استطلاع تعديل الدستور ( رجاءأ.. اقرأ الموضوع قبل التصويت )

طبعا كلنا شفنا التعديلات الدستورية المقترحة .. و عارفين ان هيتم التصويت عليها دفعة واحدة
موافق
غير موافق
فى حالة الموافقة يبقى الدستور تم تعديلة و بناءا على هذا الدستور ستجرى الانتخابات البرلمانية و الرئاسية
يعنى برضة هيبقى نصف مجلس الشعب عمال و فلاحين لان المادة 87 من الدستور باقية كما هى .. و هنا نقطة و من اول السطر .

هل المرحلة دى ينفع يبقى نصف اعضاء مجلس الشعب مواطنين يجيدوا القراءة و الكتابة فقط تحت مسمى عمال و فلاحين .. خاصة اذا اخذنا فى اعتبارنا ان مدة المجلس 4 سنوات .
دة بدل ما نرشح علماء و فقهاء و ننتخب احسن ما فينا عشان يقودوا هذة المرحلة الفاصلة فى تاريخ مصر .

طيب هنقول اصل المجلس العسكرى مستعجل عشان يسلم السلطة و يلتفت لواجباتة و تأمين الحدود الى اخر هذا الكلام ، و هنقول ان بعد كدة هيتعمل دستور جديد و نتلافى فية كافة الاخطاء .

دلوقتى مين اللى هينتخب اللجنة التأسيسية اللى هتكون الدستور الجديد ... حسب التعديل المقترح هيكون انتخابهم عن طريق اغلبية اعضاء المجلسين .. طب هل العمال و الفلاحين فى المجلس هينتخبوا حد يلغى وجودهم فى البرلمان !!

اية اللى منتظر بعد كدة ...

طيب لية ميتعملش دستور جديد بدل تضييع الوقت و اهدار المال .. يا ريت لو حد مقتنع ان اللى بيحصل كدة صح يفهمنى .. يمكن انا مش فاهم

اقتباس:

---

المشاركة الأصلية كتبت بواسطة ezzatfox

طيب لية ميتعملش دستور جديد بدل تضييع الوقت و اهدار المال .. يا ريت لو حد مقتنع ان اللى بيحصل كدة صح يفهمنى .. يمكن انا مش فاهم

---

لا اوافق على التعديلات ورأيى ان ما يجرى من ترقيع للدستور ليس الا تضييع وقت وتضييع متعمد لفرصة قد لاتتكرر لدستور جديد .

وأرى انى لو وافقت على التعديلات فسأكون مشاركا فى ارتكاب جريمة لاتغتفر.

ولو تمت الموافقة على التعديلات ،( ولو ) التزم الرئيس القادم على وضع دستور جديد فانه يستوجب اعادة الاستفتاء والانتخابات مره ثانية طبقا للدستور الجديد والا سيكون وجود الرئيس والمجلسين غير دستورى ، وبكده يبقى امامنا سنوات اخرى حتى يتم استقرار الأوضاع ( مش عارف كده شكلها ودنك منين ياجحا .......... و دوخينى يا لامونه ) ......... الموضوع شكله لايطمئن .

( هذا رأيى الخاص جدا ، والله تعالى أعلم ).

انا غير موافق على التعديلات ودى مشاركه توضيحيه عن الماده 189 مكرر الى المفروض معموله عشان يتعمل دستور جديد بعدين
ياريت نقراها كويس جدا وبعد كدا كل واحد حر فى قراره
----------
بخصوص كون المادة 189 مكرر ملزمة للبرلمان بوضع دستور جديد

فيه ناس بتقول ان التعديلات الدستورية وبالتحديد المادة 189 مكرر بتلزم مجلس الشعب والشورى الجايين انهم يجتمعوا ويعملوا جمعية تأسيسية تحط دستور من أول وجديد وده لأن نص المادة 189 مكرر بيقول الآتي:

يجتمع الاعضاء غير المعينين لأول مجلسى شعب وشورى تاليين لإعلان نتيجة الأستفتاء على تعديل الدستور لأختيار الجمعية التأسيسية المنوط بها إعداد مشروع الدستور الجديد خلال ستة اشهر من انتخابهم وذلك كله وفقاً لأحكام الفقرة الأخيرة من المادة 189.

