مين الى قال ان الى بيقطعوا الطريق مسيحين

سؤال طرحه حسين عبد الغنى (هو بصراحه طرحه كتقرير واقع بس انا حبيت اطرحه كسؤال ): ليه ما يكونش الى قطعوا الطرق وكسروا العربيات امبارح مش مسيحين لكن هما هما بطلجيه الحزب الى كانوا بيستعينوا بيهم فى الانتخابات هما برضه الى عملوا نفسهم انصار لمبارك وراحوا يولعوا فى المتظاهرين فى التحرير ويضربوهم بكسر الرخام
نفس الناس دول بس بيحاولوا يدوا ايحاءات للناس انهم مسيحين ويحصل الى يحصل وتبدأ احداث الفتنه الطائفيه تزيد اشتعالا
وممكن يحصل العكس
يكون مسيحين طلعين عشان يتظاهروا سلميا يطلع عليهم البلطجيه دول ويدوا ايجاءات انهم مسلمين ويبدوا يهجموا على المسيحين
أنا شايف الكلام ده منطفى جدا جدا واقرب للواقع
عشان ايه الى يخلى مسيحى متضايق عشان هدم كنيسه يروح يكسر عربيات ممكن اساسا تكون بتاعه ناس مسلمين ملهموش ذنب او ناس مسيحين زيهم برضه ملهمش ذنب
حد موافق على الكلام ده

على فكره نفس الكلام ده بيقولوه دلوقتى ناس بسطاء من اهالى المناطق الى حصلت فيها الاحداث
بيقولوا العيال دول مسجلين خطر واحنا عارفينهم

ووائل الابراشى بيأكد نفس الكلام على التليفون مع منى الشاذلى
وبيأكد اجتماع لفلول الحزب الوطنى تم مداهمته لاشاعه الفوضى

عاوزين الناس يقولوا ولا يوم من ايامك يا مبارك
الله ينتقم منك ومن الى جبتهم يا مبارك

والله الكلام ده في بالي ......

انا اخد اهل المنطقه دلوقتي الصيع و انزل ارفع صليب و ادغدغ العربيات .....

حد هيعرف انا مين؟؟؟؟؟؟؟؟

البلطجي لا دين له

اقتباس:

---

المشاركة الأصلية كتبت بواسطة cheetos_892005

والله الكلام ده في بالي ......

انا اخد اهل المنطقه دلوقتي الصيع و انزل ارفع صليب و ادغدغ العربيات .....

حد هيعرف انا مين؟؟؟؟؟؟؟؟

البلطجي لا دين له

---

بالظبط ...واكيد الناس مش هتسيبك وهتبدأ المعارك
ما هم رفعوا صور مبارك قبل كده ايه المانع دلوقتى يرفعوا صليب ولا مصحف

هو ده المنطق
ياأهل مصر أفيكوا بالله عليكم
مع أنى أعلم قول الله تعالى"ولن ترضى عنك اليهود ولا النصارى حتى تتبع ملتهم"
ولكنى اعلم "أن الضرورة تقدر بقدرها" يعنى حتى لو اللى بيتظاهر ويكسر ده مسيحى(وده مستحيل من وجهة نظرى)وضربنى بالجزمه هناولهاله علشان لازم نتكاتف ولازم ماننساش الأرصفه اللى نمنا عليها من غير غطا والله عمرى ماهنسى علشان نوصل للى إحنا فيه ويشار علينا بالبنان فى العالم كله
أفيكوا ياأهل مصر بالله عليكم وقد ذكرت الأية التى قد يستند إليها اللبعض وذكرت الأصل الفقهى للضرورات حتى نفيق جميعاً
تقبلوا مرورى.....تحياتى لأهل مصر مسلمين مسيحيين.......والسلام عليكم

كلام منطقي وأقرب للتصور وعلشان كده بنقول مانديش فرصة للعالم دي تولع فتنة بيننا ونقلل المظاهرات والتجمعات ونصبر على النتائج

--الناس عارفة كويس ياباشا انهم اشخاص ليهم علاقة بالنظام السابق ولسة متقال دلوقتي فالعاشرة مساءا ( انهم اشخاص كانو بيقودو الحملات الانتخابية لرموز الحزب الوطني والنظام الفاسد ) ومعروفين بالاسم وكونهم مسلمين او مسيحيين فهما بيعملو الافعال ده بصفة تانية وهي صفة اتباع للنظام السابق وتطبيق ( الثورة المضادة ) عشان نقول (يوم واحد من ايام حسني مبارك ) زي ماقال وائل الابراشي فمداخلة عالعاشرة مساءا.

