اختراعى الجديد للتحكم فى سرعة جميع المركبات

**king2islam** · 11-03-2011 02:34 AM

[OVERLINE]

السلام عليكم ورحمة الله وبركاته

[/OVERLINE][OVERLINE][/OVERLINE]
شباب انا حابب اخد رئيكم فى اختراعى الجديد هو عبارة عن جهاز بسيط بيقوم بعمل تثبيت لسرعة اى مركبة على حسب سرعة الطريق التى تسير عليه بمعنى بسيط لو اننا معانا عربيه ملاكى وماشين على الطريق الدائى فأن السرعة لن تزيد عن 90 كم

الوصف العام :
هو جهاز للتحكم فى سرعة السيارات حتى تسير على السرعه القانونيه بدون الزياده عنها وبهذا يمكننا تقليل حوادث السرعه وايضا يمكننا من خلال هذا النظام تحديد اماكن السيارات فى كافة الدوله المستخدمه له ببساطه سوف تصبح جميع السيارات متصله بشبكه واحده فى ادارة المرور العامه وبهذا تستطيع ادارة المرور تحديد مكان اى سياره تمت سرقتها ولم يستدل عليها ولكن مع هذا النظام سوف يتم تحديد اماكنها ببساطه

والاكثر من هذا انه بعد تركيب هذا التصميم فى السيارات سوف تقل حوادث سرقة السيارات لانه سوف يتحكم فى مقدار حقن الوقود فى السياره حتى يتم فتح السياره بواسطة الريموت كنترول وهذا سوف يعطى امر لهذا الجهاز انه تم فتح السياره بصوره شرعيه بعد هذا سوف تعود دواسة الوقود الى العمل بصوره طبيعيه جدا ما اود ان اقوله ان هذا الجهاز سوف ينفع فى اكثر من مجال فى مجال السلامه المروريه وايضا فى مجال الحمايه ضدد السرقه وايضا فى المساعده فى تحديد اماكن السيارات المسروقه لتضيق نقاط البحث لدى رجال الامن والتنبأ بحالات الازدحام مما يساعد فى خفض

حالات الزحام لانه سوف ينبه ادارة المرور انها هناك اشتباه فى حالة زحام فى منطقه ما وبهذا سوف يتم توجيه بعض من رجال المرور لتنظيم هذا الزحام وبالطبع انه فى حالة وقوع حوادث فأنه ايضا سوف ينبه ادارة المرور وجميع المركبات على هذا الطريق ان هناك حالة طوارئ بهذا يصبح جميع قائدى المركبات على هذا الطريق على علم بأن هناك حالة طوارئ فبالتالى يتم اتخاذ الحذر فى القياده واعطاء مجال لسيارات الطوارئ بالمرور بسلاسه اكبر .

وايضا يتم التحكم به عن طريقين :
1) شبكات الجوال او شكبة الاسلكى التى تقوم بتغطية جميع انحاء الدوله المستخدمه له وهذا ما يقوم به اخصائين اللاسلكى لضبط الجهاز .

2) عن طريق الطرق التى تقود عليها السيارة اى ببساطة ان السياره سوف تأخذ السرعه من الطريق التى تتحرك عليه وبهذا يصبح هناك نقطة اتصال بين الجهاز والطريق .

ودى بعض المميزات والفوائد منه :

1) تنظيم السرعه الخاصه بكافة المركبات طبقا للسرعه القانونيه .

2) التنبؤ بحالات الازدحام فى الطرق المختلفه فى جميع انحاء الدوله المستخدمه له .
3) ايقاف السياره اليا فى حالة السرقه .

4) تتبع كافة المركبات فى حالات السرقه لتضيق نطاق البحث عن السياره لدى رجال الامن .

5) انخفاض تكاليف التى تنفق على الحوادث هذا بالنسبه لمالك المركبه او بالنسبه للدوله التى تنفق كثيرا فى تكاليف التلفيات جراء الحوادث المختلفه .

6) تنبه السيارات بحالات الطورئ المختلفه على الطريق .
وللعلم سعره لن يتعدى 500 جنيه مصرى

محتاج رئيكم الكريم يا جماعه لانى فعلا محتاج اليه

**Nistelrooy** · 11-03-2011 03:40 AM

الاختراع ده جربتة فعلا وكل حاجة اشتغلت تمام .. ده عبارة عن كوليكشن هايل من مثبت سرعة الي جي بي اس مرورا بخاصية التتبع وحاجات تانية ..

