الموضوع: وجهة نظر غاضبة بخصوص الأوضاع الحالية

مع احترامي لوجهة نظر حضرتك لكن اختلف معاك في الاتي

المشاركة الأصلية كتبت بواسطة mahmoud saloum

مع اتفاقى مع الغالبية العظمى فى النقاط مع صاحب الموضوع لكن اختلف فقط فى امكانية تنفيذ كل ذلك فى وقت واحد للأسباب التالية:
1- حل واقصاء كل الفاسدين فى آن واحد يعنى اسقاط الدولة لأن الغالبية العظمى من مؤسسات الدولة يقودها فاسدين وعمل هذا التغير بدون مراحل سيؤدى الى انهيار مؤسسات الدولة لأنه سيؤدى الى فراغ ادارى بعد الفراغ السياسى
انا شايف ان ترك مثل هؤلاء الفاسدين في اماكنهم اشد ضررا من الاستقرار اللي هينتج عن تركهم .. وان كنت اشك في مثل هذ ا الاستقرار الشكلي
2- من سيحل محل الفاسدين فلا يوجد منظومة فى الدولة تقيم الكفاءات الصالحة من الكفاءات الفاسدة! يعنى ممكن مع السرعة نغير فاسد بفاسد.
منظومة تقييم الكفاءات الصالحه ماكانتش موجوده اصلا عشان تغيب .. وانا متأكد ان لكل منصب الكثير من البدلا ء الذين يتميزوا بالكفاءه و نظافة اليد
3- الوجوه القديمة... ليس كل من كان فى عهد الفساد فاسدا بدرجة كبيرة والا كنا كلنا فاسدين ولا يصلح احدنا لذلك لذلك فقرار شرف الابقاء على بعضهم هوا قرار حفظ بعض الكفاءات من ناحية وعدم وجود البديل الكفأ متفر حاليا من جهة أخرى
اكيد في من هوا كفء في بعض الامااكن ودول غالبا مش هتلاقي حد عايز يغيرهم .. وبالتالي تاريخهم هيشفعلهم
4- حالة الطوارئ لا يمكن رفعها فى الظرف الراهن مستحيل وده لمصلحتنا كشعب فى ظل البلطجة وعدم الأمان الحالى
5- أمن الدولة ... لازم نعرف اننا بنتعامل مع جهاز فى غاية الخطورة والعنف والدموية ولا يمكن حله باننا نضغط على زرار لأنهم سيحيلوا حياتنا الى جحيم دفاعا عن نفسهم ومكتسباتهم من الفساد.
ف رايي هما فعلا احالوها لجحيم وانا اميل لحله لانهم عمرهم ما هيتقبلوا فكرة انهم ما يبقالهمش نفس السطوه السابقه .. وبالتاي حلهم وتوزيعهم على الادارات يضمن ان مايبقاش في كيان يحميهم ويجمعهم
6- المحاكمات ... المشكلة انك علشان تقين محاكمة حقيقية لازم أدلة ادانة قوية على الاشخاص لأن أى محامى صغير ممكن يخرج أى متهم مادامت هناك ثغرات. لذلك اعتقد ان التأخير بسبب محاولة ايجاد ادلة دامغة لكل شخص متهم حتى لا يخرج بدفاع جيد من محامى مخضرم وعندها ستكون المشكلة أكبر

المشاركة الأصلية كتبت بواسطة tlrsiap

1- انك تطلب تغيير الدستور ويقلك نعدل بعض مواده يعنى تفضل الصلاحيات المطلقه لرئيس الجمهورية فى ذات الدستور ، وتفضل نفس المواد التى تعطى الحق للوزراء فى الدخول مجلسى الشعب والشورى ونقعد نلف وراء بعض...... من تانى ،ومن غير قانون محاسبة رئيس الجمهورية ولا قانون محاسبة الوزراء ،وتبص تلاقى تونس عملت جمعية تاسيسيه لاصدار دستور جديد