الشعب مبقاش عبيط. ابسط راجل فالشارع ممكن يحلل اللي بيحصل فالشارع ادق تحليل وبالمنطق.

ورايي ( عايز تعرف الجاني دور عالمستفيد ).

متفق معاك مليون في المئه بخصوص نقطة البلطجيه والهدف واضح للجميع وحتي تكتمل الخطه القذره لتأجيج الفتنه بين المسلمين والمسيحين حتي يتم حشد المسيحين من كل مكان لتظاهرات المليونيه والذي يقوم بجمعهم رجال الحزب الوطني ورجال الأعمال تحت قيادة ظباط آمن الدوله وفي الوقت المناسب سوف يقوم هؤلاء البلطجيه بالخطوه التاليه وهي قتل الكثير من المسيحين والصاق هذه الجريمه في المسلمين لذلك يجب علي اخواننا في الوطن المسيحين تفويت الفرصه عليهم وعدم الأستجابه لهم لأن صدقوني الضحايا كلها ستكون منكم انتم لزيادة التأجج لذا يجب من كل اخ واعي ومدرك بأبعاد هذه الفتنه ويعلم تمام المعرفه بمن يقف ورائها يجب عليه توعيه الباقون وتحذيرهم فالأمر خطير جدا جدا فسنكون علي مشارف حرب اهليه طائفيه اذا ماتم استجابتكم بدون تفكير وبحماسه فسنخسر كل ماحققناه سويا ونرجع لنقطة البدايه ليسيطر علينا مره آخري النظام البائد بكل فاسدينه ومساؤئه التي ستكون اسوء واسود من ذي قبل فاحذروا احذروا احذروا الفتنه فسيتم التضحيه بكم انتم لتنفيذ هذا المخطط القذر اعقلوها وفكروا جيدا من له المصلحه لظهور هذه الفتنه في هذه المرحله الحرجه وهذا الوقت القاتل

مايكل منير لما كلم الحياة
اكيد يعني الناس مش بتتبلى عليهم

اقتباس:

---

المشاركة الأصلية كتبت بواسطة aly_hosny

مايكل منير لما كلم الحياة
اكيد يعني الناس مش بتتبلى عليهم

---

مش فاهم
وضح يا باشا

اقتباس:

---

المشاركة الأصلية كتبت بواسطة zkralla

سؤال طرحه حسين عبد الغنى (هو بصراحه طرحه كتقرير واقع بس انا حبيت اطرحه كسؤال ): ليه ما يكونش الى قطعوا الطرق وكسروا العربيات امبارح مش مسيحين لكن هما هما بطلجيه الحزب الى كانوا بيستعينوا بيهم فى الانتخابات هما برضه الى عملوا نفسهم انصار لمبارك وراحوا يولعوا فى المتظاهرين فى التحرير ويضربوهم بكسر الرخام
نفس الناس دول بس بيحاولوا يدوا ايحاءات للناس انهم مسيحين ويحصل الى يحصل وتبدأ احداث الفتنه الطائفيه تزيد اشتعالا
وممكن يحصل العكس
يكون مسيحين طلعين عشان يتظاهروا سلميا يطلع عليهم البلطجيه دول ويدوا ايجاءات انهم مسلمين ويبدوا يهجموا على المسيحين
أنا شايف الكلام ده منطفى جدا جدا واقرب للواقع
عشان ايه الى يخلى مسيحى متضايق عشان هدم كنيسه يروح يكسر عربيات ممكن اساسا تكون بتاعه ناس مسلمين ملهموش ذنب او ناس مسيحين زيهم برضه ملهمش ذنب
حد موافق على الكلام ده

