الموضوع: االعربيه هتضيع من ايديا :( ,,, الماتور صوته بقى عالى

[mark=#fffbb8]الحمد لله انك اطمنت بنفسك.. ربنا يحفظهالك ويرزقك خيرها ويكفيك شرها..
لكن ضروري جدا تخلي بالك من موضوع السرعات والتحميل على الموتور.. صحيح إن عدد لفات الموتور متناسبة مع السرعات اللي انت ذكرتها.. لكن الكلام ده بعد 1000 ك وكمان لغاية 1200ك .. لكن قبل كدة لازم تعامل العربية بهدوء وبرفق.. يعني أقصى سرعة لا تزيد عن 100 وبالتدريج.. يعني أول 100 ك لا تزيد عن 60 ثم لغاية 600 ك لا تزيد عن 80 وهكذا حتى 1200 ك تصل إلى 120 وبعدها براحتك.. وعلى فكرة بعض السيارات بيبقوا كاتبين في المانوال بتاعها مسافة التليين.. بعضها بيبقى 1200 كم وبعضها 1600 وبعضها 2000.. الحقيقة مش فاكر مانوال التيدا مكتوب فيه كام وللأسف هو في العربية مش معايا دلوقتي.. لكن مسافة التليين الشائعة هي من 1000 إلى 1200 كم
وفي كل الأحوال لا تسير بسرعة واحدة ثابتة لمسافة طويلة.. علشان تروس الفتيس تاخد وضعها الطبيعي كلها بالتزامن.. إنما سرعة واحدة لوقت طويل يعني غيار واحد بينما الغيارات الأخرى لا تعمل.. وده مهم جدا بالنسبة لك ما دمت بتسافر بيها.. فضروري تغير سرعاتك وانت على الطريق علشان يبقى التحميل متوازن على كل الغيارات زي بعض
وكمان لا تشغل التكييف خلال فترة التليين.. ولا تحرق الغيار.. ولا تقف بشكل مفاجئ (إلا في الضرورة القصوى طبعا) ولا تنطلق بالعربية بشكل مفاجئ أيضاً..
دي بعض النصائح البسيطة وهاتلاقي أكتر منها وأشمل في أكتر من موضوع في المنتدى..
[/mark]