الموضوع: تصويت لأختيار رئيس الجمهورية

عصام شرف في المقدمة حاليا

والفترة الحالية اختبار صعب جدا (فبلاش نتسرع في الحكم عليه لان الراجل بشر مش كائن خارق ولا معاه فانوس سحري)

يضاف الى ذلك الراجل يخلوا من العيوب التي توجه ناحية المرشحين الاخرين

فهو على سبيل المثال عايش في وسطنا ووزير سابق يعني عنده خبرة وتصور واضح لحالة البلد واحتاجاتها

وكان احد الثوار

واحد المغضوب عليهم من النظام الفاسد

ورجل مواقف كفايه تحديه للفساد وتركه للكرسي (ولكم ان تتخيلوا لو كمل كان هيلم كام من مرتبه بس حتى من غير مخالفات)

ربنا يعينه ويهديه للصواب

المشاركة الأصلية كتبت بواسطة otefa

عمرو موسى من باب مافيش غيره قدامي مناسب الى أن يظهر وجوه جديدة

يا راجل

طبعا انت ليك حريه الاختيار

بس ياريت تفكر اكتر ليه عمرو موسي يستحق يكون رئيس لمصر

عشان كان فارس الكلمة وبيداعب مشاعر المصريين في حقبة زمنيه ماضيه؟

المشاركة الأصلية كتبت بواسطة ain2006

واحد المغضوب عليهم من النظام الفاسد

ورجل مواقف كفايه تحديه للفساد وتركه للكرسي (ولكم ان تتخيلوا لو كمل كان هيلم كام من مرتبه بس حتى من غير مخالفات)

ربنا يعينه ويهديه للصواب

تصحيح واجب
عصام شرف لم يستقيل بل أقيل
كان عضو في أمانة سياسات الحزب الوطني قبل تعيينه وزيرا
وربنا يوفقه في مافيه الصالح مايفرقش كان تبع حزب أيه على قد صلاح عمله في الفترة الحالية

المشاركة الأصلية كتبت بواسطة ain2006

يا راجل

طبعا انت ليك حريه الاختيار

بس ياريت تفكر اكتر ليه عمرو موسي يستحق يكون رئيس لمصر

عشان كان فارس الكلمة وبيداعب مشاعر المصريين في حقبة زمنيه ماضيه؟

بالمناسبة أنا علقت على مشاركتك بخصوص عصام شرف قبل ماشوف تعليقك على مشاركتي سبحان الله توارد خواطر
أختلف معك عمرو موسى على الأقل له نشاط سياسي على أرض الواقع يعني ملم بقواعد اللعبة السياسية وده سبب ترشيحي له مع أني منتظر وأتمنى ظهور وجوه أفضل في الأيام المقبلة
بالنسبة لشرف فليس له أي تأثير واضح لا في الحياة السياسية ولا في مشاريع عملاقة على أرض الواقع في مصر سابقا كلام ورجل أكاديمي بحت .........أتمنى نشوف أنجازات سياسية في الفترة القادمة

المشاركة الأصلية كتبت بواسطة otefa

تصحيح واجب
عصام شرف لم يستقيل بل أقيل
كان عضو في أمانة سياسات الحزب الوطني قبل تعيينه وزيرا
وربنا يوفقه في مافيه الصالح مايفرقش كان تبع حزب أيه على قد صلاح عمله في الفترة الحالية

معلوم سيدي الفاضل

وده دليل الصلاح

لانه لم يكم من ماسحي الاحذية والا لبقي في السلطة ... والسلطة اغراءاتها كبيرة جدا خاصة لمن تذوقها

المشاركة الأصلية كتبت بواسطة otefa

بالمناسبة أنا علقت على مشاركتك بخصوص عصام شرف قبل ماشوف تعليقك على مشاركتي سبحان الله توارد خواطر
أختلف معك عمرو موسى على الأقل له نشاط سياسي على أرض الواقع يعني ملم بقواعد اللعبة السياسية وده سبب ترشيحي له مع أني منتظر وأتمنى ظهور وجوه أفضل في الأيام المقبلة
بالنسبة لشرف فليس له أي تأثير واضح لا في الحياة السياسية ولا في مشاريع عملاقة على أرض الواقع في مصر سابقا كلام ورجل أكاديمي بحت .........أتمنى نشوف أنجازات سياسية في الفترة القادمة

الفترة الحالية هي الفترة الذهبية لعصام شرف عشان يثبت قدراته

عمرو موسى هيموت على المنصب (وده كان واضح جدا من اول كلام ليه ايام الثورة) طبعا غير انه ركن عتيق من اركان النظام

بالمناسبة الرئيس لايشترط فيه ان يكون ملم بكل شيء المهم يكون عنده ضمير حي ومراقبه لله في تصرفاته... واحنا طبعا لينا الظاهر (وده اللى خلاني ارشح عصام شرف) اما الامور الاخري بما فيها اللعبة السياسية فلازم في اي دوله وجود مستشارين متخصصين في كل مجال عشان يطرحوا ارائهم والرئيس يختار (وهنا اهمية مراقبة الله- لان الله هو الذي يوفق للصواب اذا صلحت النية

فالراجل استشار وبحث ثم عقد الامر وتوكل على الله ... وهنا مربط الفرس في ادارة كل امور الحياه

ربنا ييسر لنا اختيار الحاكم الصالح الذي يرضيه ويصلح به حالنا

انا سمعت ان ابو ملف مرتضي منصور هيرشح نفسة
و كمان الحنين عمرو مصطفي هيرشح نفسة
وانا رايح اولع في نفسي بعد الخبرين دول