عرض للطباعة
يا ريت يا جماعة تفيدونا برئيكم علشان انا فعلا محتاره بينهم
اكسنت rb هاى لاين ( ستبترونك-اتوماتك،ايرباج،abs،فتحة سقف،مالتى فانكشن،بلوتوث- فوج لايت) 113 الف
كيا سول خليجى ( ستبترونك-اتوماتك 6 سرعات، ايرباج "مش اكيد"- abs- مالتى فنكشن-سنسورز ، جنوط 18- فوج لايت) 115،500 الف
لانسر شارك اتوماتيك اول فئة 115 الف من الرواس
لانسر شارك
اكسنت rb هاى لاين : في مخاطره نوع ما بشرائها لانها لسه جديده في السوق برضه
كيا سول خليجى : هتدوخ السبع دوخات في الصيانه عشان خليجي
لانسر شارك اتوماتيك اول فئة : الشارك متتركبش الا اعلي فئه ده غير انها فاشله و واقعه في اعاده البيع
يعني يا تشتري اكسنت سبورت او العاديه او كيا سول وكيل او لانسر بومه
لانسر شارك استنى عليها شوية لما الوكيل الجديد يجيى وبعدين حاول تجبها فول اوبشن علشان تحس بمتعتها
وهقلك حاجة الانسر عربية محترمة فرق كبير اوى انك تركب عربية تحترمك على انك تركب عربية
فيها اوبشن كتر لكنها من جوة مش قوية سيبك من ان الكورى ارخص فى قطع الغيار لكن مش معمرة زى اليابانى
ولا حتى هتلاقى جودة الخامات والتقفيل زى اليابانى الشارك الى كان موقع سوقها هنا هو الرواس علشان كان مغليها اوى اوى اوى
وكمان موضوع ان الاوتوماتك اربع سرعات بس ودة مش ميزة ليها انا فى رائى استنى شوية سيبك من عرض الرواس بتاع دلوقتى
129 فى الفول اوبشن كان هيبقوا حلوين لو كانت 2011 او على الاقل 2010 لكن عربية مروكونة سنتين على الاقل و كمان 129 حرام بجد
استنى شوية وشوف موقع متسوبيشى وشوف الاوبشن الى فى موديل 2011 و 2012 وشوف الناس هناك بتتكلم فى ايه ودة احتمال كبير الى يجيبة الوكيل الجديد لقيت الدنيا مش حلوة مع الوكيل الجديد متخفش الرواس طول ماهو بيفكر بغباوة العربيات هتقعد عندة حبة حلوين
أنا مع الرأى اللى بيقول يستنى ويشوف الموديلات الجديدة: أستاذ Angel_Wolf.. (شارك طبعا)..! :S_thum1[1]:
وحتى دلوقتى.. الشارك (ولو فاضية) أعلى من السول أو الأكسنت.. كـ ركوبة مش Options..
ثبات (أثبت من الأتنين), عفشة أفضل (أنعم من السول), هاندلينج أحسن.. وواسعة. موتورها قد يكون أقل قليلا.. لكن مش للدرجة (بتجيب 190 و 200 عادى).
الـMivec أدق فـ استهلاك البنزين من مواتيور الكيا-هيونداى.. وtech أعلى..!
ويابانى..! :first:
الحمد لله إن كل الأعضاء المحترمين اللي دايما بكون سعيد بتواجدي في المنتدى ده لإن فيه ناس بتفهم و بتقدر بالطريقة دي ، كلهم ردوا تقريبا نفس الرد ....
بص حضرتك .. أنا سوقت كل الكوري مقابل كل الياباني من نفس الفئة .. صدقني اللي بيشتري كوري مش بيشتري عربية .. ده بيشتري أوبشنز و منظر و بس... صحيح أنا ماجربتش لسه الأكسينت الجديدة ، لكن خلاص كلنا اتلدعنا من الكوري و فهمناه.
