الموضوع: تشبيه بسيط علشان الناس اللى مش عايزه تفهم ربنا يكرمهم ويفهموا يارب

عايز اضيف ان اي ضغط شعبي ضد الثورة بيساهم في زيادة الخسائر و العكس صحيح

تصدق انت عندك حق
وده نداء لكل أعداء الثورة (ولو انى بكره الكلمة دى) ولكنهم ليسوا بالضررورة اعداء الوطن
يا رب ناخد بالنا علشان ما تتعكش علينا كلنا

المشاركة الأصلية كتبت بواسطة hobiko

سؤال بس ..... هو كل الناس اللى اتأثرت ماديا من الثورة ..... أخدت موقف مضاد للثورة ؟؟؟؟

انا واحد من الناس اللى اتأثرت ..... واتأثرت بشدة كمان دون الدخول فى تفاصيل

ليه ماأخدتش موقف مضاد ؟؟؟؟

ليه لغاية دلوقتى ..... عندى استعداد اخسر اكتر من اللى خسرته كمان بس ربنا يكرم و الثورة تنجح ؟؟؟؟

انا ولا بطل ولا مناضل ولا اى حاجة .....

بس انا عندى ايمان ...... ان انا غيرت من نفسى و ساهمت مع ناس كتييير اوى فى تغيير بلدى و عندى ثقة فى الله عز و جل ان اللى جاى احسن بكتييييير ان شاء الله

البلد دى لما تبقى احسن و انضف ...... كلنا حنبقى احسن اللى شارك فى الثورة و اللى ماشاركش ...... ماعدا الفاسد اللى كان وضعه بيزدهر فى ظل النظام الفاسد

انا نفسى بس الناس تصدق ان دى ثورة شعبية يا جماعة ..... ثورة قامت بدون سابق انذار و لا ترتيب

فمينفعش تتوقع منها ان يكون ليها خطة بتوقيتات زمنية محددة ..... وان كل حاجة تبقى محسوبة بالملى

و في ناس كتير شرفاء و كل حاجة و حياته كانت ماشية كويس اوى و مافيهاش مشاكل ...... مرة واحدة لقى ثورة طلعتله من تحت الأرض لخبطت نظام حياته ...... راح كاره الثورة و ابو اللى عمل الثورة

النوع ده من الناس انا أسف انى اقول انانى .... مش هامه غير نقسه ..... فعشان كده انا كمان هو مايهمنيش

ربنا يعوضك خير يا رب
بس عايز اوضح ان اللى كل موقفه من الثورة انه كان بياكل ويشرب وينام ومش عايز غير كده مش يبقى انانى ده يبقى حاجة تانية
وصدقنى لما كل مسؤول عارف انه جاى بناء على طلب الناس مش هياخد قرار ضدهم علشان يرضى اللى معينه ولا هيحاول يسرق علشان عارف اللى هيجراله وكلنا يبقى عندنا احترام وثقة فى نفسنا ناكل ونشرب كويس مش اكل مسرطن ومية ملوثة

هو فيه حد ما تأثرش ماديا بسبب الثورة
كل الناس تأثرت من أول نجيب ساويرس لحد بواب العمارة
لكن فيه ناس بتبص تحت رجليها بس و بمنظور ضيق
أخيرا يا ريت مانستعجلش و نبني البلد صح و على نظافة .. و إلا لو بنيناها أي حاجة و السلام هانلاقي ثورة تانية بعد ٥ سنين و يمكن أقل .. و ساعتها هانتعطل تاني و هانخسر تاني و السبب هايكون إننا إستعجلنا و ما عالجناش الأسباب
دي ثورة مش لعب عيال
و أنا مع صاحب الموضوع طبعا

المشاركة الأصلية كتبت بواسطة a.saad

اولا : العنوان مفيهوش ريحة الديمقراطية اللى حضرتك بتنادى بيها
هل تقبل ان حد يقول اللى فى التحرير اللى مش عايزين يفهموا

