الموضوع: في مطبخي صراصير

المشاركة الأصلية كتبت بواسطة MASERATI

السلام عليكم و رحمة الله و بركاته

أنا من رأيى أن الصراصير لا تستحدث من العدم و الصراصير بتبقى بدايتها بيض صراصير .

يعنى اللى مطلوب منك, أنك تسدى كوووووووووول الشقوق اللى ممكن يكون فيها بيض صراصير أو صراصير صغيرة فى البيت عندك و تسيبى الشركة تكمل شغلها و تاخدى بالك من:

أى حاجة هتخش البيت بعد كده, ممكن تكون حاوية فى قعرها بيض صراصير على أساس أنها جاية من مكان فيه صراصير, زى مثلا, كرتونة مياه معدنية أو أنبوبة البوتوجاز و الحاجات التانية اللى زى دى, الأفضل أنك ترشيها بالفليت بتاع الصراصير من بره من ناحية تحت قبل ماتدخليها البيت و الله المستعان .

المشاركة الأصلية كتبت بواسطة aif

خلي بالك كمان يا ست البيت
الصراصير بتتأقلم مع المبيدات بعد فترة
لازم يبقى بيتك نظيف علطول .... بلاش كسل ونظفس اول بأول
والمطبخ بتاعك دايما عمران و فيه أكل ..... يعني مطمع للصراصير ... سواء اللي في بيتك او اللي جاية من عند الجيران
...
والوقاية خير من العلاج

المشاركة الأصلية كتبت بواسطة blazer

ما هو احنا لو جبنا مبيد قوى
كفايه بس انه يتحط فى المطبخ
مفيش صرصار هيهوب ناحيه المطبخ
لانه عارف ان نهايته هتكون محتومه بدخول المطبخ
انما اننا نحط فزاعه لا تسمن ولا تغنى
يبقى هيدخلوا ويبيضوا علينا وعلى اللى جابونا 50 سنه كمان

المشاركة الأصلية كتبت بواسطة Eng:mohamed

أنا مش عارف...بس حاسس إن زي ميكون فيه ناس ردت..
و هي متصوره إن فعلا فيه عضوه عنده مشكله في وجود صراصير في المطبخ..
هي الناس مش بتقرأ الموضوع للأخر ولا إيـــــــــــــــــــه؟
ولا انا اللي بيتهيألي؟؟؟؟
__________________________________
أعتقد إن الصراصير الباقيه في الأدراج ترمز لفلول نظام مبارك البائد..
و إن إستعجال ربة المنزل هو إستعجال بعض فئاش الشعب على الإستقرار..
مش هو ده بردو مغزى القصه ولا أنا اللي فاهم غلـــــط؟

المشاركة الأصلية كتبت بواسطة X_MM_X

أنا استغربت من الردود بجد !!!!!!

المشاركة الأصلية كتبت بواسطة Eng:mohamed

مش كده بردو؟؟؟؟؟؟؟؟؟؟
هي الناس مفهمتش؟ولا محدش كمل الموضوع للآخر؟؟

المشاركة الأصلية كتبت بواسطة nicegypt

ارفع لك القبعة تحية لك يا استاذ محمد علاء .. لانى اول مدخلت وقريت فهمت الموضوع واستغربت جدا من الردود
وفطست على نفسى من الضحك .. بس فية ناس فهمت باردو وكتبت بطريقة غير مباشرة واستخدمت نفس الاسلوب
فية ناس فاهمة

100% شباب

عموما سواء فهمت ام لم افهم عايز اعمل اعلان تجاري اداري تنفيذي جنائي رأسمالي اشتراكي و شيوعي شمولي و ممكن يكون نازي كمان (هااال هتلر )

تعلن شركه المرعبين المتحده عن توافر كافه انواع المبيدات و السموم الفتاكه و الاسلحه الكيماويه و النوويه الذكيه منها و الغبيه
و ذلك لما لمسناه من ولاء عملائنا الكرام لشركتنا علي مدار اكثر من 50 عاما
و انا نعتذر عن غيبتنا طوال تلك المده اذ كنا نعاني من نقص حاد في الشباشب
لكنا عدنا و بكل قوه و تصميم و اراده
و نرجو من عملائنا الكرام المخلصين الشرفاء تحمل بعضا من المتاعب في سبيل القضاء التام علي كل الزواحف ( مع الاعتذار للاخ العقيد عميد افريقيا و زعيم زعماء العالم اجمع علي انتهاك حقه الحصري في كلمه زنجا زنجا )

في كل زنجا
الي الامام الي الامام الي الامام
ثوره ثوره ثوره

مع تحيات اقل العاملين شأنا العبد الفقير الي الله كرتي البعبع
للاتصال من داخل انحاء الجمهوريه 2011 1 25
و يمكنكم زياره موقعنا علي الكره الارضيه WWW. اي حته في مصر دوت ايجيبت