حد يقوللي اعمل ايه في الرينجات دي
صباح الفل علي احلي شباب .. استفسار صغير ياريت حد يساعدني .. انا جيبت رينجات و جيت احطها في الفوانيس لاقيت السلك بتاعها قصير اوي روحت لكهربائي يطوول ليا السلك شوية .. لاقيت رينج اشتغل و التاني لاء .. جيت اشيل السلك اللي طولنا بيه الرينج يشتغل ..جربت كذا نوع سلك اطول بيه برضو مش بيشتغل ..روحت لواحد فاهم شوية قاللي الرينجات دي ما ينفعش تتطول لازم تشتغل بنفس طول السلك الاصلي مع العلم ان السلك الاصلي بتاعها ما ينفعش اوصل بيه بين كشافين بتوع موتوسيكل حتي .. طوله اقل من متر يعني ما يوصلش بين اي نوع كشاف لاي نوع عربية ..ياريت لو حد فاهم في حاجة زي دي يفيدني علشان انا جالي تخلف لا ارادي بسبب الرينجات دي