| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 4 من 4

الموضوع: همّا أول ناس

  1. #1

    الصورة الرمزية Osama_I

    رقم العضوية : 35033

    تاريخ التسجيل : 09Mar2009

    المشاركات : 604

    النوع : ذكر

    الاقامة : Dahab

    السيارة: ربنا يكرم

    السيارة[2]: Nissan Sunny

    دراجة بخارية: لا يوجد

    الحالة : Osama_I غير متواجد حالياً

    افتراضي همّا أول ناس - Facebook Twitter whatsapp انشر الموضوع فى :

    hasad">

    إتصدمت في كثير من أصحابي - للأسف - كلهم كانوا بيهاجموا الثورة من الأوّل ،لو عايز تعرفهم صفاتهم، خد عندك: همّا اللي كانوا ومازالوا بيشتموا الناس اللي في التحرير.. همّا اللي تعاطفوا مع مبارك بعد خطابه التاني.. همّا اللي كانوا بيقولوا روّحوا بيوتكوا بقى أه...و جاب نائب رئيس وغيّر الوزارة.. همّا اللي كانوا مش قادرين يستحملوا إنهم مايروحوش سيتي ستارز أو سانجريا أو الإستاد لظروف أكبر ثورة في تاريخنا وطالعين يجعجعوا في كل حتّه إننا نقعد في بيوتنا بقى علشان نفسهم أيام زمان ترجع (يا رب ما ترجع).. همّا اللي بيقولوا حرام نعمل في راجل كبير كده ومش واخدين بالهم إن عيب على الراجل الكبير إنه يعمل كده.. همّا اللي بيقولوا إحنا آسفين يا ريّس.. همّا اللي مش واخدين بالهم إن الناس اللي في التحرير هيّا اللي جابتلهم حقهم المسروق من سنين وهمّا قاعدين مفخّدين في بيوتهم.. همّا اللي أكيد مانزلوش في ولا مظاهره ولا إضربوا ولا بلطجية الأمن المركزي أو الحزب الوثني جريوا وراهم ولا إضّرب فيهم قنابل الغاز المسيله للدموع المنتهية الصلاحية لحد ما عينهم إتحرقت وصدرهم ولّع ولا حتى هتفوا ضد النظام لحد ما صوتهم راح.. همّا اللي آخرهم نزلوا اللجنة الشعبية اللي تحت بيتهم وده خلّاهم يكرهوا الثورة أكتر إنهم نازلين في عز البرد كده وماشافوش حتّى المميزات الحلوه اللي كل المصريين شافوها من ورا اللجان دي (ده لو كانوا نزلوا أصلاً).. همّا اللي زعلانين إن الدوري واقف واحتمال يتلغي (كورة إيه وزفت إيه).. همّا اللي بيحملونا ذنب البلطجة في الشوارع مع إنهم عارفين مين اللي ورا البلطجية دول ومين اللي ورا الطابور الخامس اللي ضارب في البلد كلها.. همّا اللي كانوا عايزين شفيق يفضل وفاكرين نفسهم أغلبية وعايزينه دلوقتي يعمل حزب ويرشّح نفسه رئيس جمهورية وراحولوا بيته وشالوه على كتافهم (وطبعاً هو الإختيار الأمثل لأمريكا وإسرائيل).. همّا اللي بيقولوا إن عصام شرف زيّه زي شفيق الإثنين من حكومات مبارك وعمرهم ما هايشوفوا الفرق بين الإثنين علشان مش عايزين يشوفوا.. همّا اللي أوّل ما بيحصل تغيير من اللي الثوره بتتطالب بيه، يفضلوا يتريقوا على المطالب الجديدة و….. اللي بعده، وإن مافيش حاجة بتملى عين الثوار، وهمّا مش واخدين بالهم إن المطالب دي ليهم قبل ما تبقى لثوار التحرير.. همّا مفهّمين الناس ومفهّمين نفسهم إن ثوار التحرير بيطالبوا بالتغيير علشان أسباب شخصية مش علشان البلد (كأن شفيق ده مثلاً جوز أمهم).. همّا اللي سابوا الكلام اللي بيقوله علاء الأسواني ومسكوا في الإسلوب العصبي (أو حتى قليل الأدب) وسابوا الأي كلام اللي بيقوله شفيق وإنه ماردّش على ولا حاجة وعجبكوا الإسلوب المؤدب (لو على الأدب، أبو تريكة يبقى رئيس الجمهورية).. همّا اللي بيدافعوا عن أمن الدولة أو على الأقل مش مستغربين أو مستنكرين كلام الناس اللي بيدافعوا عن أمن الدولة.. همّا اللي مش بيقروا في السياسة أو في التاريخ ومش عارفين إن بعد أي ثورة ناجحة في العالم، لازم يحصل أزمة أمنية واقتصادية وسياسية ومدة استمرارها على حسب قوة البلد ومدى تكاتف الشعب، ولا إنتوا عايزن ثمن الحرية ببلاش؟؟؟ همّا اللي فعلاً مش بيفهموا في السياسة ومش باصّين لقدّام وعاملين نفسهم فاهمين كل حاجة.. همّا اللي هايندموا بعد كده على سلبيتهم دي بس برضه هايكابروا أو هايقولوا إحنا كنا مع الثورة من الأول.. وهمّا أول ناس - للأسف - هاتستفيد من الثورة دي بعد كده وبكره نشوف.. همّا عارفين نفسهم كويس واللي يزعل يزعل..
    By: Ahmed Hussein

    منقول


  2. #2

    الصورة الرمزية mahmoudysf

    رقم العضوية : 34626

    تاريخ التسجيل : 05Mar2009

    المشاركات : 4,339

    النوع : ذكر

    الاقامة : om eldonia

    السيارة: Octavia A4 2002

    السيارة[2]: Daewoo Nubira 1 1997

    دراجة بخارية: NOT YET

    الحالة : mahmoudysf غير متواجد حالياً

    افتراضي -

    فعلا قابلت كتيرمن النوعية دي واغلبهم معايا في الشغل

    في الماضي كان الخطر الكبير الذي يواجه المصريين النظام الفاسد
    الان الخطر الاكبر الذي يواجه مصر والمصريين هو الجهل


  3. #3

    الصورة الرمزية Osama_I

    رقم العضوية : 35033

    تاريخ التسجيل : 09Mar2009

    المشاركات : 604

    النوع : ذكر

    الاقامة : Dahab

    السيارة: ربنا يكرم

    السيارة[2]: Nissan Sunny

    دراجة بخارية: لا يوجد

    الحالة : Osama_I غير متواجد حالياً

    افتراضي -

    اقتباس المشاركة الأصلية كتبت بواسطة mahmoudysf مشاهدة المشاركة
    فعلا قابلت كتيرمن النوعية دي واغلبهم معايا في الشغل
    عندى فى الشغل احساس عام ان الثورة و ملاينها ولاد عمى....


  4. #4

    الصورة الرمزية om mohammed

    رقم العضوية : 11250

    تاريخ التسجيل : 22May2008

    المشاركات : 153

    النوع : انثى

    الاقامة : الجيزة

    السيارة: لا يوجد

    السيارة[2]: Fiat Uno 93

    دراجة بخارية: no

    الحالة : om mohammed غير متواجد حالياً

    افتراضي -

    hasad">

    بكرة هيفهموا

    ولو مفهموش عشان مكسلين

    ولادهم هيفهموا

    يا مقلب القلوب ثبت قلبى على دينك
    veva سابقا



 

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2