معركة أمن الدولة الأخيرة

**gebreel** · 10-03-2011 01:36 PM

الف شكر يا اخواني يا ايراني و يا كنتاكي و يا رجالة مصر =)

**gemy1** · 10-03-2011 01:39 PM

عايز ايه يا هانى ما تخليك باصص فى شاشتك يا عم الحاج بقى ههههههه

**madyyuri** · 10-03-2011 01:58 PM

موضوع هايل

انا عن نفسي لو وقع في ايدي حد من البلطجية دول هاقتله بجد مش هزار

**arakysolom** · 10-03-2011 02:08 PM

المشاركة الأصلية كتبت بواسطة zeyad1810

ربنا معانا

معركة أمن الدولة الأخيرة...

باختصار شديد.. يخوض جهاز أمن الدولة السابق أشرس معاركه حالياً.. ليس ضد ما يهدد أمن الدولة الفعلي .. و ليس لصالح النظام البائد أو بغرض الثورة المضادة بل ضد الشعب و الجيش سوياَ .. و ما الجديد في هذا ؟ الجديد أن السادة الظباط المنتمون لهذا الجهاز لما أيقنوا بقرب نهايتهم أو محاكمة بعضهم اثر الضغط الشعبي المستمر لحل أو اعادة هيكلة الجهاز خاصة بعد بدء التحقيق مع بعضهم بالفعل ... اتفقوا أو لعلهم استنفروا لتشغيل عقلياتهم الفذة بنفس السيناريوهات متناهية الذكاء التي لم يكفوا عن استخدامها منذ الأزل و تتركز فيما يلي:

1- اثارة الذعر بين المواطنين خاصة كبريات المحافظات بنشر أكاذيب لانفلات أمني كبير ليس له نهاية.. و قد تأكدت شخصيا من صحة أقل من 10 % من الحوادث التي سمعت عنها بالحلفان و الأيمانات..

2- نشر تابعيهم من بلطجية سواء للسرقة بالاكراه أو اثارة فزع مواطنين امنين مضمونين انهم لاطاقة لهم بالتصدي مثل أطفال مدارس , كبار سن , نساء أو في مناطق خالية من المارة

3- بعض الملصقات التي تحوي صور أطفال مفقودين أو تم العثور عليهم و التي تظهر بكثافة الان

4- تزجية الشعور باليأس العام من عدم افلاح الثورة و استحالة عودة الامان و تشجيع قطاعات كبيرة على القلاقل و المطالب الفئوية

5- (هام جدا) الضغط المباشر و غير المباشر على قيادات و أفراد الداخلية للتلكؤ في العودة لفرض الأمن و كذلك حث الغوغاء على الاحتكاك و استفزاز الضباط بمجرد رؤيتهم (كما حدث مع ضابط المعادي)

الهدف: لوي ذراعنا و ذراع المجلس الأعلى .. يعني سيب و أنا أسيب... تحلونا و تحاكمونا.. نذلكو و نخوفكوا على عيالكو... تسيبونا .. نلم التعابين...

طبعاً قرارنا معروف... و لتنفيذه.. :

1- الصبر و الثبات فنهايتهم أقرب مما يتخيلون هم (و سيعلم الذين ظلموا أي منقلب ينقلبون) ( ملحوظة : أيوة أنا اخوان و سلفي و ايراني) مش انت بس داحنا كلنا زيك

-2 الاشاعات المضادة.. يعني كل اللي يقوللك حصل و حصل..قولله شفت بعينك.. و لو شاف قولله المخطط أعلاه..واحكيله عن اللي اتمسكو حصل فيهم ايه..

3- اجراءات الأمن العادية جدا : اغلق أبواب و شبابيك السيارة .. لا تغادر السيارة عند الاستفزاز من أغراب (مثل اشاعة البيض الأومليت اللي على البرابريز و عقد بيع السيارات قبل سرقتها.. ناقص الحرامي يسجلها في الشهر العقاري..وده عمرو ما حصل) أو عند اصطدام سيارة بك من الخلف أو تنبيه أحدهم بان العجلة نايمة

4- بالنسبة للبنات.. لو حاول أحدهم اجبارك على التوقف عنوة لا تتوقفي و لا تفتحي الأبواب.. بكل بساطة .... دوسي عليه

5- التصدي .. الشباب الجامد اللي حيمسك بلطجية من دول حيعمل فيهم ايه ؟؟؟ اقتراحات كتيرة فيه ناس بتضرب و ناس بتسلمه سليم للجيش أو الشرطة (لو فاتحين) احنا هنا ناويين على حاجة لطيفة قوي... حنقلع عينيه الاتنين قبل ما نسلمه.. لو عرفوا ان احنا مش بنهزر في دي .. لاهما ولا اللي منزلنهم (اللي لسة دورهم جاي) ما حيهوبوا من الشارع

6- تذكر القاعدة الذهبية.. البلطجي جبان مش انتحاري....

