد الناس فحاسس بضغط رهيب
ربنا يعينه كفايه موضوع الفتنة الطائفية و الثورة المضاده اللي كلنا عارفين مين وراها
رفقا برجل مرهف المشاعر ومعجون حب لوطنه

+11111111111111

المشاركة الأصلية كتبت بواسطة zalpany2000

عصام شرف .. مصري لحد النخاع ... يوم مسيرة هيئة التدريس الخاصة بجامعة القاهرة للتحرير ... كان من أوائل الناس اللي ماشيين معانا في المسيرة ... وكان بيدمع ويمسح في دموعه ... دي كانت اول مرة اشوفه بشكل شخصي ... سألت زملائي فعرفت انه عصام شرف
الراجل ده تاريخه الاكاديمي نظيف جدا ... اجتماعيا محبوب جدا في القسم بتاعه

انا مش سهل اقتنع بكلام علي الهوا ... و بقيت شكاك جدا
بس النهارده والراجل ده بيتكلم كنت مصدقه جدا ... اعتقد ان السبب انه صادق لان الصدق بيوصل بشكل سريع
و الله عندك حق الحمد لله ربنا اعطانا العقل و التمييز و اعطانا حاسة استشعار صدق و اخلاص من يتحدث انا معاه قلبا و قالبا و ربنا يحفظه و يسدده

انا مش باقول ان فيه حد فوق النقد
لكن ... نحسبه عند الله محسنا ... وربنا يصلح شأن البلاد كلها ويصلح شأن كل الراعيين

نديله فرصة و نشوووف النتائج

تحياتي