أنا معاك إن الشارك أوبشنز أقل ... لكن صدقني عمر أطول ، و موتور أقوى ، وراحه و أمان أفضل ، و كمان اتساع داخلي ممتاز ..
رأيي تستنى شوية لحد ماتشوف إصدارات الشارك الجديدة و ينتهي موضوع مشاكل الوكيل ده.
انا شكر حضارتكم جدا على الرد
و انا عارفه طبعا ان مفيش وجه مقارنة بين اليابانى و الكورى
بس انا اللى مرددنى فى الشارك شويه انها موديل 2009
و حاسه انها مينفعش تتركب غير الكاملة منها
وانا مش هقدر اجيب الكاملة
و كمان حاسه ان الاسعار مبالغ فيها شوية بالنسبة لموديل سنتين وراء
انا كلمت سمارت كار الشريك فى التوكيل الجديد
وقالوه انه اللى هينزل دلوقتى البومه
ومش واضح من كلامهم امتى بالظبط
بيقولوا على اخر الشهر
وبصراحة انا مش حابة البومة اوى
بالنسبة للاكسنت
انا عارفة انه كتيير عليها شوية و خصوصا انها راحت او جت اكسنت
هى الميزة الوحيده ان اكيد قطع غيراها هتبقى رخيصه و اكيد سعر اعادة البيع
الكيا سول انا نزلت اتفرجت عليها النهارده
العربية جميله و جديده وواسعة من جوة بس برضه كورى
مش عارفه
انا تعبت و مش عارفه ارسى على بر
عاوزة عربيه جديدة فى نفس الحدود و مش عارفه اجيب اية
لو مش الشارك يبقى وسعى دايرة الاختيار ان امكن
انا عندى تجيبى بونتو ايفو اللى موتورها مش الموتور القوى ودى العيب الوحيد اللى فيها ولا تجيبى الاكسنت المستفزة دى دة حتى سعرها استغفر الله العظيم
لو مش شارك وسعى دائرة الاختيار
انت عندك حق في موضوع إن التأخير في التوكيل بتاع مستوبيشي بيعمل قلق ... و عارفين كلنا القصص دي .. و طبعا الشارك ماتتركبش غير كاملة.
لو هتختاري بعد الشارك من العربيات اللي انت اتفرجتي عليها دي .. و خصوصا انت بنوته ... يبقى السول أنا شايفها مناسبه.
و ممكن زي ماقالك الباشمهندس ميدو .. وسعي دايرة الاختيارات ... ممكن جدا بونتو إيفو ممتازة جدا جدا جدا و بناتي كمان و موتورها مش هتحسي إنه ضعيف للدرجة دي يعني لكنه فعلا أقل من كل اللي إحنا بنتكلم عنهم دول ... و ممكن تبصي على الإيبيزا من السيات و مش هتندمي ... و هكذا.
بس انا مخدتش بالى ان الى عامل الموضوع بنت
ممكن لو مستعجلة على العربية اوى تشوفى الحاجات دى
بونتو ايفو زى ماقال استاذنا (mido_soliman )
http://www.nilemotors.net/Nile/189478-pk2.html
وممكن تويتا ياريس وطبعا معروفة بتوفير البنزين الجامد اوى
ابيزا الحديدة لو بتفكرى فيها هى عربية محترمة اوى انا من تعاملى مع الموديلات القديمة منها
http://www.nilemotors.net/Nile/119447-2010.html
والتيدا بردوا حاجة يابانى وبناتى ومحترمة
ودة لنك لللنسر شوفى الدنيا فيها ايه
Build & Price Your New Mitsubishi Car or Crossover | Mitsubishi Motors
هو حضرتك حتي لو البومة هي اللي هاتنزل دلوقتي انا رأيي انها بردو احسن من باقي الاختيارات
لو 1600 اوتوماتيك طبعا
انا لو قدامي كل العربيات دي اخد الشارك او البومة
لاتسر
انا من رأيي بلاش الثلاثة دول بدل حضرتك محتارة ما بينهم
ممكن تفكري في المازدا 3 2010
عربية ( اول حاجة ياباني - شكل- وتسارع - وثبــــــــــــات هايــــل - ونعومة في العفشة - مبنية على شاسيه الفورد فوكس - وكماليات - وفخامة من الداخل
بالنسبة للسعر الاوتماتيك منها 127
والمانيوال 122
وبالنسبة لقطع الغيار بقت معقولة جدا جدا زيها زي السيفيك
طيب وهى قطع غيار السيفيك أصلا رخيصة..؟؟؟!! :pffft:اقتباس:
المشاركة الأصلية كتبت بواسطة hema1989
وأعتقد أن غبور هيبقى مغالى فـ أسعاره زى مابيعمل فـ الهيونداى...!
