الموضوع: عاوز مساعدة من اهل الخبرة في موضوعين

الموضوع الاول
عاوز اشتري لاب توب توشيبا رنج السعر من 3500 -5000 ومش عارف اشتري ايه بس عاوز واحد مش هلعب عليه جيمز بس عاوزه يشغل الاوفيس كويس و الفوتو شوب و البرامج التقيلة دي



الموضوع التاني
عاوز ابلغ عن حفرة فظييييييييييييييعة على طريق دمياط بور سعيد على الفردة اللي جاية من بورسعيد فيه كوبري صغير كده عنده يافطة مكتوب عليها دمياط 23 كيلو بعدها بمافيش 5 كيلو او 3 كيلو حفرتين في الاسفلت اكلت واحده منهم وانا راجع من القاهره العربية طارت من عالارض و نزلت انا قلت الاكسات اتقطمت و العربيه موتورها نط من مكانة و العربيه اتقسمت نصين
رحت و كشفت عليها عند العفشجي قاللي الحمد لله ربنا ستر الشكمان اخد خبطة من تحت بس ما اتكسرش
وبعد ما وصلت دمياط طفيت العربيه و جيت ادورها لقيت الانوار بتاعه التابلوه كلها ما بتنورش ولا الساعه شغاله ولا لمبه السقف ولا الاستوبات
ببص عالفيوزات لقيت معظم الفيوزات نطت من مكانها من شدة الخبطة
و رحت القاهرة تاني و كنت محرص وانا راجع المرادي لقيت عربيتين اخدو الحفرتين و راكنين على جنب و شكلهم اتدمروا
ابلغ مين ولا اشكي لمين لان بجد دول حفرتين موووووت الداخل مفقود و الخارج مولود