عايز اجيب هديه رمزيه لعيد الام

**sayed911** · 12-03-2011 05:45 PM

انا والله كنت جايبلها قبل كده السبحة الألف :d :d الف حباية والله 5 بيقعدوا يسبحوا بيها بش مش عارف راحت فين اعتقد اقتراح السبحة بالنسبالي امر صعب :d :d دي قعدت 3 ايام عشان تعد اول جولة :d :d

**FunnyMickey** · 12-03-2011 06:12 PM

اتاريك ياسيد سايب البيت وعايش لوووووووووووووحدك
هههههههههههههههههههههههه
ده اقل حاجه تعملها الست الطيبه بعد الهديه دي

اطلع بره بيتي
انتا مش ابني
حسن يوسف هوا اللي ابني

اتذكر وانا صغير
عندي بتاع 12 سنه كده
اخدت منها 5 جنيه عشان اجبلها هديه عيد الام
عمرك شفت طفل ونتن
:)
رحت فين بقي
عالصيدليه اللي جمب بيتنا
حد يجيب هديه عيد الام من الصيدليه
استقربت باين ولا ايه
الحمد لله ان مفيش خضري جمب بيتنا
كنا جيبنا خس وجرجير

المهم جبت ايه بقي
شراب فيليه
واختي قلم روج

اللي يغيظ بقي
ان امي ولا بتحط روج
ولا بتلبس اصلا الشرابات دي
طب ياابني انتا وهيا ايه اللي انتو جايبينه ده
اهو اللي لقيناه
كل سنه وانتي طيبه

طيبه اوي الست دي والله
:)

**AmatoALLAH** · 12-03-2011 07:27 PM

المشاركة الأصلية كتبت بواسطة sayed911

انا والله كنت جايبلها قبل كده السبحة الألف :d :d الف حباية والله 5 بيقعدوا يسبحوا بيها بش مش عارف راحت فين اعتقد اقتراح السبحة بالنسبالي امر صعب :d :d دي قعدت 3 ايام عشان تعد اول جولة :d :d

بالله عليك فيه حد يجيب سبحه الف

تشيلها ازاي دي :)

شوف انا راي تجيب السبحه الالف دي و تقعد تعمل منها سبح 33 حبايا و توزع هدايا بئي علي مامتك و والدك و اخواتك و صحابك و علي منطقتك كلها :)

**sayed911** · 12-03-2011 07:38 PM

اتاريك ياسيد سايب البيت وعايش لوووووووووووووحدك
هههههههههههههههههههههههه
ده اقل حاجه تعملها الست الطيبه بعد الهديه دي

اطلع بره بيتي
انتا مش ابني
حسن يوسف هوا اللي ابني

اتذكر وانا صغير
عندي بتاع 12 سنه كده
اخدت منها 5 جنيه عشان اجبلها هديه عيد الام
عمرك شفت طفل ونتن
:)
رحت فين بقي
عالصيدليه اللي جمب بيتنا
حد يجيب هديه عيد الام من الصيدليه
استقربت باين ولا ايه
الحمد لله ان مفيش خضري جمب بيتنا
كنا جيبنا خس وجرجير

المهم جبت ايه بقي
شراب فيليه
واختي قلم روج

اللي يغيظ بقي
ان امي ولا بتحط روج
ولا بتلبس اصلا الشرابات دي
طب ياابني انتا وهيا ايه اللي انتو جايبينه ده
اهو اللي لقيناه
كل سنه وانتي طيبه

طيبه اوي الست دي والله
:)

ههههههههههههههههههيعني عيد الأم واخدت منها الفلوس والله انا نافس حالتك بس انا كان معايا حوالي 100 يورو رحت خليت واحدة زميلتي جابتلها فردة حلق واحدة بس واحمد اخويا جبلها التانية ... بعدها بيمين قاعد جنبها بلقح بالكلام ايـــــــــــــــــــــه هوة الدهب غلي ليه ياخويا كده ده الواحد كان جايب الحاجة بالشئ الفلاني .. ده الواحد اتخرب بيتوا لحد ما طلعت منها 400 يورو ورميتهم في وشي وبتقولي لو ها تقبلهم على نفسك حرق ونار فيك قولتلها اقبلهم واقبل ابووووووووووووهم كمان :d :d بس جامدة جدا جدا جدا جدا جدا حتة الصيدلية دي ههههههههههههههه يا نهار ابيض انا مش قادر امسك نفسي من االدحك ..

بالله عليك فيه حد يجيب سبحه الف

تشيلها ازاي دي :)

شوف انا راي تجيب السبحه الالف دي و تقعد تعمل منها سبح 33 حبايا و توزع هدايا بئي علي مامتك و والدك و اخواتك و صحابك و علي منطقتك كلها :)

