برضه التسقيف مارحش الحقونى يا ناس

**Shiref_mohamed** · 08-04-2008 03:23 PM

يا جماعة انا فتحت موضوع عن تسقيف الموتور بتاع اللانوس بتاعتي و كان اخونا حسام حسن قالى اروح لخالد قنديل الى في صقر قريش وخالد قالى الموبينة بايظة واشتريتهالو وجبتله كمان السيور كلها وركب وقالى اطلع جرب وبرضه لاقيت الموتور بيسقف
المفاجأة الكبرى ان كان في فيشتين كبار كده لاقيتهم في الحوض فا سألته عنهم قالى العربية ديه كانت اتوماتيك واتحولت مانول (حاجة تجنن) قلتله طيب من الأخر العربية مالها قالى انا دخلت عليها بالسكانر لاقيت عطل Vichkel Speed Sencor وقالى انه كل ما بيحاول يمسح العطل بيرجع تاني مع لمبة التشيك مش منورة وقالى ان المشكلة ديه من تحويل العربية منول وقالى لو ما ظبتتش تعاللي ادخل على الضفيرة بتاعت العربية وادور على السلك بتاع حساس السرعه لآن الكمبيوتر مش بيحس بسرعة العربية عشان كده الموتور بيسقف

طولت عليكو وتعبت بس عاوز حد فاهم كويس يقولى الكلام ده معناه ايه وكمان مستني رأي استاذ المنتدي استاذ محمد ممدوح وشكرا واسف على اللوكلوك

**MMamdouh** · 08-04-2008 04:00 PM

لو العربية كانت اوتوماتك يبقى حساس السرعة مختلف فى العربيتين و فى الغالب اللى غير شال الفتيس فقط و مغيرش الكونترول او الضفيرة

هى لانوس 1 مش كدة؟ لو كلام الميكانيكى صح يبقى العربية دى لازم تلافى فيها RPM و زجاج كهرباء و مراية كهرباء و سنتر الخ...

اصل اللانوس 1 الاوتوماتك منزلتش الا full option و الانوس 2 الاوتوماتك نادرة جدا جدا جدا فى مصر... اتاكد من الحاجات دى عشان نعرف كلام الراجل صح ولا لا

MMamdouh

**Shiref_mohamed** · 08-04-2008 04:06 PM

ايوه كمان هو قالى على حاجة غريبة قال ان ممكن الى غير مغيرش الكنترول ومشغل لمبة التشك لحسابه

**MMamdouh** · 08-04-2008 04:08 PM

العربية كانت فعلا اوتوماتك

اللى غير كان لازم يغير الضفيرة و الكونترول

معرفش الراجل بتاعك حيعرف يلاقي لها حل ولا لا

MMamdouh

**Shiref_mohamed** · 08-04-2008 04:09 PM

يادي المصيبة يعني اتضحك عليا

**Shiref_mohamed** · 08-04-2008 04:09 PM

والعربية هتفضل تسقف كده لحد ما الموتور يفوت

**MMamdouh** · 08-04-2008 04:11 PM

بص على اسواء اسواء الفروض حتغير الضفيرة و الكونترول و تدخل فيهم ضفيرتك و كونترولك

المشكلة ان حساس السرعة فى المانوال غير الاوتوماتك فا مش عارف ايه اللى ممكن يتعمل للمشكلة دى

MMamdouh