جميل جداً... الفقرة دي ممكن تدينا ايحاء بانها بتلزم مجلس الشعب والشورى الجايين بأنهم يحطوا دستور حديد لكن في الحقيقة ان المادة دي برضه مش ملزمة ... ليه؟

عشان آخر عشر كلمات فيها اللي هما: "وذلك وفقاً لأحكام الفقرة الأخيرة من المادة 189"

يعني مجلس الشعب والشورى الجايين لما يجتمعوا ان شاء الله وعشان يقدروا يقدموا طلب تعديل الدستور لازم بعض الشروط تتوافر والشروط دي مذكورة في المادة 189... بتقول ايه بقي المادة 189 ؟

المادة 189 بتقول : ولكل من رئيس الجمهورية وبعد موافقة مجلس الوزراء ولنصف أعضاء مجلسى الشعب والشورى طلب اصدار دستور جديد وتتولى جمعية تأسيسية من مائة عضو ينتخبهم أغلبية أعضاء المجلسين من غير المعينين فى إجتماع مشترك، إعداد مشروع الدستور فى موعد غايته ستة أشهر من تاريخ تشكيلها ويعرض رئيس الجمهورية المشروع خلال خمس عشرة يوماً من اعداده على الشعب لإستفتائه فى شأنه، ويعمل بالدستور من تاريخ إعلان موافقة الشعب عليه فى الاستفتاء.

ومعنى كده ان عشان مجلس الشعب والشوري يقدروا يطلبوا تعديل الدستور لازم يكون فيه طلب متقدم من نصف أعضاءهم... ولو ماتحققتش النسبة دي مش هايبقى فيه طلب تعديل دستور ومش هايبقى فيه دستور جديد...

يعني برضه المجلس الجاي مش ملزم يعدل الدستور الا اذا 50% من أعضاءه وافقوا على طلب التعديل ده... وفي ظل الانتخابات البرلمانية المبكرة (لو فرضنا انها هاتحصل في يونيه الجاي زي ما الجيش عايز) ماحدش ضامن تشكيل مجلس الشعب هايكون عامل ازاي ولا اذا كان هايتوافر عدد كافي في البرلمان يطلب التعديل ده... يعني كون ان احنا يبقى عندنا دستور معدل هايكون مرهون بنتائج الانتخابات البرلمانية... ودي مخاطرة.. لو انت موافق عليها قول "نعم" في الاستفتاء... لكن غيرك هايقول أنا ليه استنى نتائج البرلمانية طالما ممكن اعدل دستوري دلوقتي... وعشان كدة هايقول يوم 19 مارس "لا" للتعديلات الدستورية.

جزئية ال50% فلاحين وعمال دي تقلق بصراحة بمعنى أن محركها الواضح هو المصالح المادية البحتة أغلب الظن
بس بالمناسبة لو كده يبقى حتى في الأستفتاء على التعديلات الموضوع شبه محسوم بالموافقة أذا ماشاركو بتواجد قوي
السؤال ياترى حد عنده فكرة من مسيطر على الموقف في هذه القوى الممثلة ل50% هل بقايا الحزب الوطني.........هل القوات المسلحة!!!!!!

غير موافق

التعديلات دى استهبال واضح
المفروض دستور جديد تماما
دستور يحد من صلاحيات الرئيس
تبقى دوله برلمانيه
او برلمانيه رئأسيه
الغاء مجلس الشورى اللى مش موجود غير فى بلدنا الموقر "اختراع للسرقه اصلا"

موافق تماما
لأن التعديلات هى اقصر طريق لتسليم الحكم لرئيس منتخب ، وتمهد الطريق لتغيير الدستور،وده الهدف منها

((دلوقتى مين اللى هينتخب اللجنة التأسيسية اللى هتكون الدستور الجديد ... حسب التعديل المقترح هيكون انتخابهم عن طريق اغلبية اعضاء المجلسين .. طب هل العمال و الفلاحين فى المجلس هينتخبوا حد يلغى وجودهم فى البرلمان !!