الموضوع منقول

**justmanonweb** · 10-03-2011 05:19 PM

يحيا الشعب الاخوانى القبطى السلفى الكنتاكى
ويسقط امن الدولة واذناب الحزب الواطى
المفروض اى حد يمسك بلطجى يموتة على طول علشان البلد تنضف منهم

**هيثم المنياوى** · 10-03-2011 05:40 PM

السلام عليكم
استاذ زياد موضوعك جميل جداً
بس فعلاً أنا زعلان منك لتعليقك بعد الأيه الكريمه بانك اخوان وشيوعى ومش عارف ايه
ماتسيب اللى يقول يقول ياسيدى ده كلامك ربك قوله ولاتفكر فى الرد
والله ثم والله إن الخير كله فى اتباعه والشر كله فى البعد عنه
واذا تعاملت مع الله فأنسى الناس لأن كلام الله شرف لنا أن نذكره دون أن نجزم بتعليق ما
معلش اقبل كلام أخوك الصغير........مع خالص تحياتى
والسلام عليكم ورحمة الله وبركاته

**om mohammed** · 10-03-2011 08:45 PM

الموضوع الوحيد اللى حسيت فية ببارقة أمل
قلت أما أشارك
كنت بالأمس فى ميدان عبد المنعم رياض بحكم شغلى ركنت العربية تحت كوبرى 6 اكتوبر ( موقع الحدث )
المهم وأنا فى العمل سمعت صوت دوشة جامدة جدا وتكسير فى الشارع كل أما أسأل شخص فى ايه يقولى ناس بتضرب بعض بالطوب مين بيضرب مين محدش بيرد عليّا
كلة عايز يجرى يتفرج

بصراحة أنا خفت عالعربية قلت أنزل أشوف وأطمن خدت المفتاح ونزلت الشارع أسأل يا جماعة فى ايه الإجابات كالتالى:

1- دول المسيحيين والمسلمين بيضربو بعض
2- الباعة الجائلين بيضربوا المعتصمين عشان موقفين حالهم
3- مظاهرات بتضرب مظاهرات ( مش عارفة يعنى إية )

مخبيش عليكم أنا كان كل همى العربية وخاصا إنها كانت جنب الضرب مبااااااشرة وجاتلها إصابة فى الزجاج الجانبى جراء طوبة
وكل أما أروح ناحية العربية الناس تصرخ فيا وتقوللى لأ (هيقتلوكى ) فواحد قاللى أنا هروح أجيبهالك ببص علية لقيته واقف وخايف ( حقة بصراحة ) لأن الضرب كان عنيف قلتلة شكرا انا هجيبها وبالفعل رحت وتوكلت على الله وقلت زى ما تيجى لقيت كذا شخص واقفين بيحاولوا يهدوا الجو ويرفعوا إيديهم عشان الناس تبطل ضرب فى بعض قلت فرصتى عشان أجيبها وركبت العربية وأنا رجلى بتخبط فى بعض ومنكرش إنى كنت خايفة جدا جدا جدا لدرجة إنى مش شايفة وجوة إللى حواليا ولا مين مع مين ولا مين ضد مين والحمد لله أنقذت العربية بسلام

أتمنى إنى أكون وضحت الصورة
التعقيب عاللى حصل :
إنى كنت جوة موقع الحدث أنا والناس إللى جاوبتنى ومع ذلك الناس مش عارفة اية سبب إللى بيحصل وبتدى إجابات وخلاص ولو كنت سألت 10 أشخاص كان هيبقى معايا 7 إجابات مثلا كلها غير بعض فما بالك بإللى بيسمع بس من غيرما يشوف مع تهويل كل ما يصل إلى مسامعنا أكيد هيوصلة إن فى مجازر بتحصل وبالفعل والدتى كلمتنى بتقولى أختى إتصلت بيها وبتقولها إن التحرير فيها ضرب وصل لـ ( 39) قتيل قلتلها يا ماما إشاعات متقلقيش وإستغربت الإشاعة وصلت لحد الجيزة ب 39 قتيل يعنى لو وصلت لأبعد من كدة العدد هيزيد حسبى الله ونعم الوكيل فى مروجى إشاعات الخوف والزعر فى الوقت اللى إحنا فى أمس الحاجة فية للإطمئنان

وأنا عن نفسى متفائلة رغم كم الأحداث الرهيبة المؤسفة اللى بتحصل
ولسة عندى أمل

ومصر للأفضل إن شاء الله