-
عندى مشكله فى عربيه 128
المشكله ان العربيه مبتسحبش خالص يعنى لو فى زلطه تحت العجله العربيه مش هتمشى و فى ريحة شياط كأنه كوتش محروق مش عارف جاى منين بالضبط و العربيه بتبطل كل شويه بالضبط كل ما ارفع رجلى من البنزين
والمصيبه ان كل المشاكل دى و انا لسه عاملها عمرة موتور الصيف الى فات
و كنت عايز اعرف سعر الصالون الجديد للعربيه يعمله كام و المشاكل دى ليها حل و لا اتكل على الله و ابيع العربيه
-
-
بص على المسافه بين العجل الى ورا والرفارف شوف لحسن تكون بتحك فيه... وحط ايدك بين العجل الى ورا والمساعد لو فى مسافه بينهم يبقى تمام ارفع العربيه عجله عجله ولف العجله بايدك شوفها هتلف بسهوله ولا لاء ..
بعد ما تمشى بالعربيه انزل منها وحط ايدك على الجنوط شوف لو لقيت جنط فيهم سخن قوى يبقى تيل الفرامل قافش او بلى الطنبوره قافش
وان شاء الله العيب مش هيخرج عن الاحتمالات دول
وبعد كده قولنا السحب ايه اخباره
-
-
ظبط الكربراتير
اكشف على اسطوانه الدبرياج
-
بس يا باشا هنحاول نحدد المشكلة سوا
خلينا الاول فى مشكلة ان العربية مبتسحبش
الاول هتعمل مشوار بالعربية (وتتاكد ان فرامل اليد نزلة للاخر) وتنززل تجس الاربع جنوط لو فى جنط سخن يبقى دى مشكلة فى الفرامل وفى خزنة او خرطوم مسدود
وريحة الشياط اللى بتطلع دى تاكل تيل الفرامل
لو مفيش سخونة فى العجل ممكن يكون فى مشكلة فى بلى العجل ودى هتكون عن طريق انك وانت ماشي يفضل فى حتة هادية هتركز كدة لو فى صوت ووووووووووووووووووووووووو ووووووووووووووووووووو كدة وبيزيد مع السرعة يبقى دى كدة بلية
لو عايز انت بنفسك اللى تحدد انى بلية بترفع العربية على كوريك عجلة عجلة وتلفها لفة جمدة بايدك دة بالنسبة للعجل الخلفى
اما بالنسبة للامامى بترفعهم برضة عجلة عجلة وتدخل تدور وتدى غيارات عادى جدا وتسمع لو الصوت ناعم يبقى كدة تمام لو فى خشانة يبقى من العجلة المرفوعة يفضل ترفع العربية فى حتة وسعة وفاضية علشان لو لاقدر الله العربية وقعت من على الكوريك متعملش مشاكل
نيجى بقى لو كل دة تمام يبقى المشكلة هنا فى الدسك والاسطوانة بتاعت الدبرياج كدة ممكن يكونوا خلاص ودعوا
وبخصوص ان العربية بتطفى دى اسبابها ممكن العربية عيزة ظبط للاسبراتير
او ممكن الكربراتير عايز يتنضف ويتظبطلة هواء وبنزين
وبخصوص انك عايز تغير الصالون انا فى واحد صاحبي جاب صالون شيفرولية اسبارك ومركبة فى ال128 شكلهم بسم الله ماشاء الله كويس وامكانيتهم حلوة زراع لكرسي السواق والقعدة بتاعت الكرسي بتطلع وتنزل
الطقم كان متكلف حوالى 800 جنية الكلام دة من حوالى سنتين اللى بتحتاجة انك تعدل فى المجارى اللى فى الارضية بس عند سمكرى كويس
تحياتى لك
-
حاسس ان مشاكلك في طقم الدبرياج
اكشف عليه
تحياتي
-
بص المشكله ده كانت عندي بص حاول وصل العربيه لاقرب مكانيكي تيل الفرمل عندك مسدود وده مخليه بيقفش في العجل هو علي العموم ساعه ماجبته كان با 20 جنيه وقول 10 للمكانيكي
-
يا تيل قافش يا جايبة ديسك
Content Relevant URLs by
vBSEO 3.6.0 PL2