أخلاق وتواضع د محمد البرادعي

**Qmax** · 10-03-2011 04:52 AM

المشاركة الأصلية كتبت بواسطة hagan

الاخ الكريم (( qmax ))
بجد تحليل رائع لمعرفة الاخر و لو فعلا طبق اي شخص هذا المنهج في تحليل الاشخاص المجهولين بالنسبة له فأكيد لن يصبح احد مجهولا
و لو ان رأيي الشخصي اني لا اميل لشخص د.البرادعي

م.حاتم السباعي

هو فعلا تحليل رائع عجبني فقُمت بنسخه.

الحُريه لا تُفرض عليك الميل له ولا لغيره

**wa7d** · 10-03-2011 05:59 AM

المشاركة الأصلية كتبت بواسطة skybird

في نقطة كمان اخذت بالي منها للتفرقة بين المتواضع والمتعجرف
وهي وضع جسمه اثناء الجلوس هل يميل بجسمه للامام ام للخلف
المتواضع بيميل للامام في اشارة للاهتمام باللى امامه وكأنه يقول له "انا استمع لك"
المتعجرف بيميل للخلف واذا استفز ياخد وضع هجومي في اشارة لوضع مسافة اكبر بينه وبين محدثه

تذكر وضع شفيق الاسبوع الماضي ووضع البرادعي هذا الاسبوع

ايه التحليل النفسى دا , فعلا كلامك صحيح احيييييييييييك بشده

**factorialx** · 10-03-2011 06:27 AM

أنا من أشد المؤيدين للبرادعي من أول ما جه مصر و الأرشيف يشهد

إلا إني حزنت جدااا لما ماجاش يوم 25 يناير و هاجمه ناس كتير ساعتها حسيت إنه إنتهى

بس لما راجعت نفسي قلت مين في مصر واحد بحجم البرادعي نزل 25 يناير مافيش حد
و دي كانت نقطة قوة للثورة لأن لو ليها قائد كانت مورست عليه ضغوط هائله لإثناءه
أما عفوة الثورة كانت سبيل نجاحها
و عدم حصرها في البرادعي أو غيره إداها تعاطف قاعده شعبية كبيره

البرادعي نزل يوم 28 و إترش عليه ميه في ناس منزلتش أصلا

البرادعي لم و لن يفاوض النظام السابق في وقت هرولت فيه كل قوى المعارضه تقريبا لتقسيم التورته ( و الله العظيم موقف رائع لأبعد الحدود )
الوفد قال" لقد أسقط الشعب شرعية النظام"ثم تفاوض مع النظام و الإخوان برضه

البرادعي موقفه كان ثابت و لما الرئيس لم يتنحى يوم الخميس طالب بتدخل الجيش في وقت بعض السياسيين جابوا ورا و قالوا خلاص بقى يا جماعه الرئيس فوض صلاحياته لنائبه

البرادعي هو أول من أشعل حلم التغيير بجد في نفسي رغم إني كنت مقتنع إن ثورة 25 يناير مستحيل تحصل

كفاية عليك يا برادعي إعتراف الجيش بيك و جلوسك على يسار المشير

و رجاء للمعارضين بلاش إسفاف و ضرب تحت الحزام مع الراجل عارض بهدوء و بالمنطق