أنا عارف أن المازدا3 أجمد... ودى المشكلة, لما الكورى بيعلى كده.. فـ مابالك اليابانى؟؟!
ممكن تكون حضرتك أدرى..! (بس خد بالك أن غبور لسه واخد مازدا)...؟؟؟!! :hihihi:
انا عارف ان غبور لسه واخدهااقتباس:
المشاركة الأصلية كتبت بواسطة formulator
بس الاسعار نزلت عن الاول بكتير تقريبا النص .... دا كانت خيالية .. (تنرفز بجد)
تيل الفرامل كان ب 900 جنيه
الوقتي اسعار قطع الغيار
تيل فرامل : 550 جم
- فانوس أمامي عادي : 1700 جم
- فانوس أمامي زينون : 3500 جم
- مراية جانب كهرباء : 600 جم
- فلتر هواء : 200 جم
- فلتر بنزين : 230 جم
سعر الفانوس الزينون مبالغ فيه جدا وبقية الاسعار معقولة جدا
ولسه هتنزل كمان ...
- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.
مشــرف القســم
8/4/2011
11:07pm
ياريت طبعا... الأسعار كده ممكن تكون مناسبة جدا...!اقتباس:
المشاركة الأصلية كتبت بواسطة hema1989
أصلا العربية دى مظلومة فـ مصر.. لو هاركب يابانى: سيفيك أومازدا3 ..
كفاية أنها مبنية على شاسيه جامد أوى بتاع الفوكس.. ثبات وهاندلينج للصبح..!! :B4_388:
والزينون كده معقول على فكرة بالنسبة لـOEM parts .. فانوس البرافو الـXenon بـ 5000 جنيه (وده ماريللى AL كمان)..!!! :redeye:
بالنسبة للأخت الـThread Starter.. أنا لسه عند رأيى أن الشارك أفضل من العربيتين التانيين..! :w6266d
كلامك سليم
هههه ... دا فانوس المازدا ارحم يا عم 5000 ليه غالي قووووووي
أنا سمعت أرقام استهبال :redeye:.. الشارك موضوع الـthread فانوس الزينون بيقولوا بـ6000.. ؟؟؟!!! :frown:اقتباس:
المشاركة الأصلية كتبت بواسطة hema1989
ياجماعة بجد انت ظالمين الكوري اوياقتباس:
المشاركة الأصلية كتبت بواسطة Angel_wolf
هو اه كثبات علي اده شوية بس كاعتمادية بجد اعتمادية عالية اوي و ده عن تجربة مش كلام
انا معايا جيتا و معايا الانترا
الجيتا عاملة دلوقتي 21 الف كيلو تيل الفرامل بدا يصفر و كنت عند محمد سمير قالي فاضل بتاع الف كيلو و يتغير
الالنترا غيرت تيل الفرامل عند 45 الف كيلو وكان لسه فيه !!!!