اية اللى منتظر بعد كدة ...

طيب لية ميتعملش دستور جديد بدل تضييع الوقت و اهدار المال .. يا ريت لو حد مقتنع ان اللى بيحصل كدة صح يفهمنى .. يمكن انا مش فاهم))

الرد موجود في الموضوع ماعدا جزئية العمال والفلاحين فهم قطاع كبير من المجتمع رضينا أو أبينا والحل هو نشر التعليم الأساسي على الأقل في السنوات المقبلة والحل السريع حاليا هو التوعية السياسية بقدر المستطاع أزاي الله أعلم
http://www.nilemotors.net/Nile/206316-a.html

اقتباس:

---

المشاركة الأصلية كتبت بواسطة otefa

جزئية ال50% فلاحين وعمال دي تقلق بصراحة بمعنى أن محركها الواضح هو المصالح المادية البحتة أغلب الظن
بس بالمناسبة لو كده يبقى حتى في الأستفتاء على التعديلات الموضوع شبه محسوم بالموافقة أذا ماشاركو بتواجد قوي
السؤال ياترى حد عنده فكرة من مسيطر على الموقف في هذه القوى الممثلة ل50% هل بقايا الحزب الوطني.........هل القوات المسلحة!!!!!!

---

بغض النظر
هتعرف الاجابة لو لاحظت ان التعديلات تخلى اللي يعمل الدستور الجديد مجلس مكون من 50% عمال وفلاحين
فهل تعتقد انهم هيوافقوا يشيلوا المادة دي؟ طبعا لأ
وبرضو مجلس الشورى مش هيوافق انه يلغي نفسه
وعلشان كده نقول ترك الدستور الجديد بأيد مجلس شعب وشورى الله اعلم بيهم هو اهانة للثورة وجريمة في حقها
فرصتنا في دستور جديد نظيف هي الان
ده مفيش ضمان انهم يسيبوا مدة الرئاسة 4 سنين ويمكن يغيروها كمان او يشيلوها او يخلوا مدة الرئاسة 10 سنوات بدون حد اقصى من المرات
علشان كده قلت قبل كده انهم بيضحكوا علينا بالمادة دي لانها لن تنفذ اصلا وهيأتي دستور جديد من غير ما نستفيد بيها لان المادة في الدستور المؤقت

اقتباس:

---

المشاركة الأصلية كتبت بواسطة skybird

بغض النظر
هتعرف الاجابة لو لاحظت ان التعديلات تخلى اللي يعمل الدستور الجديد مجلس مكون من 50% عمال وفلاحين
فهل تعتقد انهم هيوافقوا يشيلوا المادة دي؟ طبعا لأ
وبرضو مجلس الشورى مش هيوافق انه يلغي نفسه
وعلشان كده نقول ترك الدستور الجديد بأيد مجلس شعب وشورى الله اعلم بيهم هو اهانة للثورة وجريمة في حقها
فرصتنا في دستور جديد نظيف هي الان
ده مفيش ضمان انهم يسيبوا مدة الرئاسة 4 سنين ويمكن يغيروها كمان او يشيلوها او يخلوا مدة الرئاسة 10 سنوات بدون حد اقصى من المرات
علشان كده قلت قبل كده انهم بيضحكوا علينا بالمادة دي لانها لن تنفذ اصلا وهيأتي دستور جديد من غير ما نستفيد بيها لان المادة في الدستور المؤقت

---

الموضوع مش كده ها أحاول ألخص الفيديو
بس مبدأيا ناخدها واحدة واحدة فرضا المادة ألغيت(50%)
ولا هاتفرق على أرض الواقع الناس دي موجودة(العمال والفلاحين) بنسبة أكبر من كده بالفعل في المجتمع يعني قوة مؤثرة شئنا أو أبينا سجلت بمادة في الدستور أو لم تسجل صوتهم ليه وزنه
المشكلة في الحالتين في وعيهم السياسي وتصويتهم لمن يدفع لهم أكثر أو مصالح أقتصادية أجتماعية نظام عشائري قبلي أو قروي