سؤال للاخوه مالكى الفيرنا

**msalah2008** · 08-04-2008 12:42 PM

فى حد من الاخوة مالكى الفيرنا 1600 المانيوال عنده الكتالوج بتاعها ويرفعهولنا على المنتدى ويكون مشكور وكمان لو حد يرشحلى الالوان الكويسه اللى فيها يبقى مشكور جدا

**zakiali** · 08-04-2008 01:55 PM

الكتالوج بينزل مع العربيه بس مش موجود منه نسخه ديجيتال او بي دي اف للأسف .. اللون اللزيز في الفيرنا من وجهه نظري انا الفيراني .. لون مش بيبان فيه التراب خالص عكس الأسود اي ذره تراب تبان فيه ولازم تركن كل شويه تمسحها :D وفي نفس الوقت جذاب وبليل بيبقي لونه جميل وتحت الشمس ليه لمعه لزيزه .

**msalah2008** · 08-04-2008 02:20 PM

مشكور يا زيكو على الرد والفيرانى فعلا احد الالوان التلاته اللى انا رشحتهم علشان اختار واحد منهم عند التعاقد ورشحت معاه النبيتى والشامبين

**zakiali** · 08-04-2008 08:39 PM

متهيألي الشامبين فاتح اوي ولونه فاقع والنبيتي بناتي شويه خليك في الفيراني الز عن تجربه وابقي شوف العربيه في النهار تحت الشمس وفي الليل عشان تقدر تحكم كويس . وفي الأول وفي الاخر دي عربيتك وانت اللي هتسوقها فلازم تكون مقتنع بيها ميه في الميه زي الجواز كده :D ومبروك مقدما ...

**temoo_110** · 08-04-2008 08:47 PM

يا راجل فيرنا ايه اللى انت عاوز تجبها انفد بجلدك قبل ما تقع فى المطب وترجع تندم انك جبت عربية زى دى

**Nile_Storm** · 08-04-2008 09:11 PM

المشاركة الأصلية كتبت بواسطة temoo_110

يا راجل فيرنا ايه اللى انت عاوز تجبها انفد بجلدك قبل ما تقع فى المطب وترجع تندم انك جبت عربية زى دى

الاخ العزيز تيموو
الراجل بيقول انه حجزها خلاص يعني نقوله مبروك ولا ايييييه
مش لازم يعني المشاركات المبهمه دي و انفد بجلدك و الكلام ده
اكيد مش كل اللي جايبين الفيرنا دول ناس مبتفهمش لو هي عربيه وحشه للدرجه دي مكنتش انتشرت كده

و بعدين الفيرنا عربيه ممتازه جدا بالنسبه لسعرها
انا عندي فيرنا و مبسوط جدا بيها عامه و مقتنع بادائها
msalah
علي فكره انا جايب اللون الفيراني تحفففففففففففففففففففه توكل علي الله وهاته لمعته حلوه فعلا و مديها شياكه جامده جدا و لو مش فيراني يبقي نبيتي و ربنا يباركلك فيها واي استفسار اتفضل