لادا 2105 ب 23500 موديل 95

لادا 2105 ب 23500 موديل 95
العربية راشة دواخل لكن صدر العربية والشنطة نضاف

العربية ماتورها حلووو
العربية كان لونها احمر بس الرجل قلبها بيج ودة بان من تحت الماتور
4 فرد كاوتش جداد
الصالون نضيف

في بارومة في اماكن متعدةة
1 حتة في السقف صغننة
2 حتة بين الزجاج والباب
واماكن اخري
الباب والررف متمعجنيني


انا بقول اخد العربية دي اتعلم فيها وبعد كدة ادخلها عمرة سمكرة ودوكو

ولو حسبناها انا حاخدها مثلا ب 23 وتتدخل عمرة في حدود 3 يبقي وقفت ب 26 والعربية تبقي معمولة علي ايدي؟؟؟؟؟

اية رائيكم؟؟؟

الرخصة تنتهي في اغسطس 2008

منتظر الرود العاجلة والسريعة

وليه وجع القلب
اصبر واشتري حاجه تكون حالتها انضف
البارومه في السقف مش ممكن تتعالج بدون مشاكل اخرى

اقتباس:

---

المشاركة الأصلية كتبت بواسطة a0abde01

وليه وجع القلب
اصبر واشتري حاجه تكون حالتها انضف
البارومه في السقف مش ممكن تتعالج بدون مشاكل اخرى

---

شكرا لردك يا غالي بس اية موضوع مشاكل اخري
بس انا شايف ان سعر العربية حلو
لان اللي زيها وحالتة نضيفة بيعمل حوالي 27

طيب مانت بتقول انه بعد انت ما توضبها حاتكلفك 26 يبقى زود الف وريح دماغك
وبعدين الصدأ ليس له علاج مهما كانت حرفيه السمكري الصدأ حيرجع تاني
وبعدين ايه سبب تغيير اللون و رش دواخل
بلاش احسن
و اشتري راحة بالك

اقتباس:

---

المشاركة الأصلية كتبت بواسطة a0abde01

طيب مانت بتقول انه بعد انت ما توضبها حاتكلفك 26 يبقى زود الف وريح دماغك
وبعدين الصدأ ليس له علاج مهما كانت حرفيه السمكري الصدأ حيرجع تاني
وبعدين ايه سبب تغيير اللون و رش دواخل
بلاش احسن
و اشتري راحة بالك

---

والله ما عارف يا باشا
علي العموم انتظر رد باقي الاعضاء ,وربنا يكرممم
شكرا لردك يا غالي

عربيه فيها بارومه في السقف بلاااااااااااااااااااش منها
العربيات دي سقفها جامد جدا كون ان يبقي فيه بارومه يبقي خلاص في نهايتها.
لو بارومه تحت البربيز اوك دي عادي و في كل العربيات
انما لو من اجناب السقف يبقي بلاش منها

اقتباس:

---

المشاركة الأصلية كتبت بواسطة hazem_khidr

عربيه فيها بارومه في السقف بلاااااااااااااااااااش منها
العربيات دي سقفها جامد جدا كون ان يبقي فيه بارومه يبقي خلاص في نهايتها.
لو بارومه تحت البربيز اوك دي عادي و في كل العربيات
انما لو من اجناب السقف يبقي بلاش منها

---

شكرا لردك يااستاذ حازم

بس دي حتة صغيرة اوي اوي د
اصغر من صوبع اليد الصغير
وكمان السعر اللي هوة طالبة يا باشاا 23500 من بقة بدون كلام مني لسة

رائيك اية؟

بلاش منها احسن
دي بدايه و بدايه كبيره كمان و ما خفي كان اعظم.
من رايي بالمبلغ دا تشوف 128 موديل عالي احسن
و عمرها ما حتخسر و يوم ما تبيع الف من يقف علي الباب ياخدها منك

بس انا عاوز لادا واللهي يا باشا عشان ظروف عملي عاوزة عربية قوية شوية للمشاوير البعيدة