2- الثوره هى انك تطلب محاكمة مبارك يقلك طيب نجمد امواله يعنى نحقق وناخد وقتنا ونتحرى مره من جهاز الرقابة الادارية اللى كان بيتصنت على تليفونات المسئولين بدون رقابة القضاء ولصالح امن الدوله ،ومره من مباحث الاموال العامه اللى هيا اصلا من وزارة الداخليه ،ومره من جهاز الكسب غير المشروع، ومره من الجهاز المركزى للمحاسبات اللى ياما قال رئيسه المستشار جودت الملط فى فى الصحافه وفى جلسات مجلس الشعب انه فى فساد وفى استيلاء على الاموال العامه وتربح وانه فى تريليون جنيه مسروقين والتريليون الف مليار واللى برده ياما بعت تقارير للجهات الرقابيه ولرئاسة الجمهورية انه فى فساد وسرقه اموال عامه بالمليارات ولا حياة لمن تنادى وبرده نقعد نلف وندور حوالين نفسنا على ما الفلوس تهرب بره ،والاصول تتباع والفلوس تتحول من بنك لبنك ولحسابات سريه ،وابقى قابلنى لو طولت مليم منها



3- الثورة هى انك برده تطلب حل امن الدولة يقلك نهيكلها تانى يعنى تبقى موجوده برده وترجع تمارس نشاطها القديم بس باسم جديد واهو برده على ما الرجاله تعمل كده كام عمليه فتنه طائفيه جوه البلد وعلى برده مايخفوا معالم جرائمهم ويحرقوا اوراقهم ويفرموها ،وتلاقى برده امن الدولة اتحل فى تونس ويتوزع افراده على الادارات المختلفه زى ادارة المرور والمرافق والمخدرات ...الخ انما هنا يقلك هنوديهم فين يا سيدى يتوزعوا على ادارات الداخليه المختلفه لانهم اصلا بيتنقلوا كل سنه من اداره لادارة ،وبرده يقلك لاء مينفعش لانهم لهم دور عظيم داخل الدولة وهو انهم كانوا برده شغالين حتى قبل رحيل رئيس الوزراء احمد شفيق بيوم واحد وكانوا موجودين فى الميدان وبيكتبوا التقارير وبيعتقلوا الناس وميه ميه ،طيب المخابرات العامه والمخابرات الحربية والامن القومى مش ممكن يادوا نفس الدوروهما هيئات لاغبار عليها ؟؟؟؟؟؟؟؟؟؟؟؟ يقلك لاء لازم امن الدولة ...........وهيا دى الثوره !!!!!!!!!!!!!!!!



4- الثوره هيا انك تطلب حكومه جديده يقلك طيب يفضل سيد مشعل وحسن يونس وفايزه ابو النجا وماجد جروج وهما من الوجوه القديمه اللى عينهم مبارك،واللى ممتهنيين لسياسته الحكيمه وتتلمذوا على يديه ،وهيا دى الثوره


5- الثوره انك تطلب تشيل المحافظين يقلك بعدين على ما كل واحد يظبط اوراقه ،وارواق المحافظه ومستنداته ومايسبش حاجه وراه ...وهيا دى الثوره



6- الثوره انك تطلب حل المجالس الشعبية المحلية اللى تتكون من 52000 (اثنان وخمسون الف عضو ) من اعضاء الحزب الوطنى على مستوى الجمهوريه يقلك بعدين على مايقوموا يعملوا كام عمليه فتنه طائفيه مع امن الدولة ، وعلى ما يجيبوا بلطجيه يروعوا الامنيين ويعملوا فوضى جوه البلد ويضربوا المعتصمين اللى هما اصلا اباء وامهات الشهداء فى الثوره ،اللى مصممين انهم ميسبوش الميدان غير لما يتحاكم قتله ابنائهم ....وهيا دى الثوره


