عاجل : مشكله في عربيتي انقذوني لاني حاسس اني هضيع الدنيا في ثانيه

السلام عليكم و رحمه الله و بركاته
الاخوة الكرام
عندي مشكله لاحظتها
و انا بغير بوجيه فكيته و بعدين و هو مفكوك ببص في الردياتير لقيت الميه ناقصه قول ازودها
و روحت اركب البوجيه لقيت و انا بركب البوجيه مكانه مليان ميه
و لسه مدورتش متعرفوش اعمل ايه
لاني بفكر اني اشد الكابل بتاع البوجيه ده ( لاني بحتمل ان جوان وش السلندر ضرب ) و امشي بيها 3 سلندر بس لحد الميكانيكي
انا بكشف علي مقياس الزيت لقيته زاد شويه بس مش طحينه
عارف انكم ممكن تقولولي انه طالما مش طحينه يبقي مش وش سلندر
بس انا لسه مدورتش يمكن لما دور تبقي طحينه
بس هدفي شيء واحد بس
الصمها لحد ما اروح للميكانيكي لانه بعيد عليا
و مش عاوز اقطر العربيه
معلومه عربيتي بيجو 305
انا عارف اني هدوشكم معايا بس اصلي خايف حبتين

أفصل الكابل وخليها تمشى على 3 بستم لغاية لما تروح للميكانيكى
مش لازم العربيه تعمل طحينه
ممكن تنفخ هواء جامد من الردياتير والحرارة هترفع و مية الردياتير هتخرج من الشكمان

لو مشيت على العربية من غير البوجية ميكون راكب البستم هايسلخ وبعدين اية الفايدة يعنى اما تمشي من غير البوجية دة اللى حصل حصل خلاص
احنا دلوقتى ادام جوان وش سلندر ضرب ركبتة او مركبتهوش خلاص الجوان صارب وهايخلى المية تختلط بالزيت طب لو مركبتهوش اية اللى هايمنع الزيت يختلط بالمية

الف شكر للجميع
انا بس كل هدفي اني اروح بيها للميكانيكي اللي هيعمرها

يبقي الوضع كما هو عليه ركبه عادي و امشي بيها كل حاجه ركبه ايه فايده انك تفك سلك خلي كل حاجه راكبه و روح للمكيانكي بس متشيش بيها كتير عشان كده انت بتقصف عمر الكرانك و البيله بتاع البستم الي مش لاقط كهربا

سيب كل حاجة راكبة ومتفكش اى حاجة واوصل للميكانيكى

وحاول برضه تتصل بالميكانيكي تستشيرة لانه واضح انك بتثق جدا فيه خصوصا انك بتقول المسافة كبيرة على ما توصله

ربنا يبارك فيكم يا اخوتي
الحمد لله وديتها للميكانيكي و شغال فيها
الف شكر ليكم
بس ليا طلب كمان
طلب طلبات و سألني ممكن نغير البساتم لانها مبوشه حبتين ؟
في عقلي قلت اهم شيء في المحرك هو البساتم
نزلت اسأل لقيت طقم بساتم بالشنبر و الشيميز بس تركي ب 825 جنيه
انتم ايه رأيكم ؟
اجيب التركي ده ؟
و لا اسأل علي استيراد ؟
و لا في جديد فرنساوي
و هل سعر التركي ده كده كويس؟

ماتور استيراد مش هيكلفك كتير سمعت ان ممكن تركب ماتور 405 مش عارف اسال الميانيكى انا بافضل اغير الماتور عن العمره

متهيألى لو حضرتك بتفهم فى اطقم البساتم الاستيراد روح اسأل عليهم وهاتهم لوحدك انما لو مش كده يبقى يجى معاك الميكانيكى لان الاستيراد انا بقلق منه و اللى يقدر حالته وتمنه الميكانيكى - ومتابع باهتمام

لو الموضوع وصل لبساتم وحوارات خراطة شمايز
يبقى الحل الافضل ماتور استيراد
وهتلاقي التكلفة محصلة بعضها في الاخر
خصوصا احتمالية عدم نجاع العمرة بتزيد جدا في المرحلة دي

ابو صلاح باشا
كلام حضرتك طبعا صح
لكن الميكانيكي قال ان البساتم و الشيميز كويسين
و انا جبتلها كل قطع العمره اوريجينال بيجو
ايه رأي حضرتك
كده حلو و لا ايه