ثانياً : محدش قال ان التغيير مرفوض
لكن ما ينفعش برده تقول انا هاغير بيتى من الاساس للدهان للديكور من غير ما تكون عارف الاتى :
خطة تعمل بيها شغلك : يعنى ما ينفعش تدهن الشقة وبعدين تقول اظبط المحارة
نفس الوضع حصل هنا انتخابات الرئاسة ولا المجلس الاول
طيب نحل المجلس ونعمل الانتخابات بعد سنتين : امال مين اللى هيراقب الرئيس الجديد وحكومته فى سنتين
تكلفته كام وتتحمل التكلفة ولا لا : الوضع الاقتصادى دخل مرحلة الخطر وهو اصلا اقتصاد هش
مين الصنايعى اللى هيعمل كدة : مفيش شخصية متفقين عليها
عصام شرف اللى الناس طالبت بيه النهاردة مكتوب عنه " اصل كلامه قديم "
كلامه قديم علشان قال ان واحد اتصل بيه بيدعى له وان شخص مسيحى بيضيء له الشموع فى الكنيسة
طيب : امال طالبت بيه ليه وانت عارف انه شخص قديم وتفكيره كدة
ياما تدى له فرصة يشتغل ، ياما مكنتش تختاره
لكن مش هنغير رئيس وزرا وحكومة كل 6 ساعات

وغير كدة الناس لازم تعرف ان فيه اقلية وفيه اغلبية
يعنى التحرير اما يكون فيه 2000 واحد دول اقلية
يبقى يحترموا راى الاغلبية اللى قالت فضوا المظاهرات دلوقت
واليوم خير مثال على ذلك من احتكاك بين الشعب وبعضه
او ان منتفعى النظام ياخدوها فرصة لاشاعة الفوضى

مع كامل احترامي
ولكن المثال والقياس مش مظبوطين
ده فضلا عن ان الوضع الحالي ليس كما صورته في مثالك
يعني بلاش نتكلم على اسا ان الناس دي مش فاهمه حاجه واحنا اللي فاهمين بس
لأن الناس دي عملت اللي احنا معرفناش نعمله ولا غيرنا من اللي بنغنيلهم طول الليل والنهار
لما رئيس تركيا يقعد يتكلم معاهم ويطلب منهم انه يروحوا تركيا يعطوا محاضرات للناس هناك
واحنا نقول مش عارفين نحدد ومش عارفين نختار رئيس وزراء
كلام مش مظبوط بالمره
هما اللي اقترحوا اسم عصام شرف ولم يعترض حد الآن منهم عليه
ولو حضرتك قرات راي احد الأفراد فده ليس معناه ان ده رأي شباب الثورة اللي الحكومة ومجلس القوات المسلحة بيقعدوا يسمعوهم واحنا نتكلم عليهم واحنا قاعدين في بيوتنا

ثانيا مسألة ان اللي في ميدان التحرير مهماش الاغلبية والكلام اللي من النوعية دي
تم الرد عليه بدل المره مليون
الثورات لما بتقوم في اي بلد اللي بيحدد بعد كدخ مصير البلد هم اللي قاموا بالثورة لأن اللي اتحرك واشتغل للبلد هو الأحق بالحديث عن مستقبلها وتحديده بما انه قام بالثورة مع الشعب وليس وحده ولو كان وحده لما نجحت الثورة
ثالثا هما مش بيحكموا البلد وفارضين نفسهم
هما بيحددوا اشخاص معينه علشان يخرجوا من فساد اللي كانوا معاونين للنظام السابق وعاوزين يخربوها لحد الآن
اما بهد كده هيبقى فيه احزاب وديمقراطية ونظام واللي عاوز يثبت نفسه ينزل الشارع وينتخب نفسه
واللي رايه يمين هو حر واللي بيقول شمال هو حر
فبلاش مسألة الاغلبية في البيوت والكلام ده لأن الأغلبية هيا اللي بتتفاعل
ولو كان الناس مش موافقة كانت تنزل تتكلم
اما بقه انك تقولي انهم مش موافقين وقاعدين في بيوتهم معترضين ده كلام غير منطقي تماما انا مش بكذبه ولكن اللي خايف على البلد ومهتم واولوياته اصلا البلد يشتغل مش يتكلم انه معارض بس قاعد في البيت

المشاركة الأصلية كتبت بواسطة hobiko

سؤال بس ..... هو كل الناس اللى اتأثرت ماديا من الثورة ..... أخدت موقف مضاد للثورة ؟؟؟؟

انا واحد من الناس اللى اتأثرت ..... واتأثرت بشدة كمان دون الدخول فى تفاصيل

ليه ماأخدتش موقف مضاد ؟؟؟؟

ليه لغاية دلوقتى ..... عندى استعداد اخسر اكتر من اللى خسرته كمان بس ربنا يكرم و الثورة تنجح ؟؟؟؟

انا ولا بطل ولا مناضل ولا اى حاجة .....