الالنترا عاملة لغاية دلوقتي 130 الف كيلو موديل 2008
مش هقول غير مشاء الله عليها عربية اعتمادية لاقصي درجة
فدلوقتي اعتمادية الهيونداي و الكيا مبقتش زي الاول و الخامات متفرقش عن الياباني اوي ماعدا الهوندا و في بعض العربيات الاوربي برضو
اما نصحتي لحضرتك فالاكسنت r b افضل اختيار لحضرتك لان الشار ك فاضية و كمان موديل 2009
و علي فكرة الاكسنت rb بدات تنتشر
الف شكر على ارائكم و اهتمامكم
الوضع دلوقتى بقى كالاتى
اولا بالنسبة لهيونداى و كما هو متوقع دائما و والله كنت حاسة ان ده اللى هيحصل
الفئة الهاى لاين اللى المفروض كنت حاجزها علشان استلمها اخر الشهر ده مش موجوده
(الفئة اللى فيها airbags & ABS)
و الموجوده هى اللى فيها فتحة السقف و البلوتوث و المالتى بـ 107000
و انا حاسه انهم كتير شويه عليها
و بالنسبة للانسر
العربية برضه متخزنة من 2009 و انا قلقانة من موضوع التخزين ده
بالاضافة انى يا دوب اعرف اجيب منها اللى فيها جنط
بالنسبه للسول فى قدامى فئتيين واحده سعودى هاى لاين 2010 و واحده f/O موديل 2011
و قلقانه لانى بشوفها قليل جدا
انا كنت افضل معديش ال 120000 و تبقى اتوماتيك
المازدا كده معدية المببلغ
فكرت فى السيتى بس مش موجوده
و مرة تانية بشكركم على مساعدتكم
على فكره ماحدش فينا متحامل على الكوري ، و ماحدش فينا بيجيب كلمة من غير دليل ، و العربيات الكوري على فكره في إيدين أي حد .. يعني كلنا مجربينها مليار مرة قبل مانقول كلامنا ده ... و غالبا بتلاقي أكتر من حد بيقول نفس العيوب و كلهم من ملاك العربية ...اقتباس:
المشاركة الأصلية كتبت بواسطة bob12345
بعيدا عن العواطف .. أنا لما بتكلم عن الانسر أو الجين بقول عيوبهم بكل مصداقية و صراحه ... بالتالي عايزين نتعود إننا نركن العواطف على جنب الأول و نتكلم بالورقة و القلم ...
إلنترا على عيني و راسي ، و فيه ناس كتير عارفين عيوبها و مزاياها و بيشتروها برضه ، و كل عربية و ليها مشتري لإن كل واحد بيكون ليه طلب من العربية غير التاني ، لكن إحنا هنا بنقارن عربية بعربية.. في كل شيء ، و بعد كده صاحب الشأن بيفكر و يقرر ..
ندخل في الجد .. مش معنى إنك بتحافظ على عربيتك فالتيل مش بيتغير غير كل 45 ألف كيلو يبقى الإلنترال عربية محترمة .. التيل ده بيفرق كتير بين سواق لتاني ، بيفرق بين نوع فرامل و تاني ، بيفرق بين طريق و تاني .. و عن نفسي أنا مستعد أشتري عربية تيل الفرامل بتاعها بيتغير كل 10 آلاف كيلو لو هتكون العربية دي فيها كل كل المواصفات التانية اللي أنا بحبها.
ولو هنقارن بالمبدأ ده ... فخليني أقولك على تجاربي من واقع إني مهندس ميكانيكا :
كان لينا تدريب في 3 مراكز صيانة سيارات كبيرة في الغربية .. مركز الكوري على طريق كفر الزيات ، الشناوي ، المتحدة .