7- الثوره هيا انك تطلب محاكمة صفوت الشريف وفتحى سرور وزكريا عزمى يقلك هنعمل تحريات على ما الناس بس تهرب الاموال والثروات وتخطط الخطط وتعمل المؤامرات ويجيبوا البلطجيه للفتنه الطائفيه برده وينفذوا الثوره المضاده ، وهيا دى الثورة


8- الثوره ان تطلب حل الحزب الوطنى ومنع قياداته من العمل السياسى ،تلاقى الحزب زى ماهو ويعمل حزب باسم جديد ويركب موجه الثورة ،وتلاقى الحزب الحاكم اتحل فى تونس واتمنع قياداته من ممارسه اى نشاط سياسى ....وهيا دى الثوره


9- الثوره ان تطلب الغاء حالة الطورىء يقلك لاء على الرغم من وجود المحكمه العسكريه التى تصدر احكاما ضد البلطجيه غايه فى الردع واشد من قانون الطوارىء .....وتلغى حالة الطوارىء فى الجزائر ولاتلغى فى مصر وهيا دى الثوره


10-الثورة انك تطلب اقالة رؤساء الجامعات....اللى هما قتلوا الانشطه الطلابية وزورو انتخابات اتحاد الطلاب ونكلوا باساتذه الجامعات اشد تنكيل يقلك لاء طبعا على ما الرجاله يخبوا الملفات ويظبطوا الحسابات بتاعتهم ويحرقوا الاوراق اللى فى مقرات الحرس الجامعى ...وهيا دى الثوره



11-الثوره ان تطلب محاكمة المتسببين فى جريمة قتل الثوار يقلك هنعمل لجنة تقصى حقائق طبعا على مالناس تجهز الاسماء اللى هتتعمل كبش فداء وطبعا على ما بعض الرجاله تهرب بره ....وتيجى لجنه تقصى الحقائق تقلك نجد صعوبه فى معرفة السياره التى دهست المتظاهرين ........ على الرغم من ان وزير الداخليه قال ان اطلاق النار على المتظاهرين لايمكن ان يتم الا باوامر من الرئيس لانه الرئيس الاعلى للشرطه .....وسبحان الله تلاقى تونس طلبت من السعوديه تسليمها بن على لمحاكمته عن جريمة اصدار اوامر باطلاق النار على المتظاهرين ،وتلاقى وزير داخلية تونس تم حبسه والتحقيق معاه عن جريمة ضرب المتظا هرين بالرصاص الحى ....وانتا هنا تبص حواليك ولا تلاقى حاجه .......وهيا دى الثورة


منقول , و انا متفق معاه تماما

متفق مع كل حرف .......


أساساً التباطؤ في تنفيذ مطالب الثورة ...... هي السبب في كل إلي احنا فيه دة


لو من أول يوم بعد التنحي ...... تم تحديد إقامة صفوت و سرور و عزمي ....... مكنش الموضوع فلت بالشكل دة


لو من أول يوم بعد التنحي ...... تم معاقبة ظباط الشرطة إلي قتلو المتظاهرين ...... كان زمان الناس هدت و تقبلت الشرطة بسهولة


لو من أول يوم بعد التنحي ...... تم التحفظ بشكل سريع و فجائي على قيادات أمن الدولة و مقراتهم ....... مكنتش الوثائق دي كلها إتفرمت و الحقيقة بنات


لو من أول يوم بعد التنحي ...... تم إقالة حكومة شفيق ........ ماكنش تم التستر على كل البلاوي إلي في البلد


أنا أسف اني أقول ........ الجيش بطييئ جداً ...... و كفاية مش عايز أقول أكتر من كدة

حال البلد ولا يسر عدو ولا حبيب


و احنا مصرين نعالج المشكلة من الديل ..... و سايبين الراس


مستنيين المصيبة تحصل بعد كدة نتحرك ..... مش فاهم ليه مش بنعمل أي preventive action



حاجة تنرفز