| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 3 من 3

  1. #1

    الصورة الرمزية Xander2010_Evo

    رقم العضوية : 34133

    تاريخ التسجيل : 27Feb2009

    المشاركات : 756

    النوع : ذكر

    الاقامة : Suez

    السيارة: I Dont Have Another One :))

    السيارة[2]: Lancer 2007 1600cc MT

    دراجة بخارية: I Dunt Have One :D

    الحالة : Xander2010_Evo غير متواجد حالياً

    افتراضي مش كفايه ولادنا الي مش عارفين يروحوا مدارس - Facebook Twitter whatsapp انشر الموضوع فى :

    hasad">


    انا كنت اول واحد ضد الثوره..

    كنت اول واحد يتريق علي الي نازلين يوم خمسه وعشرين

    كنت اول واحد يكتب مقاله ..ويقول للناس متنزلوش يوم خمسه وعشرين

    وقلت دول حيالله جماعه من علي النت ومتجمعين..والجيش مش معانا..والبس كوتشي عشان تعرف تجري..

    --------------

    لما الريس عين النائب عمر سليمان..واقال الحكومه......كنت بقول بيني وبين نفسي وفي بيتنا كده...طب نديهم فرصه...ليه لا !!

    ---------------

    لما شفيق مسك الوزاره..قولت بس ..الراجل محترم وبيلبس بلوفر..ادوله فرصه يا جماعه..ليه لا !!

    --------------

    لما قالوا ان الريس يقعد لغايه اخر مدته.....عشان الفوضي والفراغ السياسي...قولت يبقي احنا كده هنضيع..خليك يا ريس..اخترناك اخترناك..استحملناك استحملناك

    --------------

    لما حصلت موقعه الجمل في الميدان..قولت بس !!..حرب اهليه وكنتاكي واخوان..ضعتي يا مصر ..كفايه مظاهرات

    --------------

    لما الريس اتنحي...قولت ينهار اسود..بس خلاص احنا هنحتل وجميع القوى الخارجيه بكل مخابراتها بجيوشها هيحتلونا

    --------------

    لما فضل شفيق ماسك الوزاره....قولت الراجل لسه لابس البلوفر وادوله فرصه واهو الريس اتنحي

    ولكن ..قعدت اراجع نفسي...وكتبت مقاله الريس راجع بعد بكره...واستكشفت كام نقطه..عايزك تخلي باك وتركز كويس معايا :


    1 – فاكر انا وانت لما كنا ضد الثوره من الاول...قولنا عشان وضعنا وجيشنا...والبلاد كلها هتحتلنا..والثوره اتعملت..وانا اشعر بكميه عار وخيبه امل فظيعه اني مشاركتش في اولها..ولما ادركت الحقيقه ونزلت التحرير..لقيته اخد روح الكرنفال...........وادينا دلوقتي بنرفع راسنا بمجرد الشعور اننا مصريين

    2 – فاكر لما قولت خلي الريس ياخد الست شهور بتوعه...وبالمناسبه لما ادركت ليه ميقعدش الست شهور بتوعه نزلت التحرير.....خوفا من الفراغ السياسي والدستور ومش الدستور ...وعطلنا العمل بالدستور تماما بحنكه الجيش المصري

    3 – فاكر لما قلت خلي شفيق...شفيق يا راجل..والراجل لابس بلوفر حلو جميل خالص..وحكومته لزيزه..وده عمل بلاوي في شركه الطيران..- مع العلم انها من ضمن اسوأ عشر شركات طيران في العالم - ..واديله فرصته
    ولما مشي شفيق..قيادات ومراكز امن الدوله.....وزاره التعزيب اتحلت وحرقت وعملت وسوت


    4 – فاكر الناس الكتير..الي كل همها ولادنا ومدارسهم..وشغلنا ومش عارفين ناكل ومش عارفين نعيش

    مش هقعد اقولك في الكلام الي بتسمعه كتير والي واخد طبع الافلام وان الحريه ومش الحريه وولادنا هيعيشوا كويسين والديمقراطيه وكده

    ولكن انا هقولك كلام موضوعي وركز فيه كويس :

    لو ادركت ان الناس الي مش عارفه تروح مدارسها..كانت بتروح مدارسها عشان تتعلم في ابتدائي ان احمد بيزرع شجره...واقعد احفظ ان احمد بيزرع شجره..وخش ازرعها في الامتحان

    وادركت في اعدادي وثانوي..انك تحفظ اتنين واربعين معادله كيميا في الدرس الاولاني عشان ترصهم في الامتحان ..هتقولي انا ادبي !!..اقولك لما علي بك الكبير ...قتل علي بك الصغير عشان علي بك الوسطاني كان مش موجود...ولازم تحفظ ده عشان ترصه في الامتحان..استفدت ايه انت متعرفش بس هو كده

    وادركت ان الجامعات..دراسات وابحاث بتتعمل ورق طعميه للمطعم بتاع الجامعه ..وان مفيش جامعه عندنا من احسن خمسميه جامعه في العالم

    وزعلان ان ولادك مش عارفين يروحوا مدارسهم..- لعلمك..الطفل الصيني وهو عنده تلت اربع سنين...بيصنع التكنولوجيا الي بيلعب بيها طفلك في موبايله وهو رايح المدرسه الصبح عشان المشوار طويل -


    -------------------

    لقمه العيش الي انت زعلان عليها ..الي كنت بتجيب بيها الطعميه الي ملفوف فيها ورق الابحاث بتاع الجامعات..وبتستلف من هنا ومن هنا...عشان تكمل كام قسط عندك في البيت...وزعلان علي لقمه العيش


    ----------------

    شعورك كمصري...كلامك في السياسه...محو شخصيتك تماما..المهم تفكر ف اكل عيشك ..وفي التعليم بتاع ولادك وبتاعك...شعورك ان مش عارف تشارك في مين يحكمك...مكانش مضايقك فوق الاربعين خمسين سنه..


