فكرة اقتصادية رهيبة

**Mostafa.Ismail** · 11-03-2011 12:49 AM

هو انتوا بتتكلموا بجد :)

**MASERATI** · 11-03-2011 01:13 AM

المشاركة الأصلية كتبت بواسطة mostafaismail

هو انتوا بتتكلموا بجد :)

السلام عليكم و رحمة الله و بركاته

هو سيادتك فاكرنا بنهزر و لا ايه؟؟؟!!!!

لأ, معلش اسمحلى يعنى, ممكن تخش على GOOGLE و تدور على التقنية الحديثة فى نقل الأموال عبر الأثير و أنت تعرف احنا بنتكلم على ايه؟؟

و كمان طرق الشرا بالفيراموبايل .

و مجلس الوزرا كان مجتمع النهاردة, عشان عاوز شركات الموبايلات عندنا تتعاون مع شركة Orange فى أوروبا عشان لو احتاجنا نحول من جنيه ليورو و كان عاوز يتعاون مع شركة Roger فى أميركا الشمالية عشان لو احتاجنا نحول لدولار و كان عاوز يتعاون مع شركة موبايلى فى السعودية عشان لو العميل حب يشترى ريالات و لا تزال الاجتماعات قائمة و التعاون مستمر و ...................................

غطينى و صوتى يا أما .

**hmadaapdo** · 11-03-2011 01:13 AM

المشاركة الأصلية كتبت بواسطة amrelsaqqa

ده على اساس ان البنك المركزى مشكلته في الورق ومعندوش طابعة للفلوس مثلا

ومين اللى هيتحمل الرصيد ده بقى ؟ فودافون ولا موبينيل ولا اتصالات ولا البنك هههههههه
مش في حاجة اسمها تضخم اقتصادى على اساسها بيقرر يطبع قد ايه

وطالما هياخد منك فلوس هيديك رصيد منين ،
عايز اقولك ان الفلوس لا تفنى ولا تستحدث من العدم هههههههههههه

هى العملية عملية ورق ورصيد !!!

الاخ العزيز انا مقلتش الفلوس حتتضاعف
باختصار ده عملية توحيد الشعب لكل مدخراته ووضعها فى يد امينة لاستثمرها
انا عارف ان الناس مش قدرة تستوعب الفكرة لانها غريبة

**amrelsaqqa** · 11-03-2011 01:39 AM

المشاركة الأصلية كتبت بواسطة maserati

السلام عليكم و رحمة الله و بركاته

هو سيادتك فاكرنا بنهزر و لا ايه؟؟؟!!!!

لأ, معلش اسمحلى يعنى, ممكن تخش على google و تدور على التقنية الحديثة فى نقل الأموال عبر الأثير و أنت تعرف احنا بنتكلم على ايه؟؟

و كمان طرق الشرا بالفيراموبايل .

و مجلس الوزرا كان مجتمع النهاردة, عشان عاوز شركات الموبايلات عندنا تتعاون مع شركة orange فى أوروبا عشان لو احتاجنا نحول من جنيه ليورو و كان عاوز يتعاون مع شركة roger فى أميركا الشمالية عشان لو احتاجنا نحول لدولار و كان عاوز يتعاون مع شركة موبايلى فى السعودية عشان لو العميل حب يشترى ريالات و لا تزال الاجتماعات قائمة و التعاون مستمر:s_thum1[1]: و ...................................

غطينى و صوتى يا أما .

اضافات جامدة جدا ههههههههههه

على فكرة خلى بالك اننا في قسم المقترحات المرورية كمان :d

**abdalah_hashem** · 11-03-2011 06:08 AM

طاب, و لو الموبايل اتسرق, شقى عمرى يضيع يعنى و لا ايه؟؟؟؟

ههههههههههههههههههههههههه هههه لا مانت هتطلع شريحة جديدة ;)

هى ممكن فيزا بس دة هيخلق مشكلة ان الفلوس دية كدة هتبقى ارقام على الفيزا مثلا والتعامل بين الناس من خلالهاوالفلوس الحقيقية هتتعامل بيها الدولة فى المشروعات
بس افرض الناس اللى ليها فلوس ارقام بقى نتيجة التعاملات تجار مثلا راحوا طلبوا الفلوس دية فلوس سايلة هيديوهلهم ازاى ؟؟؟؟؟

**abdalah_hashem** · 11-03-2011 06:13 AM

لا هو ممكن شهادات نشتريها الناس ومدتها 5 سنوات مثلا والناس تاخدها بفايد 1 % او 1.5 % ثابتة مش مركبة كنوع من التشجيع على شرائها
وتتعمل بفئات 100 جنية مثلا فى خلال الخمس سنين تكون الحكومة شغلت الفلوس ووالناس تروح تصرف الشهايد تانى والحكومة هتكون بنت الشركات وفى فترة تشغيلها