طيب نقول حاجة حلوة

العربية دي تسوي كام زي ما بقولك
4 فرد كاوتش جداد
فرش نضيف
صدر وشنطة سلام علي كلام الصنايعي
ماتور 70%
موديل 95

دي تسوي كام تقريبا

ااااااااااااااه
موديل 95 افتكرت موديل قديم (ابو عيون:) )
لا كده تمنها ممتاز بس يا ريت تشوف حاجه انضف و مش راشه دواخل لان الموديل كده عالي وراشه دواخل حتي لو نضافه يبقي مش كويس

اقتباس:

---

المشاركة الأصلية كتبت بواسطة hazem_khidr

ااااااااااااااه
موديل 95 افتكرت موديل قديم (ابو عيون:) )
لا كده تمنها ممتاز بس يا ريت تشوف حاجه انضف و مش راشه دواخل لان الموديل كده عالي وراشه دواخل حتي لو نضافه يبقي مش كويس

---

ايوة يا عم انت كنت حتقلقني:)

بص ال 2105 النضيف بيعمل 28 الف
وفي مثل بيقول علي قد لحافك مد رجليك

انا معيش غير دول

اخدها اتعلم فيها واوضبها ب 3000 جنية وتبقي كويسة
اناا شايف ان السعر حلو
والبارومة اللي فيها مش كتير اوي يعني
معقولة
والماتور حلو
تسوي 23000؟؟

طب اوك معاك
بسعربيه 95 و راشه دواخل دي تقلق
ما احبش بقي كلام دي راشه نضافه و اصله مغير لونها الكلام دا ما يدخلش دماغي
كلام صنايعيه و تجار .
و بعدين عربيه اساسياته شكلها مش تمام يبقي بلاش منها
عرف لو الموتور بايظ كنت حقولك مش مشكله ناخدها و نغير موتور و فتيس انما سقف و قوايم و اساسيات يبقي لاء قلتها احسن

يا باشاا انا معاك في دة كلة وهية راشة بس فعلا الحوض وصدر العربية والشنطة نضاف ودة علي كلام معرفة خاصة بي ملهاش اي علاقة بالراجل

لكن هوة قالي العربية دي مشغولة

ومتزعلش مني هية لو نضيفة مكنش طلب 23500 لان دي لو نضيف يوم ما يرميها رمي ويكون مش بيعرف يبيع تسوي 25000 بالميتتت

المهم يا باشااا


دي علي حالتها كدة تسوي كام بسعر السوق ؟
انا اللي عاجبني فيها
1 موديل حديث 95 بعيد عن قلق المستعمل والقوانين اللي ممكن تتطلع !
2 العربية عاوزة تتوضب ,يعني انا اتعلم السواقة وبعدين نوضب خلال ال 4 شهور
3 انا علي خبرتي البسيطة في التدوير شايف سعرها معقول وطبععا مش حتصرف الا بعد رد باقي اخواني الاعضاء وسماع ارائهمم

معلش صدعتك معايا
ومنتظر ردك

اولا لا صددعتني و لا حاجه :)
و انا سعيداني بتكلم معاك.
انا فاهم قصدك كويس.
بس انا بتكلم في حاجه ايا كانت العربيه اساسيتها مش سليمه ما تستاهلش مليم .
اهو صاحبك قالك العربيه مشغوله بذات نفسه طب دا معناه ايه؟؟؟؟؟؟
و بعدين انت ما جربتش يعني ايه تركب عربيه اساسيتها تعبانه صدقني حتزهقكك
تلاقي الباب مش مضبوط و لو واخده خابطه تلاقي العربيه بتحدف و مش عارف سبب الحدفه دي ايه.
انا بقولك علي خلاصه تجارب في العربيات كتييييييييييييير اوي و علي مدار 20 سنه و انا باخد بالي من الحاجات دي.
حقولك حاجه بسيطه
مش بتشوف عربيات لادا عامله خبطه جامده و مش متاثره؟؟
و عربيات تانيه من خبطه بسيطه بتلاقيها ادمرت؟؟؟؟؟
هو دا بقي الفرق بين العربيه الملعوب فيها و العربيه السليمه