اعتقد لو الاختراع ده شغال وكفء لا يقل عن 3000 جنية ؟

بس اعتقد العملية مش بالسهولة دي انك تربطة بالمرور و تعرف الشوارع الزحمة مش من الي زحمة دي عملية كبيرة وبتعملها شركات كبيرة مع بعض مش شركة واحدة .. فما بالك انت فرد ؟

ع العموم ربنا يوفقك وعايزيين نشوف حاجة عملي ..

**khalid_adel** · 11-03-2011 05:00 AM

ربنا يوفقك لو كان ده حقيقي لاني حاسس انه حلم بس حلم جميل كلنا نتمناه ويارب يتحقق

**amrelsaqqa** · 11-03-2011 11:57 AM

انا مش فاهم حاجة ، انت عملته ولا بتفكر فيه ولا لقيته ولا ايه ؟

انا مهتم جدا لأن مشروع تخرجى حاجة زي كدة بالظبط وعايز اعرف تفاصيل ممكن تفيدنى

**king2islam** · 11-03-2011 05:46 PM

السلام عليكم
شكرا للردود
الحمد الله انا فعلا صممته ومش خدته من اى حد ربنا يعلم انى عملت المستحيل على شان اوصل للفكره والتصميم استاذ Nistelrooy الفكره بالبربط دى سهله هتكون عن طريق الانترنت اما التكلفه فدى فعلا من اسباب اهتمامى ان الاختراع ميكونشى غالى على الافراد اما بالنسبه لاخ khalid_adel الفكره حقيقه 100% وانا لو كنت تميت تسجيله فى البراءة الاختراع كنت اضفت صور والفيديو عن طريقة العمل اما بالنسبه لاخ abodi55 انا فعلا المصمم لاختراع ده ومش شوفته قبل كده فى اى مكان بالرغم انى متابع بشده قناة ناشونال والطبيعى لو انى شوفته مكنتش صممته لانه اساسا موجود تانى حاجه انا بأستخدم فى تحديد المواقع شبكة الموبايل مش جى بى اس لانها اولا ممنوعه فى مصر ثانيا مش بتحدد الاماكن 100% لانى جربتها فى موبايلى n95 وحددت مكانى فى المحافظه الى جانى يعنى مش دقيقه كمان اختراعى ده مضاد للحراره والحرائق ويتحمل التبريد الفائق الى 540 درجه مئويه تحت الصفر كمان انا لما بربط المرور بالانترنت بيكونشى ربط كامل ده جزئى وبيكون بشبكة الموبايل او بالتحديد الخوادم الرئيسيه فى شبكة الموبيل كأن المرور زى شركة الموبيل عنده نظام تحكم بكده انا مش محتاج بنيه تحتيه لانها اساسا متوافره

اما بالنسبه لاخ amrelsaqqa انا انتهيت من 2 شهر من الاختراع وهو كا العاده فى الدرج مش بيعمل حاجه

**amrelsaqqa** · 11-03-2011 05:58 PM

ياريت تفاصيل اكتر من الناحية الفنية
يعنى حضرتك مهندس وليك في البرمجة وكدة ولا ايه ؟
وايه الحاجات اللى انت استخدمتها بالظبط
هل تعاملت مع embedded systems مثلا ؟
وازاى ربطت الجهاز بالسيارة بحيث يتحكم في كمية البنزين
هل يعمل فقط على السيارات الانجكشن ولا ممكن يركب على العربيات الكربراتير ؟

**king2islam** · 11-03-2011 06:40 PM

شكرا لردك انا لست مهندس ولكن لى بعض التجارب الهندسية فى الرسومات الهندسية انا جهازى بيتعامل مع النظام البث عن بعد مثلا زى الرموت انا لحد اخر لحظه كنت بشغل الجهاز بتاعى ده عن طريق ريموت مثل ريموت التلفزيون كمان انا اختراعى ده مش بيركب على نوع معين من السيارات يعنى مش نوع معين الى هيشتغل عليه كل الانواع يعنى بأختصار ممكن يركب على التوكتوك هههههه

**king2islam** · 11-03-2011 06:45 PM

المشاركة الأصلية كتبت بواسطة amrelsaqqa

هل تعاملت مع embedded systems مثلا ؟

انا لاسف لم اتعامل معه ولكنى استعنت بدائرة جهازه

**Frozen_Pain** · 11-03-2011 07:30 PM

والله ربنا يوفقك ويكرمك ،، وان شاء الله مصر تشوف منك كل حاجة جديدة،، ولو عندك افكر يتهيالى ممكن تراسل شركات السيارات ويكون ليك مستقبل

ربنا يوفقك للخير دايما يارب