الموضوع: تشبيه بسيط علشان الناس اللى مش عايزه تفهم ربنا يكرمهم ويفهموا يارب

المشاركة الأصلية كتبت بواسطة fepsceasar

ارى كل الحق مع صاحب الموضوع
وزى ما قولت كان فى ناس كتير فاكرة 25 يناير لعب عيال وهيخلص من غير حاجة وولما لاقوها بقت ثورة ونجحت خسوا انهم انهزموا فكريا فبقوا ضدها على طول الخط، مع ان الغالبية العظمى كان مدى مساندتها فوق وتحت مش ثابت فى خط واحد ، لكن فى النهاية كان تغيير النظام الديكتاتورى شئ ضرورى واسعد تاس كتير حتى اللى كانوا بعد كل خطاب لتدليك المشاعر بيقولوا كفاية كدده الثورة حققت مطالبها
العنوان سليم لان الراجل بيقول اللى مش عايزين يفهموا مش اللى ما بيفهموش والفرق كبير
فى ناس مش عايزة تفهم بارادتها، حتى بعد الفساد والتعذيب اللى شافته كان بيحصل ولسة شايفين ما هى كانت ماشية طالما لسة بعيد عنى بس المشكلة مهما شوفتها بعيدة انت ممكن تتاثر بيها. وصدقنى معظم اللى كانوا بيعتقلوا كانوا حاسين انها بعيدة عنهم وهم مالهومش فى السياسة لغاية ما وقعت الفس فى الراس ولاتفه سبب، انت كان ممكن ضابط امن دولة يكسر عليك بعربيته وتقولوا ايه اللى انت بتعمله ده، يوقلك انت عارف انت بتكلم مين ويهددك وما تروحش بيتك يا اما تدوس على كرمتك
كنت برضه هتقول مش مشكلة كرامتى اهى ماشية

هههههههههههه....هى ده الناس اللى بتفهم
تحياتى لحضرتك.....وأحلى حاجه انك تكتب تعليق تفيد اللى يقراه.....أشكرك

المشاركة الأصلية كتبت بواسطة hzmmmk

مصر تولد من جديد ولادة طبيعيه بمباركة الله سبحانه و تعالى على يد الشعب المصرى الشريف
اثناء الولادة فيه صويت و صراج و الام و ده اللى كلنا شايفينه ،
فى ناس عايزة تموت الطفل ده اثناء الولاده مين هما
1- أركان النظام الفاسد (صفوت،عزمى،.....)
2- أعضاء الحزب الغير وطنى الغير ديموقراطى
3- امن الدوله المتورط فى كل انواع الجرائم اللى ممكن تتخيلوها
4- المتلونين المنافقين (رؤساء الصحف القوميه,........)
5- رجال الاعمال المتورطين فى الفساد
6- بعض كبار اصحاب المناصب فى مؤسسات الدولة اللى كانو بيغرفوا من خير مصر بمرتبات خياليه
7- كل الدول اللى عارفه ان الديمقراطيه الحقيقيه هتطيح بمصالحهم الغير مشروعه مصالح اقتصاديه و سياسيه و عسكريه


أما الولاده القيصريه سهلة فى الاول لكن بتسبب جرح اليم بعد الولاده
و ممكن الجرح يتلوث و يكون صديد و مشاكل كتير
و ده اللى حصل فى ثورة 23 يوليو 1952 و هو انقلاب عسكرى من الجيش على النظام الملكى ايده الشعب المصرى فاصبحت ثورة بس للأسف الجرح اتلوث و طلع علينا صديد و الام لمدة 60 سنه

المطلوب مننا اننا ندعوا الله أولا ليحفظ مصر (الطفل المولود) من الناس اللى عايزين يموتوه اثناء الولاده و نعمل كل ما وسعنا لحمايه الطفل ده اثناء الولاده الطبيعيه و بعدها

و شكرا

صدق الله العظيم الذى قال(ففهمناها سليمان)
أسعدنى مرورك أستاذى الفاضل.....ايه الحلاوه ده ياعمى الحاج

المشاركة الأصلية كتبت بواسطة adelseliem

مينفعش تخلعه من جذوره فى 18 يوم

هقتبس كلام لأعضاء معانا

الأستاذ أحمد سعد قال مثال للترتيب

وأنا ممكن أضيف عليه
لو عندك شقه 150 متر وحبيت تجيبها على المحاره وتجددها هتاخد وقت قد أيه
طب لو الشقه مساحتها قد مساحة مصر يبقى الوقت قد أيه

من 11 فبراير لغاية النهارده شهر , تفتكر كفايه ولا ندى الناس فرصه تشتغل

الاقتباس التانى لعضو مش متذكر أسمه لكن دكتور علاج السرطان
قال ما معناه

فيه دكتور لما بيفتح جسم المريض يلاقى السرطان منتشر قوى يبقى قدامه حل من أتنين

يا يعتبرها عيبه فى حقه أنه ما يشيلش كله بالجراحه ويبتدى يشيل وده مؤكد هيموت المريض