رايي تستني شويه لحد ما ربنا يكرمك بقرشين زياده و تجيب عربيه لادا محترمه و تريح دماغك

اقتباس:

---

المشاركة الأصلية كتبت بواسطة hazem_khidr

رايي تستني شويه لحد ما ربنا يكرمك بقرشين زياده و تجيب عربيه لادا محترمه و تريح دماغك

---

شكرا لردك يا باشاااا واسف لازعاجك

وبرضة منتظر ردود باقي الاعضاء

والعربية دي تسوي كام؟؟؟؟

اقتباس:

---

المشاركة الأصلية كتبت بواسطة hamadaalo2002

ايوة يا عم انت كنت حتقلقني:)

بص ال 2105 النضيف بيعمل 28 الف
وفي مثل بيقول علي قد لحافك مد رجليك

انا معيش غير دول

اخدها اتعلم فيها واوضبها ب 3000 جنية وتبقي كويسة
اناا شايف ان السعر حلو
والبارومة اللي فيها مش كتير اوي يعني
معقولة
والماتور حلو
تسوي 23000؟؟

---

واضح انك متمسك بالعربيه دي اوي

يا اخي الكريم بالراحه كدة
العربيه ب 23 و انت هتصرف عليها 3 يبقا 26 و لما تتعلم عليها و تبقا تمام و تيجي تبيعها هتبيعها على انها راشه دواخل بردو
يعني هتخسر فيها
و ازاي العربيه النضيفه بتعمل 28 و عربيه راشه دواخل تقل 5 الاف بس؟؟؟؟؟؟؟؟؟؟؟؟؟؟؟؟؟؟؟؟؟

انا معرفش في سعر اللادا لكن مقارنة بسعر العربيه الكويسه على كلامك اللى هوا 28 و سعر العربيه دي يبقا وحش جداااااااااااااااااا
اودامك حاجة من اتنين يا اما تصبر و تجيب اللى ب 28 و لو مش هتقدر يبقا تجيب 128 تتعلم عليها بالسعر دة و هتلاقي واحدة نضيفه جدا

القفصد انك تجيب عربيه تكون حالتها كويسه جدا جدا اهم من انك تكون راكب موديل حديث او ماركه معينه في حين انها (مشغوله)

هتريحك و انت راكبها و هتريح و انت بتبيعها و مش هتخسر فلوسها

انا مع الاخ hazem_khidr في الابتعاد عن العربية دي ... ازاي عربية لادا موديل 95 ترش جوة ؟؟؟ دي عربية دواخلها ناشفة جدا و موضوع انها تترش جوة يبقي معني الكلام انها عاملة حادثة جامدة اوي!!
وكمان الصنايعي قالك انها عربية ( مشغولة ) وده معناه ان كان فيها سمكرة في الدواخل و اذا كانت حاجة بسيطة اكيد ما كانش صاحبها حيرشها كلها من جوة وكمان مغيرة لون ........
العربية دي لو انت اشتريتها و حبيت بعد كده تغيرها حتلاقي ان بيعها حيبقي صعب جدا و كمان انت بتقول ممكن حتخلصها علي 23 الف و تصلحها ب3000 يعني حتقف عليك ب26 الف .....
لو بعتها بعد ما تصلحها عمرها ما حتجيب 26000 طالما هي راشة جوة و مغيرة لون

اقتباس:

---

المشاركة الأصلية كتبت بواسطة ابو سيف

واضح انك متمسك بالعربيه دي اوي

يا اخي الكريم بالراحه كدة
العربيه ب 23 و انت هتصرف عليها 3 يبقا 26 و لما تتعلم عليها و تبقا تمام و تيجي تبيعها هتبيعها على انها راشه دواخل بردو
يعني هتخسر فيها
و ازاي العربيه النضيفه بتعمل 28 و عربيه راشه دواخل تقل 5 الاف بس؟؟؟؟؟؟؟؟؟؟؟؟؟؟؟؟؟؟؟؟؟

