الكلام ده مش صح >>>>انسى وشيل الموضوع دة من دماغك
عرض للطباعة
الكلام ده مش صح >>>>انسى وشيل الموضوع دة من دماغك
يا ريت الموضوع دة يتقفل ..... مالوش معنى..... ودة خداع نظر
فعلا يا جماعه الكلام ده حقيقي الماتريكس ليها مقاسين وكمان مش محتاجه تقيسها بالمتر دى حاجه باينه بالعين المجرده انا لما كنت بشتري عربيتي لاحظت ان العربيه اللي بستلمها اكبر من اللي واقفه جنبها وكانت كمان نفس اللون
ولما سالت زمايلي ما كانوش مصدقين زيكو كده لغايه لما قسيناهم وطلعت عربيتي اكبر
فعلا لو لاحظتم في الشارع في عربيات ضخمه وعربيات تانيه اقل في الحجم وكمان نفس اللون ونفس الموديل والاكسسوارات
وكمان عشان اقطع الشك باليقين سالت بتاع الجراج قالي ان فيه مقاسيين وبحسها لما اجيب مارشيديرعربيه حضرتك اعرض شويه
ودي ياجدعان مش تهيئات دي حقيقه بس انتوا لاحظوها كويس
يا سيدي الفاضل ماحنا قلنا قبل كده هاتعمل ايه في قطع الغيار ... يعني الشنطه مثلا هايجيبوها كبيره لحضرتك منين أو الأكصدام الخلفي و غيره و غيره .. ما ينفعش المفروض ان كل قط الغيار واحده .. ده كلام العقل و المنطق ... أنا مش قصدي أكدبك اطلاقا بس ممكن انت و بتاع الجراج تكونوا اتخدعتوا في النظر ... دا أكيد , نداء المنطق بيقول كده ..و بعدين لو فيه مقاسين كانت المواقع الأجنبيه تزلت أبعاد المقاس التاني ده , مفيش للماتريكس غير أبعاد واحده و ثابته ...زي ما العقل و المنطق بيقول ..
تحياتي لك ...
ما يمكن على رأي بنتي العربيه بتاعتك صغننونه ولما تكبر حتبقى قد اخواتها
الكلام ممكن يكون صح في حاله واحده ان السياره منها موديلين lx dx يعني حاجه زي كدته
تعالوا نفترض ان فعلا في مقاسين من الماتريكس....
- تفتكر ان موقع هيونداي و البروشور بتاع العربيه هيكتبوا فيهم ابعاد واحده بس و يكتموا علي الابعاد بتاعت المقاس التاني؟!
- تفتكر كل المواقع العالميه هتكلم علي مقاس واحد و متجبش سيرة المقاس التاني؟!
- تفتكر غبور هيبيع المقاسين بنفس السعر؟ و كل واحد و حظه بقي، واحد تطلعلوا كبيره و التاني صغيره؟!
- تفتكر طوال الاربع سنين اللي فاتوا محدش اخد بالو من موضوع المقاسين ده؟!
الخلاصه....الموضوع كله خداع بصري :)