على فكره نفس الكلام ده بيقولوه دلوقتى ناس بسطاء من اهالى المناطق الى حصلت فيها الاحداث
بيقولوا العيال دول مسجلين خطر واحنا عارفينهم

ووائل الابراشى بيأكد نفس الكلام على التليفون مع منى الشاذلى
وبيأكد اجتماع لفلول الحزب الوطنى تم مداهمته لاشاعه الفوضى

عاوزين الناس يقولوا ولا يوم من ايامك يا مبارك
الله ينتقم منك ومن الى جبتهم يا مبارك

---

:S_thum1[1]:الله ينور عليك و يا ريت يا شباب كله يشغل دماغه و بلاش الانفعال و رد الافعال السريع بدون تفكير:S_thum1[1]:

اقتباس:

---

المشاركة الأصلية كتبت بواسطة cheetos_892005

مش فاهم
وضح يا باشا

---

يعني لما التصل اللواء المسؤول عن الموضوع وقال كنا هنزلها في الجرنان "ان الجيش هيبني الكنيسة في مكانها" و بعدين قالولنا مبيقروش جرايد قولنا نزله في شريط الاخبار قالولنا مبيعرفوش يقرو قولنا هنخليهم يقولها في النشرة قالولنا معندهمش تلفزيونات كانت مداخلة تليفونية مع اللواء و مايكل منير و بعد ما اللواء قال الكلام دا كله فوجئت بمايكل منير بيقوله على الهوا هات رقمك عشان اتاكد و لازم تكتبلي ورقة بالكلام دا عشان نمشي
مكنش دا موضوع الفقرة كان موضوع اقتصادي و قطعو بالمداخلة دي

اقتباس:

---

ليه ما يكونش الى قطعوا الطرق وكسروا العربيات امبارح مش مسيحين لكن هما هما بطلجيه الحزب الى كانوا بيستعينوا بيهم فى الانتخابات هما برضه الى عملوا نفسهم انصار لمبارك وراحوا يولعوا فى المتظاهرين فى التحرير ويضربوهم بكسر الرخام

---

هو كده فعلا طبقا لشهود العيان في المقطم على الأقل
و على فكرة , مايكل منير ممكن نقول انه تبع الحزب الواطي مهما بان شكله العكس

اقتباس:

---

المشاركة الأصلية كتبت بواسطة tlrsiap

هو كده فعلا طبقا لشهود العيان في المقطم على الأقل
و على فكرة , مايكل منير ممكن نقول انه تبع الحزب الواطي مهما بان شكله العكس

---

معظم الاحداث بدات بظهوره

خلصنا من امن دوله و ناطلنا هو

YouTube - ‫ظƒظ„ظ…ط© ظ„ط§ط® ظ…ط³ظ„ظ… ظپط§ط¶ظ„ ظپظ‰ ظ…ط§ط³ط¨ظٹط±ظˆ‬‎

الله ينور على الكلام ده

هم مش مسيحيين ولا مسلمين
لكن تظاهر الاخوة المسيحيين ممكن يدى زريعة لاى حد يقول اى حاجة
انا عارف ان مطالبهم شرعية ومتاكد ان القوات المسلحة مش هتتاخر ان شاء الله لكن شرعية المطلب لا تبرر استمرار الضغط
قدم طلباتك وسيب للناس مهلة تشتغل لو ما فيش حاجة اتحققت، انا متاكد ان المسلمين هينزلوا معاهم ويكونوا اكتر منهم كمان بس مش معقولة كل حد عايز حاجة مع احترامى لطلبه يا دلوقتى يا مش همشى

مش بعيد لان النظام في مصر مش هيقع بسهوله و ليه اتباع كتير كانوا مستفادين من التكيه اللي كنا عايشيين و دي ناس لا عندها ضمير و لا دين و لا اخلاق و بيضربوا تحت الحزام من كل الجهات و بيستخدموا اي وسيله علشان يشيعوا الفوضي لانهم كانوا عايشيين في عز و نغنغه من غير مجهود و مش هيسيبوا العزبه دي بسهوله

الفتنه نائمه لعن الله من ايقظها