    سبب كتابتي لهذا المقال..ان لقيت ناس معترضه ان في ناس معترضه علي التعديلات في الدستور ...

    قايلين فيما معناه : عاجبكم الحال...يعني هو كده احنا في حاله فوضي...انت مش شايف البلد عامله ازاي !!!


    سبب اخر ..كنت ماشي في الشارع واتوزع عليا منشور..لوقفه سلميه تؤيد الجيش..ومكتوب تحت بالخط الغلبان..."وكفايه بقي ولادنا الي مش عارفين يروحوا مدارسهم وكفايه مش عارفين نروح شغلنا"

    هذا هو ما زرعه النظام السابق..فكر في نفسك وفي اكل عيشك .."وربي عيالك"...بلد ايه يا راجل

    " وهو انا هقعد افر في كل حاجه في البلد.....يا راجل ...كبر مخك امال !! "

    ولما كنت تتكلم عن الحريه يقولك.." حريه ايه يا جدع..مانت بتاكل وبتشرب وبتنام ..عايز حريه اكتر من كده ايه "


    الهدف وخلاصه الكلام :

    لو في تعديل دستوري مش عاجبك....حكومه مش عجباك......بواب عمارتكوا مش عاجبكوا....

    متخافش من الاوهام الي بتتزرعلك....متخافش من الفوضي وحاله الاحتلال الي هتهج علينا لمجرد ان احنا معندناش دستور او لسه بنعدل فيه ..

    السياسه الكبري للنظام الفاسد : خوفوهم عشان يعرفوا هما ليه محتاجنلنا !!


    واظن كفايه كده.....مش كفايه ولادنا الي مش عارفين يروحوا مدارس !!!

    هشام عفيفي
    11 – مارس – 2011

    قبل الصلاه..


    منقول

    [img2]http://img41.imageshack.us/img41/9418/24864610150199419543647.jpg[/img2]
    ك/مصطفي نور


  2. #2

    الصورة الرمزية om mohammed

    رقم العضوية : 11250

    تاريخ التسجيل : 22May2008

    المشاركات : 153

    النوع : انثى

    الاقامة : الجيزة

    السيارة: لا يوجد

    السيارة[2]: Fiat Uno 93

    دراجة بخارية: no

    الحالة : om mohammed غير متواجد حالياً

    افتراضي -

    جزاك الله خيرا على النقل الرائع

    وبجد نفسى الناس تفكر فى البلد مش فى نفسها بس (هتفرق كتيييييييير) فى الأيام الجاية

    فى نفس الوقت مش قادرة ألومهم لأن اللى شوفناة وإتعودنا علية فى 30 سنة مش شوية

    محتاج وقت عشان ننفض التراب اللى على عنينا وعقلنا ( هما مجرد شوية تراب )

    وهنبقى زى الفل إن شاء الله

    يا مقلب القلوب ثبت قلبى على دينك
    veva سابقا


  3. #3

    الصورة الرمزية khpopo

    رقم العضوية : 13668

    تاريخ التسجيل : 26Jun2008

    المشاركات : 2,676

    النوع : ذكر

    الاقامة : ِCairo

    السيارة: SPARK 2008 BLACK

    السيارة[2]: 1st GEN.2 owner in Egypt

    دراجة بخارية: لايوجد

    الحالة : khpopo غير متواجد حالياً

    افتراضي -

    hasad">

    سبحانك اللهم وبحمدك ، أشهد أن لا إله إلا أنت أستغفرك وأتوب إليك

    سبحان الذى سخر لنا هذا وماكنا له مقرنين وانا الى ربنا لمنقلبون

    KH.Hamdy

    هتلر
    كنت قادرا على ابادة يهود العالم ولكني تركت بعضهم لتعرفوا لماذا أبدتهم



 

المواضيع المتشابهه

  1. مش عارفين نصدق مين
    بواسطة ayman2 في المنتدى المنتــــــدى العـــــــــــام للسيــارات
    مشاركات: 5
    آخر مشاركة: 26-11-2012, 08:28 PM
  2. الى ا هالي الشيخ زايد و اكتوبر خصوصا اللي عايزين يروحوا جيم زيي خصوصا جولدز جيم
    بواسطة cheetos_892005 في المنتدى المنتــــــدى الاجتمــاعى
    مشاركات: 12
    آخر مشاركة: 12-03-2012, 05:36 PM
  3. مرضى السكر يروحوا لطبيب باطنة ام غدد ؟؟؟
    بواسطة Lion_Heart في المنتدى عيــادة نايـل مـوتـورز
    مشاركات: 7
    آخر مشاركة: 25-08-2011, 09:38 AM
  4. همه ليه عمالين يناشدوا الجماهير عشان يروحوا ماتش مصر و زامبيا؟
    بواسطة OlaOsman في المنتدى المنتــــــدى الاجتمــاعى
    مشاركات: 38
    آخر مشاركة: 30-03-2009, 11:05 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2