أو يشيل على قد ما يقدر بحرفية الحفاظ على المريض ويسيب الباقى لمتخصص تانى يعمل علاج كيماوى وأشعاعى ويشفى المريض بس بعد وقت شويه

هو ده الفرق بين الناس اللى عايزه تشيل السرطان واللى يحصل يحصل

وناس تانيه تشيل الأساس وتعالج الباقى عن طريق متخصصين

هقتبس عنوان الموضوع وأرد :

تشبيه بسيط علشان الناس اللى مش عايزه تفهم ربنا يكرمهم ويفهموا يا رب

ماشاء الله حضرتك بتنقى زبد الكلام وتكتبه.....أراء متفتحه تساعد على الحوار.....أشكرك

المشاركة الأصلية كتبت بواسطة hobiko

سؤال بس ..... هو كل الناس اللى اتأثرت ماديا من الثورة ..... أخدت موقف مضاد للثورة ؟؟؟؟

انا واحد من الناس اللى اتأثرت ..... واتأثرت بشدة كمان دون الدخول فى تفاصيل

ليه ماأخدتش موقف مضاد ؟؟؟؟

ليه لغاية دلوقتى ..... عندى استعداد اخسر اكتر من اللى خسرته كمان بس ربنا يكرم و الثورة تنجح ؟؟؟؟

انا ولا بطل ولا مناضل ولا اى حاجة .....

بس انا عندى ايمان ...... ان انا غيرت من نفسى و ساهمت مع ناس كتييير اوى فى تغيير بلدى و عندى ثقة فى الله عز و جل ان اللى جاى احسن بكتييييير ان شاء الله

البلد دى لما تبقى احسن و انضف ...... كلنا حنبقى احسن اللى شارك فى الثورة و اللى ماشاركش ...... ماعدا الفاسد اللى كان وضعه بيزدهر فى ظل النظام الفاسد

انا نفسى بس الناس تصدق ان دى ثورة شعبية يا جماعة ..... ثورة قامت بدون سابق انذار و لا ترتيب

فمينفعش تتوقع منها ان يكون ليها خطة بتوقيتات زمنية محددة ..... وان كل حاجة تبقى محسوبة بالملى

و في ناس كتير شرفاء و كل حاجة و حياته كانت ماشية كويس اوى و مافيهاش مشاكل ...... مرة واحدة لقى ثورة طلعتله من تحت الأرض لخبطت نظام حياته ...... راح كاره الثورة و ابو اللى عمل الثورة

النوع ده من الناس انا أسف انى اقول انانى .... مش هامه غير نقسه ..... فعشان كده انا كمان هو مايهمنيش

والله صحيح فى ناس كتير شرفاء بس اللى الجبان اللى مش شريف بيشوف الناس كلها زيه
وحضرتك وكل الناس اللى خسرت فرحانه لأنها أكتسبت حاجه أكتر من الفلوس وهى الأمل....أشكرك

[QUOTE=tlrsiap;3873340957]مثالك صحيح تماما يا صاحب الموضوع
عايز اضيف ان اي ضغط شعبي ضد الثورة بيساهم في زيادة الخسائر و العكس صحيح



ياريت الناس تفهم كدا.......ولا بلاش تفهم علشان فى ناس بتزعل....أشكرك

المشاركة الأصلية كتبت بواسطة tyler_durden

هو فيه حد ما تأثرش ماديا بسبب الثورة
كل الناس تأثرت من أول نجيب ساويرس لحد بواب العمارة
لكن فيه ناس بتبص تحت رجليها بس و بمنظور ضيق
أخيرا يا ريت مانستعجلش و نبني البلد صح و على نظافة .. و إلا لو بنيناها أي حاجة و السلام هانلاقي ثورة تانية بعد ٥ سنين و يمكن أقل .. و ساعتها هانتعطل تاني و هانخسر تاني و السبب هايكون إننا إستعجلنا و ما عالجناش الأسباب
دي ثورة مش لعب عيال
و أنا مع صاحب الموضوع طبعا

ياباشا إحنا اللى معاك..........علشان جملة نبنى البلد صح
شرفت الموضوع طبعاً.....أشكرك

المشاركة الأصلية كتبت بواسطة fepsceasar

عايز اضيف ان اي ضغط شعبي ضد الثورة بيساهم في زيادة الخسائر و العكس صحيح

تصدق انت عندك حق
وده نداء لكل أعداء الثورة (ولو انى بكره الكلمة دى) ولكنهم ليسوا بالضررورة اعداء الوطن
يا رب ناخد بالنا علشان ما تتعكش علينا كلنا

لا ياباشا الثوره ليها أعدااااااااااااء كتير ده اصبح يقين بعد كل اللى شفناه