إجماليا .. عملنا عمره لأكتر من 40 عربية .. والله والله والله العظيم مش أقل من 30 عربية منهم هيوندايات بكل إنتاجاتها اللي من 2006 و انت طالع .. الكلام ده الصيف اللي فات ، ده غير عربيتين هيونداي إلنترا 2009 مانيوال جايبين ديسك و اسطوانة ... فإحنا لو هنتكلم بمبدأ مين العربية اللي باظت الأول فأنا عندي مليون و مليون مثال ولو دخلت شوفت الريفيوهات على النت هتقرا الكلام ده .. لكن أنا بقول برضه .. إن كل ده ممكن يكون عيوب استخدام و لإن العربيات دي منتشرة جدا فبنشوف العيوب دي أكتر من غيرها ... بالتالي ياريت نخلي موضوع إن التيل ده اتغير بسرعة و دس عملت عمره متأخر و الكلام ده بعيد ، و نتكلم في الأهم.
الأكسينت RB مع إني لسه ماجربتهاش .. بس حسب الكلام هي ( ABS - Air Bag ) أعتقد دي أنظمة الأمان الوحيدة فيها .. ده غير الأوبشنات العادية يعني ... طيب هل فيه حاجة واحده بتقول إن موتورها أطور عمرا من موتور الشارك أو كفائته أعلى ... طول عمر اللاسنر من أول إصداراتها لحد دلوقتي و هي متفوقة على هيونداي في الموضوع ده و اسئل السوق ... طيب مين قال إن ثبات الأكسينت دي أفضل من الشارك ؟ ... طيب بلاش ... هاتلي تقييم أوروبي واحد للأكسينت دي ، طيب هل هي تخطت اختبارات اليورونكاب ؟ ... إيه اللي يميزها عن الشارك علشان حضرتك تنصح بيها و تقول إننا متحاملين على الكوري ..
على فكره الشارك أصلا فئة أعلى من الأكيسنت دي ... يعني والله لو هشتري شارك من غير جنوط و من غير كاسيت و من غير تكييف و من غير باور ولا أي أوبشن .... كفاية إني راكب شارك بموتورها و الشاسيه بتاعها و عفشتها و ميكنتها المتطورة دي !!!
أنا والله والله مش متحامل على الكوري .. بس هاتلي عربية واحده بس كوري أيا كان إنتاجها نقدر فعلا كلنا نجمع على إنها أفضل من نظيرتها الياباني أو الأوروبي أو الأمريكي أو حتى الماليزي و يكونوا من نفس الفئة.
هاتلي تقييم واحد لعربية كوري متفوقه فيه على عربية ياباني من نفس الفئة .. مع إني على فكره برضه بقول إن اليابانيين مازالو لم يصلوا لفكر الألمان ...
عموما .. علشان حضرتك ماتفهمش إني متحامل أو واخد الموضوع بطريقة شخصية ... والله أنا لو فيه في كلامي حاجة غلط و حضرتك أثبتلي كده .. أنا بكل احترام و تقدير هقول أنا آسف ، و ده حصل هنا قبل كده و الناس عارفه عني كده.
في النهاية .. مش عايزك تزعل مني .. انت ليك وجهة نظر تحترم ، و على فكره .. موضوع قطع الغيار و سعر إعادة البيع ده برضه وجهة نظر تحترم جدا جدا ... و كلن بنفكر فيها مليون مرة قبل مانشتري العربية ... فبالتالي ... هي سلع .. و انت و ذوقك و برضه انت و متطلباتك ... لكن لازم نحق الحق ... يعني أنا لما أشتري الجين 2 ماينفعش أقول عليها دي أحسن من الكرولا و الشارك و المازدا و الفورد فوكس و كل ده بدون أي مقارنة علمية .. فلازم أقول ... لا دي عربية فيها مزايا كذا و عيوب كذا لكن ده مناسبني و أنا راضي بيه .. بس كده المشكلة اتحلت .