بس انا عندى ايمان ...... ان انا غيرت من نفسى و ساهمت مع ناس كتييير اوى فى تغيير بلدى و عندى ثقة فى الله عز و جل ان اللى جاى احسن بكتييييير ان شاء الله

البلد دى لما تبقى احسن و انضف ...... كلنا حنبقى احسن اللى شارك فى الثورة و اللى ماشاركش ...... ماعدا الفاسد اللى كان وضعه بيزدهر فى ظل النظام الفاسد

انا نفسى بس الناس تصدق ان دى ثورة شعبية يا جماعة ..... ثورة قامت بدون سابق انذار و لا ترتيب

فمينفعش تتوقع منها ان يكون ليها خطة بتوقيتات زمنية محددة ..... وان كل حاجة تبقى محسوبة بالملى

و في ناس كتير شرفاء و كل حاجة و حياته كانت ماشية كويس اوى و مافيهاش مشاكل ...... مرة واحدة لقى ثورة طلعتله من تحت الأرض لخبطت نظام حياته ...... راح كاره الثورة و ابو اللى عمل الثورة

النوع ده من الناس انا أسف انى اقول انانى .... مش هامه غير نقسه ..... فعشان كده انا كمان هو مايهمنيش

بالظبط كده الله يفتح عليك
اللي اولوياته البلد قبل اي شئ اخر في حياته
هو اللي مش هامه خسارة ولا اكل ولا بتاع المهم البلد تتصلح
ولكن اللي عنده اولويات اخرى قبل مصلحة البلد
فهو ده اللي هيقولك ده انا مش عارف انزل الشارع
زي واحده كانت بتتكلم في التليفون على التلفزيون وبتقولهم يوم الجمعه بنزل زيارات عائلية واللي في التحرير مش بيخلوني اعرف اتحرك يوم الجمعه
يا سلام
يعني ام الزيارات بقت أهم من مصلحة البلد

انا رايي باختصار
اللي ميعرفشي ايه اللي بيحصل ياريت يحاول يقرا الاحداث كويس ويراجعها تاني علشان يفهم الموضوع ماشي ازاي
اما اني بقه مش فاهم وبتكلم وبعارض كمان ده بقه اللي مش مقبول بجد
اللهم يسر لنا أمورنا

[QUOTE=A.Saad;3873340332] يا استاذى
انا مش قصدى ان النظام مش فاسد ولا بدافع عنه
لكن عنوان الموضوع ده كان تعليقى
العنوان اللى مكتوب " تشبيه بسيط علشان الناس اللى مش عايزه تفهم ربنا يكرمهم ويفهموا يارب" والتعليق كان على الموافقة على الحاجة للتظاهر من عدمه وتحاورك مع اتنين مع المختلفين معك فى الراى
اقرا حضرتك العنوان وهتلاقى معناه ان اللى مختلفين فى الراى مش عايزين يفهموا
وممكن يكون قصدك غير كدة لكن ده اللى ممكن يبان لاعضاء تانيين

باقى المشاركة كان تعليق على حوار حضرتك عن جزئية عملية الجراحة فبالتالى اديت ليك تشبيه اخر
وتقبل احترامى ليك
ولو شفت منى تحامل ...... اعرف انه غير مقصود[
/QUOTE]عموماً ما إختلفناش
وقولت لحضرتك إنك نورت الموضوع.....وبما إن اللى يفهم من موضوعى إنى بتكلم عن الأثار التى لحقت بالبد جراء الثوره إلا أن الكلام يفهم إلى حد بسيط كما فهمته حضرتك
على فكره حضرتك كاتب فى تعليقك الدستورالمصرى لمن أراد أن يفهم يوماً
يعنى بما إننا احنا الأتنين بنتكلم عن الفهم يبقى مش هنختلف ولو إختلفنا مفيش مشكله