هل يوجد احد غير رأيه او اضاف معلومة جديدة في الدكتور البرادعي بعد المقابله ؟

**human** · 10-03-2011 09:43 AM

قبل اللقاء كان شخص عايزه رئيس مصر و بحترمه و اقدر مكانته
بعد اللقاء اصبح بالنسبه لى انسان حاسس انى اعرفه و اوضح نقط كانت تغيب عنى

انا هاجمته كتير على بطئ الايقاع كنا نستشيط غضبا عندما نشاهد كيف كان يعمل النظام السابق على اعداد المشهد السياسى للتوريث و كيف كان يضيع الامل و يضيع الصبر
و لكن كان يخرج ليؤكد تفاؤله و يقول الشعب هيتحرك بثقه كبيره كنت اراها ضربا من الجنون

و لكنه اثبت انه من الممكن ان يكون سلحفاه بطيئه و لكنه فعال

**arakysolom** · 10-03-2011 09:45 AM

أظن الوقت مازال مبكرا جدا لتكوين رأي علي احد المرشحين للرئاسة و ايضا لابد من سماع كل المرشحين حتي تعرف من هو الافضل من حيث الوعود الانتخابية و اختبار مدي المصداقية لكل شخص من المرشحين و اصدار بيانات الترشيح و الاهداف التي ينتوي كل مرشح تنفيذها و لكي تتم محاسبة الذي يفوز بالرئاسة عن اهدافه المعلن عنها بهذه البيانات المكتوبة
لأن الوعود الشفهيه لا تؤخذ في الاعتبار

**تامر.محمد** · 10-03-2011 09:55 AM

أسجل احترامي للرجل ... و أحتفظ بموقفي الخاص من مساندته من عدمها لحين معرفة المرشحين الآخرين

**fepsceasar** · 10-03-2011 10:22 AM

المشاركة الأصلية كتبت بواسطة l0new0lf

معلش انا ليا راى فى الموضوع
الواحد مننا (يعنى مش الكل بس دى الغالبيه العظمى) لما بيروح علشان يتجوز بيخطب و يدخل البيوت
و طبعا بيسمع كلام كتير و بيشوف الطريقه اللى اهل البيت بيتعاملوا بيها و لو عجبه الموضوع بيكمل الجوازه
و ان كان بعض كلام اللراجل ده مقنع, فانا مش عاجبنى الراجل ده واللى حاصل فى بيته
و لن ااتمنه على بيتى ابدا

بيته ايه يا فندم انت لسة مصدق الجرايد الغير قومية

دكتور البرادعى بنته مسلمة متزوجة مسلم فى السفارة النمساوية وعلى الشريعة الاسلامية واحد الشهود هو سفير مصر فى النمسا
الدكتور البرادعى لم ولن يحمل الا الجنسية المصرية
شوفت القذارة بتاعت الناس اللى كانت بتشوهه ربنا ينتقم منهم

**Qmax** · 10-03-2011 10:30 AM

المشاركة الأصلية كتبت بواسطة l0new0lf

معلش انا ليا راى فى الموضوع
الواحد مننا (يعنى مش الكل بس دى الغالبيه العظمى) لما بيروح علشان يتجوز بيخطب و يدخل البيوت
و طبعا بيسمع كلام كتير و بيشوف الطريقه اللى اهل البيت بيتعاملوا بيها و لو عجبه الموضوع بيكمل الجوازه
و ان كان بعض كلام اللراجل ده مقنع, فانا مش عاجبنى الراجل ده واللى حاصل فى بيته
و لن ااتمنه على بيتى ابدا

انت شوفت الحلقه بتاع برنامج أخر كلام ؟

**د.أبونضال** · 10-03-2011 10:40 AM

رأيي فيه قبل الحلقة هو هو رأيي فيه بعد الحلقة أنه رجل ثابت على مبادئه لا يخاف في الحق لومة لائم وأنه يحب البلد بصدق ويرغب بحق في خدمة البلاد ، وعبارته التي أعلن بها الترشح تكفيني
"أريد أن أترشح خادما للشعب المصري ووكيلا عنه لا وصيا عليه"

**hobiko** · 10-03-2011 10:42 AM

لقاء متميز جدا ......

على المستوى الشخصى

الراجل كلامه بيتصدق بسهولة ...... دليل على صدق النوايا

على المستوى العقلانى

الراجل عنده رؤية لمستقبل مصر ..... بالتحديد لنظام الحكم اللى يضمن عدم ظهور دكتاتور جديد

اسجل اعجابى بالرجل فى انتظار باقى المرشحين

**Sharky** · 10-03-2011 10:52 AM

قبل ما اشوف حلقته لا كنت مؤيد له او معارض له

لكن بعد ما شوفت حديث البرادعى امبارح على On TV ليه ملاحظتين :

1- مش حاسس انه عنده كاريزما + حسيت انه متوتر و مش عارف يتكام كويس و مش شايف ان اللى يمثل مصر يكون كده :(

2- الراجل بيقول انه اذا لم يوفق فى الانتخابات الرئاسية عنده استعداد يخدم مصر بطريقة اخرى
فلما سئل هل تقبل ان تكون وزيرا اذا فشلت فى الانتخابات الرئاسية
الأجابة كانت لأ !!!!!!!!!!!!!!!!!!!!!!!!!!!!!!!!!!!!!!

بصراحة حتى الان لم يقنعنى بنفسه
فى انتظار برنامجه الانتخابى لعله يقنعنى و اديله صوتى

**Dr Ahmed** · 10-03-2011 10:59 AM

المشاركة الأصلية كتبت بواسطة sharky

1- مش حاسس انه عنده كاريزما + حسيت انه متوتر و مش عارف يتكام كويس و مش شايف ان اللى يمثل مصر يكون كده :(

2- الراجل بيقول انه اذا لم يوفق فى الانتخابات الرئاسية عنده استعداد يخدم مصر بطريقة اخرى
فلما سئل هل تقبل ان تكون وزيرا اذا فشلت فى الانتخابات الرئاسية
الأجابة كانت لأ !!!!!!!!!!!!!!!!!!!!!!!!!!!!!!!!!!!!!!

1- بصراحة موضوع الكاريزما دا جربناه كتير ومأثر علينا فى الاختيار وهو عديم الأهمية وكلنا عارفين كده
2- الراجل عايز يخدم بالطريقة اللى هو عايزها مش لازم باللى احنا عايزينها يعنى يقبل يرفض هو حر

الموضوع: هل يوجد احد غير رأيه او اضاف معلومة جديدة في الدكتور البرادعي بعد المقابله ؟

LinkBack

أدوات الموضوع

عرض

-

-

-

-

المواضيع المتشابهه

غبور اضاف فئة جديدة للسيارة النترا gl

موقف الدكتور عصام العريان من البرادعي

تنبؤ الدكتور البرادعي بالتغيير في فبراير

شكرا سيادة الدكتور محمد البرادعي.

الدكتور البرادعي بطل الثورة

الكلمات الدلالية لهذا الموضوع

المفضلات

المفضلات

ضوابط المشاركة