انا معرفش في سعر اللادا لكن مقارنة بسعر العربيه الكويسه على كلامك اللى هوا 28 و سعر العربيه دي يبقا وحش جداااااااااااااااااا
اودامك حاجة من اتنين يا اما تصبر و تجيب اللى ب 28 و لو مش هتقدر يبقا تجيب 128 تتعلم عليها بالسعر دة و هتلاقي واحدة نضيفه جدا

القفصد انك تجيب عربيه تكون حالتها كويسه جدا جدا اهم من انك تكون راكب موديل حديث او ماركه معينه في حين انها (مشغوله)

هتريحك و انت راكبها و هتريح و انت بتبيعها و مش هتخسر فلوسها

---

صدقني يا ابو سيف مش متمسك ولا حاجة
بس بجد لفيت كتير اوي اوي اوي
بداية من الفيورا وبعد كدة قالو الفيورا ضعيفة
وال 128 فيها عيوب ومتنفعش مشاوير تقيلة
حلكك انك تجيب لادا

طيب يا جماعة نجيب لادا موديل كام؟قالو القديم عليه مشاكل ووجع دماغ طويب اية الحل!!!
قالو هات موديل تسعينات

بسس دة الموضوع من اولة لاخره فانا تعبت من اللف الكتير
وشايف من خلال متابعتي لسعر السوق ان ال 2105 موديل 95 تبدا اقل حاجة من 25 الي 29

بس

ومنتظر ارئكم اللي انا حعمل بيها باذن الله

اقتباس:

---

المشاركة الأصلية كتبت بواسطة thegoodhacker

انا مع الاخ hazem_khidr في الابتعاد عن العربية دي ... ازاي عربية لادا موديل 95 ترش جوة ؟؟؟ دي عربية دواخلها ناشفة جدا و موضوع انها تترش جوة يبقي معني الكلام انها عاملة حادثة جامدة اوي!!
وكمان الصنايعي قالك انها عربية ( مشغولة ) وده معناه ان كان فيها سمكرة في الدواخل و اذا كانت حاجة بسيطة اكيد ما كانش صاحبها حيرشها كلها من جوة وكمان مغيرة لون ........
العربية دي لو انت اشتريتها و حبيت بعد كده تغيرها حتلاقي ان بيعها حيبقي صعب جدا و كمان انت بتقول ممكن حتخلصها علي 23 الف و تصلحها ب3000 يعني حتقف عليك ب26 الف .....
لو بعتها بعد ما تصلحها عمرها ما حتجيب 26000 طالما هي راشة جوة و مغيرة لون

---

يا اهلا با ابن مدينتي :)
ربنا يكون كرمك كدة وتلاقي ال الفيورا اللي بتددور عليها ان شاء الله

طيب بصم يا شباب دي تسوا كام كدة؟؟؟؟؟

طيب يا باشا دلوقتي هيه بتعمل من 25 الى 29 طيب متدور على واحدة نضيفه بالسعر دة يبقا كسبت راحة البال و مش هتخسر فلوسك عند اعادة البيع و تكون راكب عربيه مضمونه
و لو مش معاك السعر دة ممكن تنزل موديل سنه و لا اتنين و العربيه تكون نضيفه و مش مشغوله و لا فيها شغل في الدواخل احسن مييييييييييييييييت مرة من عربيه اعلى منها خمس سنين و مشغوله

والله يا باشاا دورت وكل الناس اللي اعرفهم قالو لي متشتريش عربية من تاجر خد من واحد يكون ركيب للعربية ,فبالتالي نطاق البحث بتاعي ضيق شوية وتعبت من البحث بس مش مشكلة اصبر لغاية لما الاقي حاجة كويسة

طيب العربية دي تسوي كام علي حالتها كدة؟

نقول 15000 ولا نقول 20000 ولاكام تقريبا؟

اقتباس:

---

المشاركة الأصلية كتبت بواسطة hamadaalo2002

يا اهلا با ابن مدينتي :)
ربنا يكون كرمك كدة وتلاقي ال الفيورا اللي بتددور عليها ان شاء الله