اصل السبحة الف دي ليها موقف معايا .... ازاي بقا انا كنت ساعتها في مكة ..
ولقيت سبحة حوالي 16 وكانت مثلا بـ 50 ريال .. رحت قاسم 50 على 16 تبقى الحباية بكذى عشان انا مش عارف 50 ريال ده كتير ولا شوية لأني مش عايش هناك :d وبعدها لقيت الـ 32 بس بـ 55 يبقى الـ 32 احسن الله طيب لقيت الـ 64 بـ 75 مثلا وهكذا كل شوية اقول طيب ماهو الأكبر احلى رحت جايبلها الألف عشان اقفل باب السبح كلها من حياتي هههههههه والله العظيم انا امي كانت بتسبح بيها في قوضة التلفزيون وباقيتها مع بابا على طربيزة السفرة :d :d :d والله لو ليها صورة عندي لأصورها انتم مش متخيلين حجمها كانت قد ايه خرزها كان صغير جدا زي العادية والف بقا فإنتا متخيل دائرة ليها قطر وقدره بقا ههههههههه بس والله مش استخسار ولكن مش عارف كانت كوميدية جدا وفي نفس الوقتحاجة جميلة تفتكرني بيها :d :d دي كفاية اني اقول انهم مرضيوش في المطار مرة انتا تطلع بيها في الطيارة معاها ههههههههه تعديد عسكري السبحة :d :d

**زينة الله** · 12-03-2011 07:44 PM

يعنى مش عاجبك الشال القطيفة

طيب فكرة هدية تانية أيه أيه ...

أه هات برواز شيك

و يا سلام لو تحط فيه صورتك عشان كل لما تشوفة تفتكرك و تقول كتر خيرك :::)

**nonetta** · 12-03-2011 08:06 PM

انت عاوز تجيب هديتين مجموعهم لا يزيد عن 50 جنيه
دة يتوقف على الاشخاص اللي هتديهم الهدية
مامتك..حماتك..اختك..خالتك..عم تك..على حسب السن
ممكن تجيب محفظة جلد حريمي مش هيزيد الواحدة عن 25 جنيه وشكلها كويس بس طبعا مش جلد طبيعي
ممكن تجيب ايشاربات او الباشمينا اللي هيا زي الشال بشراشيب بس خفيف شوية وبتبقى مشجرة
ممكن ميداليات مفاتيح
ممكن اي اكسسوار على حسب شخصية اللي هتهديهولها وذوقها
ساعة حائط او ساعة مكتب
طقم توابل ولو اني مش باحب الهدايا المنزلية
ممكن بوكيه ورد تجيبه يومها ولو ممكن يبقى مجفف تحتفظ بيه بعد كدة بس هيكون صغير مش كبير
لو افتكرت حاجة تاني هاقول لك

**MOUSTAFA_SAAD** · 12-03-2011 08:16 PM

المشاركة الأصلية كتبت بواسطة nonetta

انت عاوز تجيب هديتين مجموعهم لا يزيد عن 50 جنيه
دة يتوقف على الاشخاص اللي هتديهم الهدية
مامتك..حماتك..اختك..خالتك..عم تك..على حسب السن
ممكن تجيب محفظة جلد حريمي مش هيزيد الواحدة عن 25 جنيه وشكلها كويس بس طبعا مش جلد طبيعي
ممكن تجيب ايشاربات او الباشمينا اللي هيا زي الشال بشراشيب بس خفيف شوية وبتبقى مشجرة
ممكن ميداليات مفاتيح
ممكن اي اكسسوار على حسب شخصية اللي هتهديهولها وذوقها
ساعة حائط او ساعة مكتب
طقم توابل ولو اني مش باحب الهدايا المنزلية
ممكن بوكيه ورد تجيبه يومها ولو ممكن يبقى مجفف تحتفظ بيه بعد كدة بس هيكون صغير مش كبير
لو افتكرت حاجة تاني هاقول لك

انت عندك افكار كويسه فعلا
هما اتنين اصدقاء فى حدود 50 سنه اكبر منى كتير صحيح بس بعزهم جدا وعاوز اجيبلهم حاجه بسيطه تقدير ليهم

**nonetta** · 12-03-2011 08:37 PM

المشاركة الأصلية كتبت بواسطة moustafa_saad

انت عندك افكار كويسه فعلا
هما اتنين اصدقاء فى حدود 50 سنه اكبر منى كتير صحيح بس بعزهم جدا وعاوز اجيبلهم حاجه بسيطه تقدير ليهم

شكرا ليك
اصل انا متعهدة الهدايا
دايما في الشغل لما نيجي نجامل زمايلنا في اي مناسبة
بيوكلوني
فأخذت خبرة الى حد ما
يبقى الحاجات اللي قلت لك عليها (المحفظة الحريمي - الايشاربات -الباشمينا )
دول يبقوا انسب حاجة من وجهة نظري
وتحط كل واحدة في شنطة هدية على مقاسها
تبقى لطيفة وشكلها حلو
في كمان مفارش سوري وهندي مطرزة بتبقى في نفس حدود السعر وشكلها جميل بتبقي مربعة والاربع اركان في كل ركن شرشروبه بس ممكن متلاقيهاش بسهولة
ويارب تلاقي حاجة بسهولة احسن موضوع الهدايا دة بيبقى محير جدا

-

-

الموضوع: عايز اجيب هديه رمزيه لعيد الام

LinkBack

أدوات الموضوع

عرض

-

-

-

-

-

-

المواضيع المتشابهه

عايز اجيب هديه لابنى فى عيد ميلاده الاول

هديه لعيد الجواز

عايز سلحفاه هديه

خلاص هتجنن - عايز اجيب هدية لعيد الام ومشعارف

اجيب هدية اية لحماتى فى عيد الام؟

الكلمات الدلالية لهذا الموضوع

المفضلات

المفضلات

ضوابط المشاركة