بس استاذ محمد قال كدة عن تجربة و كمان فى الكتالوج هما قايلين 95 المهم يعنى انا التانك نصة مليان دلوقتى اكملة 95 و ولا اية
عرض للطباعة
بس استاذ محمد قال كدة عن تجربة و كمان فى الكتالوج هما قايلين 95 المهم يعنى انا التانك نصة مليان دلوقتى اكملة 95 و ولا اية
بص يا ابو حميد
مش لازم تستنى لما اللمبة تنور، لكن يفضل ان التنك يكون فاضي أو قرب يفضى
ومع تاني "تفويلة" هايكون التنك كله تمام، بس حاول تمون من بنزينة محترمة، علشان ماتكونش بتدفع فلوسك في الهوا
والعضو الفاضل Vettel (مشكورا) وضحلك محطات بنزين مدينة نصر اللي فيها 95 وترتيبهم
أعتقد ان الصانع ادرى الناس بصنعته، وفيات لو شايفين ان ال95 مش هايفرق كتير، ماكانوش هايكرروا التحذير باستخدام البنزين 95 3 مرات في الكاتالوج، واللي ممكن يقلل مبيعات عربياتهم في الدول اللي بتحسبها باللتر زي عندنا
عزيزي Moe86
معدل انضغاط موتور البونتو إيفو 11
وده من اعلى المعدلات الموجودة في العربيات الحالية
تعرف السيراتو الكوبيه معدل انضغاط موتورها كام ؟ أقل من 10.5
وبالنسبة للفرق في الآداء، ده موضوع انا مجربة بنفسي، مش لمجرد الإلتزام بتعليمات الصانع، أو فلوس زيادة مش عارف اصرفها فين.
أيام الثورة ولما حصلت مشكلة البنزين، وكان نتيجة ان مفيش بنزين 95 في المحطات نهائيا(كان ال92 بالطابور) حطيت 92 ، ولاحظت ان سحب العربية مش مضبوط،
ومرة تانية، كنت مسافر لمسافة طويلة (حوالي 1100 كم) كنت مفول العربية وانا رايح 95، وكان اداء العربية ممتاز، وكنت معظم الوقت ماشي على 160 \ 175 كم\س ومع التكييف ، وفي الرجوع ماكانش في 95، وتاني اضطريت احط 92، والعربية حالها اتقلب، كانت بتجيب ال 150 كم\س بالعافية.
يمكن انا علشان ماشي ع ال 95 من الأول ف بحس بالفرق أكتر، أو يمكن علشان مشواري اليومي مسافات طويلة ف بتفرق كتير عن المشي في وسط البلد، بس في الآخر "الفرق يستاهل"
محمد
زي ماقلتلك، استنى لغاية لما التنك يفضى (ومش شرط ع الآخر) ومرة مع مرة هاتحس بالفرق، وخصوصا لو بتمشي على طرق سريعة وعربيتك أوتو
وياريت بلاش استاذ دي، انا مش عجوز قوي كده :019F3B~14:
فى كاتلوج البونتو بتاعتى برضو قايلين أكتر من مرة على موضوع ال95 و كاتبينه فى أول صفحة خالص
جربت 30 لتر على تانك فاضى فى مرة و محستش بفرق خالص, مجرد العربية بطلت تكركر على طول
إحتمال يكون البنزين مش نظيف قوى فى المرة دى
بس عموما حضرتك أدرى منى بالإيفو, أنا توقعت نفس الكلام فيها لأنه موتور واحد بسعة أكبر شوية
كان فورميلاتور او يوكو حد فيهم قال ان انت مش هتحس بالفرق غير بعد تانى او تالت تفويلة
طيب يا دكتور
اديك انت كمان طلعت المفروض تستخدم 95، وخد بالك ان موضوع الكركرة ده مضر جدا للموتور، ف لو العربية بتكركر معاك حطلها 95 افضل، ومش من مرة واحدة أو خليط ال92 على ال95 هايبان الفرق
لازم تفول أكتر من مرة علشان تحس بفرق السحب والعزم، وبعد كده لو نزلت ل92 تاني، هاتلاقي فرق كبييير جدا
فين فورميولاتور كان زمانه دلوقت "خابطنا" بكام مصطلح علمي على كام رسم بياني وكان كتب لنا روشتة من اللي هي
فعلا، وبالتوفيق ياباشا
حضرتك تقصد ايه بصوت الكركرة ؟؟ يعني العربية العادي بتاعها تكركر علي ال 92 ؟؟؟ معلش أنا مش فاهم قوي لأن البونتو أول عربية ليا بس عايز ـفهم تقصد ايه بالكركرة العادية دي ؟؟ و كنتوا تقصدوا ايه بصوت التسقيف اللي كان معموله توبيك لوحده و أفتكر كان في عضو معانا من اسكندرية عنده صوت التسقيف ده برضه و قالهم عليه في اسكندرية في صيانة ال 5000 و مش عارف وصل معاهم لايه ؟؟؟
عشان فـ الأسواق الأوروبية الـ95 مش أعلى حاجة, والـdefault عندهم 92 (أقل حاجة)
- Unleaded 92
- Premium Unleaded 95
- Super Unleaded 98
- Octane 100
فـ لما يقولك الموصى به من الـgrade رقم 2 على الأقل وطالع.. كده عادى
انما انت هنا أعلى حاجة فـ مصر 95, والـdefault عندك 80!
لو دى عربية مخصصة للأسواق بتاعتنا, كان قالك 92, لكنها مخصصة للأسواق الأوروبية. فـ بيـrecommend على أساس السوق الأصلى
btw موضوع الـCompression Ratio مش دايما صحيح:
مواتير الـT-JET الأنضغاط بتاعها 9.8:1 يعنى نظريا ممكن 91/92 لكن للأسف لو أقل من 95 الأداء بيقل جااااااامد, والأستهلاك بيعلى. ومش عايز أقول بتكركر؟!
وفى مواد هنا بتتحط على التانك عشان ترفع البنزين لكتر من 95 مش كده ؟