و آسف جدا لو كنت طولت عليك
يا باشا الموضوع مفهوش عواطف خالصاقتباس:
المشاركة الأصلية كتبت بواسطة Dawns_Mist
يا باشا الجيتا و الالنترا بتوعي مش ماجرهم يعني انا الي بسوق ال 2
الجيتا طبعا بعملها احسن من الالنترا :shyy:
الالنترا التيل خلص ابتدي يصفر علي 40 الف و غيرته علي 45 الف
الجيتا التيل ابتدي يصفر علي 20 الف و محمد سمير كشف عليها قالي ان فاضلو بتاع 1000 كيلو
الجيتا دي حبيتي و بعمالها معاملة خاصة بس انا بقول الحق
و الله ياباشا انا مش عايز اتكلم علي الالنترا عشان الحسد :shyy: بجد مش هقول غير بسم الله مشاء الله هيا ينقصها بس عندي ال abs
بس مش معني كلامي ان االالنترا احسن من الجيتا كل عربية ليها مميزتها و عيوبها
يعني مينفعش مثلا ثبات الالنترا ولا الخامات احسن من الجيتا
انا بقول ان الاعتمادية بتعتها مش زي زمان يقولق هيونداي و كوري و الكلام ده
كيا و هيونداي ترتيبهم ال 5 عالميا اكيد العالم كله مش جاهل يعني وبيشتري عشان
YouTube - ‫ظˆط§ط¦ظ„ ط¹ظ„ط§ط، ... ط§ط¹ظ„ط§ظ† ظ‡ظٹظˆظ†ط¯ط§ظ‰ 2‬‎
اما بخصوص المقارنة هنا انا بصراحة مجربتش الشارك ومش متبعها عشان احكم عليها بس اكيد اكيد في سبب
موقع سوقها هنا في مصر الي مخلي ان في كمية عربيات شارك من كل الفئات زيييرووووووووو مو 2009
لو المقارنة اكسنت و شارك بس 2011 كنت هقول شارك بس دي 2009 و انا عارف الرواس بيخزن العربيات فين
و شايفهم مرمين في الشمس بقالهم سنتين انا مش بقارن مثلا سي كلاس بتويوتا كورولا الي يخلني اجبها علي
الكورولا 2011 و هي مو 2006
الفروق مش كبيرة ياباشا خصوصا صاحبة الموضوع بنت او ست يعني مش جيبها تافل بيها عداد و اصلا الفئة دي
كلها مش معمولة للكلام ده دي عربيات small city cars و compact
يعني معمولة توصلنا من نقطة 1 لي نقطة 2 و لو في فروق في فروق نسبية بسيطة اوي مش الي تفرق عربية عن عربية
و ياباشا في الاخر لولا اختلاف الاذواق لبارت السلع بس انا شايف كبنت لو جابت accent rb حمرا هاي لاين
هتبقي احلا بكتير لو جابت شارك فاضية فضي بطاسات :Copy of majd(2): بس ده مش معاناه ان accent اي كلام
و شكل علي الفاضي و في الاول في الاخر القرار ليها
بس طالما الموضوع دخل فيه العاطفة ايه الي دخل الماليزي في وسط الكبار و هل البروتون الجديدة الي هيا
الشارك الي عاليها علامة بروتن ليها علاقة بالموضوع :shyy::angel10:
انا بهزر يا باشا البروتون عربيات حلوة برضو ربنا يبارك لك فيها :bye2:
هاهاا ... ماشي يا بوب .. والله انت راجل سكره و تعليقك محترم برضه ..
أنا دخلت الجين2 فيي الموضوع لإنك لو بصيت في البروفايل بتاعي هتلاقيني كاتبها عربيتي .. و أنا كنت بحتار نفس الحيره من فترة بينها و بين كتير من الكوري زي الريو و الأكسينت .. لكن جين 2 مالهاش دخل بالموضوع الرئيسي .. ده مجرد إسقاط كمثال بس.
