أفيدوني في الزيت أفادكم الله

**mff_629** · 10-03-2011 10:32 AM

السلام عليكم و رحمة الله و بركاته

أولا أنا حابب أقولكم إن أنا النهاردة متفائل أكتر لمستقبل بلدي و حبيبتي مصر أم الدنيا
على الرغم من الأخبار السيئة و الأحداث اللي بتمر بيها بلدنا أنا النهاردة صحيت من النوم متفائل بمستقبل مصر أكتر و أكتر
و طبعا مفيش سبب معين للتفائل ده بس حبيت أقولكم عليه يمكن حد يتفائل بمصر معايا

ندخل في الموضوع
أنا محتار في موضوع تغيير الزيت ........ في ناس تقوللك موبيل 1 10000 كم أفضل (أو ما يقابله من شل و و و)
و فيه ماس تقوللك لا أنت أحسن تغير زيت كل 5000 عشان الزيت بيتوسخ لو قعد 10000 مرة واحدة
ناس تقوللك أحسن حاجة 5000 وبس تغير كل مرة زيت و فلتر مع بعض
و ناس تقوللك لا 5000 و الفلتر مرة و مرة

قولت الواحد يدور على النت
لقيت كلام تاني خالص
يقول هيئة القياسات والمواصفات العالمية أكدت إن الدعاية التي ترددها شركات صناعة وتجارة زيوت المحركات بشأن ضرورة تغيير الزيت كل 2000 أو 3000 كيلومتر مجرد أسطورة
و شركات صناعة السيارات العالمية الكبرى فتقول إن تغيير الزيت كل 5 آلاف أو حتى 8 آلاف كيلومتر أمر مبالغ فيه ونفقات بلا داع
المهم مش عايز أطول عليكم أكثر من كدة
طبعا أن هامشي زي ما التوكيل و الضمان بيقولوا
[gdwl]
السؤال أحط زيت 5 ألاف و لا 10 ألاف و أعير الفلتر إمتى و ليييييه؟
[/gdwl]
أسف على الإطالة

**Ahmed.TV** · 10-03-2011 04:21 PM

الزيت اتطور زمان مكنش بيقعد لمسافات كبيرة

انت ممكن تحط زيت 10 الاف عادى وتغير الزيت كل 10 ومعاه الفلتر مفيش مشاكل

عشان تروح بالمرة تعمل الصيانة بتعتك

او ممكن تحط زيت 15 الاف بردوا شغال وكويس جدا

والزيت الكويس اللى بفضله زيت شل , والزيت ده اغلب الشركات الالمانى المعروفة فى العالم بتوصى بيه دايما

**SonaSteel** · 12-03-2011 01:10 AM

المشاركة الأصلية كتبت بواسطة sedyrohy

عن نفسي قررت استعمل زيت كاسترول المره الجايه

كاسترول الماجناتيك

الزيت هوا الموصي به من مجموعه فولكس فاجن
لامورجيني -- فولكس--سكودا--سيات--بوجاتي فيرون
عايز ايه تاني غير كده و الزيت ده بيمشي مابين 7الاف او 8الاف و تمنه 170 جنيه

أبقي سيارتك في أوجه أدائها وافضل حالاتها
قم بخطوة ذكية. استعمل كاسترول ماجناتيك.

3- ماجناتيك

يستخدم فيه تقنية تخليقية اصطناعية
يُنصح به لجميع أنواع السيارة العالية الأداء وأكثرها فخامة (التي تسير بالبترول والديزل).
تحتوي تركيبته على أفضل ما في فئة api sl/cf.
اللزوجة: Sae 10w-40.

كيف تعمل هذه الجزيئات الذكية؟

البث: تقوم جزيئات ماجناتيك الذكية بالبحث عن أماكن الحاجة اليها في المحرك لتلتحم وتلتصق بها، موفرة لها حماية محتواصلة ضد البلى والتلف. ولا تعمل الجزيئات الذكية منذ البداية فقط، بل تواصل حمايتها لأجزاء المحرك طوال فترة التشغيل ومدة الرحلة بغض النظر عن أساليب القيادة، الظروف المناخية أو درجات الحرارة.
الإلتحام/الإلتصاق: مع بدء مفتاح التشغيل، تنشط جزيئات ماجناتيك الذكية بطبقة حماية فعالة تبقى على أهبة الاستعداد لحين بدء محرك سيارتك بالسخونة، عندها تصبح أكثر نشاطا لتتوجه الى الأماكن الأكثر حاجة اليها فتلتصق بها بطبقة من الحماية القصوى.
الحماية: عند بدء إرتفاع درجة حرارة محرك سيارتك، تتوجه جزيئات ذكية أخرى بمنتهى النشاط والفعالية الى الأماكن الضعيفة والقابلة للعطب لتلتصق بها بطبقة من الحماية المتواصلة طوال فترة قيادتك للسيارة ومهما طالت رحلتك.

ولا يتوقف نشاط وعمل الجزيئات الذكية مع إنتهاء رحلتك وإيقاف محرك السيارة، بل تبقى نشطة كطبقة حماية ومستعدة لأول إشارة بدء تشغيل المحرك من جديد.

http://www.nilemotors.net/nile/153782-a.html

تصدق اني سالت المهندس اللي في شيل لما كنا في المعرض .. وشرحتله ازاي بيشتغل
قالي مفيش حاجة اسمها كده .... ازاي هايسد مكان تأكل الحديد ده زيت
الله اعلم ده صح ولا غلط.... وقالي ان الموصي بيه من فولكس فاجن الشيل مش الكاسترول ؟؟؟
متابع معاك يازيزو ان شاء الله
اقعد بالعافية :))