اعادة انتشار الشرطة بالشارع المصري ... مشاهدات وتجارب

**M.Mostafa80** · 11-03-2011 08:32 PM

منصور العيسوى امر بتشكيل فرق من الأمن المركزى بالأنتشار على الطرق السريعه والمحور والدائرى
وفى منطقه الدقى موجودين بكسافه وانا طالع من جراج المكتب عند نفق الشيراتون عميد وقفلى الشارع لحد ما اخرج رفعتلو ايدي حيته هو والناس اللى وقفتلى
بجد التحضر حلو وجميل ربنا يدمها علينا نعمه

**MaZaGAngeE** · 11-03-2011 08:47 PM

المشاركة الأصلية كتبت بواسطة funnymickey

عارفين انا حصدق ان الشرطه رجعت امتي

اما واحد يعمل موضوع يقول حسبي الله ونعم الوكيل رخصتي اتسحبت
ههههههههههههههههه

يا راجل حرام عليك

لو ده حصل يبقى الثورة و لا كانها حصلت من أساسه

**M.Mostafa80** · 11-03-2011 09:02 PM

المشاركة الأصلية كتبت بواسطة mazagangee

يا راجل حرام عليك

لو ده حصل يبقى الثورة و لا كانها حصلت من أساسه

مش شرط كل من حسبن يكون مظلوم وانت سيد العارفين يعنى مثلا سواقين الميكروباص البعض منهم عايز اعدام فى ميدان عام

**cameeron** · 11-03-2011 10:13 PM

المشاركة الأصلية كتبت بواسطة mazagangee

يا راجل حرام عليك

لو ده حصل يبقى الثورة و لا كانها حصلت من أساسه

ينهار ابيض ليه هو انت فاكر ان ثقورة معناها مفيش رخص هتتسحب و كل واحد يمشى بمزاجه لا احنا عاوزين تتسحب رخصنا بس لما نغلط

**besso** · 11-03-2011 10:36 PM

يوم الخميس فى المظلات الكمين اللى هناك كان موجود بس مكانش بيفتش مع ان الكمين ده كان مبيبطلش تفتيش ليل ونهار

وكمان كان فيه عربيه شرطه واقفه على اول كوبرى المظلات وكانت بتنظم المرور مع انهم عمرهم معملوها
وكمان فيه نقطه قريبه كانت شغاله

والحمد والشكر لله
وربنا يزيد ويبارك

**hossaam** · 11-03-2011 11:37 PM

الوضع في اسكندرية لم يتغير منذ كام يوم
وهو تواجد بعض عساكر وامناء لتنظيم المرور على الكورنيش
وبعض اماكن في شارع ابوقير..
ما تعرفلهمش ميعاد...ييجوا ويمشوا براحتهم
غير كده لا جديد

المشاركة الأصلية كتبت بواسطة amr mokhtar

نفسى أشوف عربيات دوريات زى اللى بنشوفها فى الأفلام الأمريكانى .. مش عارف الحلم ده هيتحقق و لا هيفضل حلم

والله دي من العجائب والغرائب اللي بتتميز بها مصر على مستوى دول العالم جميعا...من غير مبالغة
انا ازعم ان مصر هي البلد الوحيد في العالم سواء عالم اول او عالم تالت اللي مافيهاش دوريات سيارات
او دراجات نجده في الشوارع..!!!! وابسط مثال على ذلك انني شخصيا لا اعرف شكل الدورية في مصر..

التواجد الشرطي في الشارع في مصر هو..شرطة لجان ثابتة فقط وهي شرطة مرور في الغالب...

حتى العسكري اللي كنا بنشوفه في الافلام القديمة الي كان بيتجول في الشوارع مع صفارته وسلاحه
ايام الملك...لم يعد له وجود على الاطلااااااق منذ الثورة على ما اظن...

بجد يا شباب ده مش موضوع عجيب؟؟!!!!