وعموما هي أزواق برضه ، و أنا كشاب ممكن يكون ليا اختيارات مختلفه عن صاحبة الموضوع فعلا لإنها بنت .. و أنا فعلا قولت كده في كلامي .. ناس كتير بتشتري الكوري وأكيد ليها أسبابها و أكيد هما ليهم حق .. لكن أنا كلامي أقصد بيه إني ممكن أختار عربية لأسباب معينه لكن برضه لازم أحق الحق و أقول إنها ترتيبها كذا مقارنة بعربيات تانية .. فالأكيسنت زيرو لو كانت بـ100 ألف مش هتكون زي الياباني الشارك اللي الزيرو منها 135 ألف .. أكيد الشارك أحسن و الأرقام برضه بتقول كده .. لكن ممكن تكون الأكسينت دلوقتي أفضل و لأسباب معينه زي قطع الغيار و توكيل الشارك اللي دلوقتي مازلنا في حيره من امره و شوية أوبشنات .. يعني .. الموضوع كده يبقى راجع لصاحب القرار ..و مهما اختار مش هيكون غلطان .. لكن برضه في النهاية نقول إن الحق .. الشارك فئه أعلى .. بس كده .. فأنا كلامي مش متعارض مع كلامك والله .
Rp دى مقلببببب انا انبهرت بيها من برة اول ما ركبتها حسيت راكب القديمة ...
شوف الجين والالنترا والصنى انضف كتيرر فى نفس الفئة...والشارك طبعا انضفهم بس زود شوية
حبيبي :iloveu: :)اقتباس:
المشاركة الأصلية كتبت بواسطة Dawns_Mist
و الله ياباشا الكلام الي قولتو ده هو الي انا عايز اقولو بالضبط
و ا بردو منبهرتش من الفاضية بس هيا بتقول هاي لايناقتباس:
المشاركة الأصلية كتبت بواسطة e30power
انا متشكرة جدا يا جماعة على ردودكم
مناقشتكم دائما بنستفاد منها
و بمناسبة الجين 2 هى كانت معايا و العربية سواقتها تحفة لدرجة انى خايفه اركب حاجه تانية متبقاش زيها
المهم دلوقتى ان الاكسنت الهاى لاين دى مش هتنزل اصلا حسب كلام التوكيل
والموجوده دلوقتى اللى 107000
وانا زى ما قلتلكم حاسة انه كتيير شويه عليها
و بالنسه للسول احتمال كبير اوى معرفش اجيب غير اللى عند الوكيل
ومش عاجبنى الجنط الـ16 اللى فيها
كان نفسى فى الـ18 اللى موجود فى الخليجى ... :-(
فكرت فى المازدا 3 بس قلقانة من اسعار قطع الغيار
وخصوصا انى عاوزه العربية تعقد معايا شوية و مغيرش تانى
مش عارفة اجيب ايه
يا ريت ارائكم
بومة او نيسان تيدا او نيسان ليفينا .. كلها يابانى معمر و محترم و نفس الفئة السعرية
متشكرة جدا يا جماعة على ردودكم
النصيب جيه فى عربية تانية خالص مكنتش عامله حسابها
انا جبت سيراتو كوبية
ادعولى ربنا يباركلى فيها و يكفينى شرها
الف الف مبروك ربنا يبارك لك فيها ويكفيكي شرهااقتباس:
المشاركة الأصلية كتبت بواسطة molly
الكوبيه شيك اوي لبنت او ست خصوصا لو لونها احمر
الف مبروك
حبت ارد واقولك الكوري واخد تقييمات جيدة جدا على توب جير يعني كيا سول واخدة 13 من عشريناقتباس:
المشاركة الأصلية كتبت بواسطة dawns_mist
في حين السيات و حاجات كتير يا باني معدتش 7 من 20 :d
المهم بس
انا معايا شيفروليه سبارك بس قبل ما اجي مصر كان معانا ياباني ومركبناش كوري ابدا وكنا من اعدا الكوري
بس الحق يقال :)