**hmadaapdo** · 13-03-2011 10:42 PM

مزايا هذه الطريقة:
1 - توحيد كل مدخرات الشعب الغير مستغلة و وضعها فى يد امينة لاستثمارها
2 - سد الطريق امام باقى البنوك الخاصة التى تستخدم الفلوس فى اعمال ربوية غير مشروعة
3 - العلم بسهولة بحسابات كل فرد و ماذا اشترى و ماذا باع وبكم و متى مما يفيد فى القضاء على النصب و السرقة و الفلوس اللى من تحت التربيظة
4 - السهولة و السرعة والشفافية لانتقال الاموال سواء من الحكومة الى الناس او العكس او بين الناس وبعضها

**ams** · 20-03-2011 11:38 AM

المشاركة الأصلية كتبت بواسطة hmadaapdo

مزايا هذه الطريقة:
1 - توحيد كل مدخرات الشعب الغير مستغلة و وضعها فى يد امينة لاستثمارها
2 - سد الطريق امام باقى البنوك الخاصة التى تستخدم الفلوس فى اعمال ربوية غير مشروعة
3 - العلم بسهولة بحسابات كل فرد و ماذا اشترى و ماذا باع وبكم و متى مما يفيد فى القضاء على النصب و السرقة و الفلوس اللى من تحت التربيظة
4 - السهولة و السرعة والشفافية لانتقال الاموال سواء من الحكومة الى الناس او العكس او بين الناس وبعضها

يا استاذ شكرا على الفكرة :)
بس يعنى هى متنفذة بطريقة تانية
و هى انك تحط فلوسك فى البنك و هو بيشغلها و بتاخد بطاقة بالخصم debit card تسحب بيها من الرصيد و تشترى بيها
فانا معاك اننا لو حد معاه فلوس يحطها عشان ترفع من الاقتصاد سواء فى البورصة كاستثمار طويل الاجل و بدون نظام الهامش او فى البنوك الحكومية
و ربنا يقدرنا و يقدرك على فعل الخير

**MASERATI** · 20-03-2011 03:41 PM

المشاركة الأصلية كتبت بواسطة ams

يا استاذ شكرا على الفكرة :)
بس يعنى هى متنفذة بطريقة تانية
و هى انك تحط فلوسك فى البنك و هو بيشغلها و بتاخد بطاقة بالخصم debit card تسحب بيها من الرصيد و تشترى بيها
فانا معاك اننا لو حد معاه فلوس يحطها عشان ترفع من الاقتصاد سواء فى البورصة كاستثمار طويل الاجل و بدون نظام الهامش او فى البنوك الحكومية
و ربنا يقدرنا و يقدرك على فعل الخير

السلام عليكم و رحمة الله و بركاته

فعلا الموضوع اللى لازم يتعمل فى مصر, هو موضوع الDebit card ده و يكون كل حاجة بتتعامل بيه فى الشراء و من أى محل و فى كل حاجة و كمان أن الناس اللى شغالة فى أى مكان فى الحكومة و بتروح تقبض من الخزنة بتاع المصلحة, ده لازم يتلغى و كل المرتبات تنزل على البنك و الناس تسحب اللى هى عايزاه بالكارت.

حتى, عشان البلطجية لما ييجوا يسرقوا حد, مايلاقوش معاه فلوس و ياخدوا مقلب.

**MOK3336** · 28-03-2011 01:39 PM

لا لا أحنا نحط فلوسنا في البنك المركزي و نمشيها نظام مقايضة
يعني أنت معاك بيض و أنا معايا عربية تاخد أنت العربية تروح بيها الشغل مقابل أنك تديني 5 بيض أفطر بيهم ؟؟؟
أنتم بتتكلموا في إية ...؟
مش لما البلد تقف علي رجيلها الأول و كل الناس تعرف تقرأ و تكتب و بعدها كل الناس تعرف يعني كمبيوتر و يعني إية الإنترنت و بعد ما كل الناس تعرف يعني إية إنترنت تعرف يعني إية تجارة إلكترونية ec و بعدها نشوف النظام ايلي انتم عايزين تعملون ده \
يا جماعة أحنا دولة متخلفة 100 سنة عن أى دوله متقدمة

الموضوع: فكرة اقتصادية رهيبة

LinkBack

أدوات الموضوع

عرض

-

-

-

-

-

المواضيع المتشابهه

بروتون ساجا .. لا شئ أكثر اقتصادية

........* تجميع عربية خاصة لاعضاء نايل موتور فكرة رهيبة........

فكرة رهيبة علشان غطاء العربية ما يتسرقش

سيارة قوية و اقتصادية

الكلمات الدلالية لهذا الموضوع

المفضلات

المفضلات

ضوابط المشاركة