طيب بصم يا شباب دي تسوا كام كدة؟؟؟؟؟

---

انا قلت امسي بس علي زميلي القديم و ابن الاسكندرية :)
لسة للاسف ربنا ما وفقش في عربية كويسة و انا خلاص بدات افقد الامل لاني مش بلاقي عربية كويسة بتتباع بسعر معقول ........ اللي بيبيع عربية كويسة دلوقتي بيبيعها بيع غناوة يا يكسب فيها يا اما ما يبيعش خالص :mad:
اعتقد ان العربية اللي معروضة عليك ممكن تجيب 20000 و تصلحها بعد كده ب3 الاف كمان تبقي ب23 الف ..... بس انا ما انصحكش بيها خالص ....... اذا صممت علي شرائها خلي واحد سمكري تاني برضه يبصلك عليها تاني علشان يتاكد انها مش مغيرة اربع ولا انصص و جرب تسوقها و شوف لو فيها مشاكل حدف ولا حاجة و تشوف كمان موتورها و الجيربوكس و الكورونة !!

لو العربيه الحلوة بتاعتها بتعمل 27 متوسط مثلا

و دي راشه دواخل
موديل مش قديم 95
باروما لا سيما في السقف
يبقا رأي الشخصي ميدفعش فيها اكتر من 17 و دة في حالة ان في سمكري ثقه قالك ان الشغل اللى معمول فيها نضيف و مش متكروته و مش محتاجه تتسمكر و لا تترش من تاني

انت شكلك كده مستني لما حد يقولك اتوكل على الله دي كويسه شيل يا جدع
من واقع خبره طويله انا مش عارف انت عمرك قد ايه لكن انا يكفي اني اقولك اول رخصة سواقه لي كانت سنة 1987 ,شاور نفسك كويس انت اللى حتدفع وانت اللى حاتسوق وانت اللي حتدبس
فكر واستخير الله
وبرضه اشتري حاجه تانيه دي عربيه تعباااااااااااااانه بلاش منها

شكرا لردودكم جميعا يا جماعة وانا فعلا كدة حفكر اصرف نظر عنها ,اشوف حاجة تانية باذن الله

اقتباس:

---

المشاركة الأصلية كتبت بواسطة a0abde01

انت شكلك كده مستني لما حد يقولك اتوكل على الله دي كويسه شيل يا جدع
من واقع خبره طويله انا مش عارف انت عمرك قد ايه لكن انا يكفي اني اقولك اول رخصة سواقه لي كانت سنة 1987 ,شاور نفسك كويس انت اللى حتدفع وانت اللى حاتسوق وانت اللي حتدبس
فكر واستخير الله
وبرضه اشتري حاجه تانيه دي عربيه تعباااااااااااااانه بلاش منها

---

لا واللهي مش كدة ,بس انا فعلا كنت منتظر الاراء وعلي كلامكم كدة واضح انها علي قدها وغير مناسبة ليا ,حشوف حاجة تانية وربنا يكرم

بص يا باشا دى عن تجربه فى كذا نوع عربيات العربيه اللى تعمل حادثه و توصل لانك ترش دواخل ماتسويش جنيه و عمرها ما حتظبط و لو جبت شيوخ الصنايعيه و زى ما الاخوة قالو اشترى موديل اقدم سنه او سنتين احسن من عربيه مشغوله ببلاش لانك لو حاولت بعد كدة تبيعها محدش حيشتريها

انا لما بنزل اشترى عربيه مع واحد صاحبى و لقيت مرشوشه دواخل مببصش اصلا عليها حتى لو موديل تمانينات

و لو تمشى معاك لادا موديل 94 ادخل على اللينك دة حتلاقى واحدة
http://car100100.com/search.php?sear...ake_model=Lada

او ده حتلاقى اكتر من واحدة
http://www.contactcars.com/UsedCars_...D=64&ModelID=0

و دور فى الوسيط دى برضه بتبقى عربيات ناس بتبيعها مش تجار
بس نصيحه اشترى عربيه سليمه احسن علشان لما تصلح حاجه او تزبط فيها حاجه تحس بيها و لما تنزى تبيع تلاقى 1000 مشترى

اقتباس:

---

المشاركة الأصلية كتبت بواسطة emadno1

بص يا باشا دى عن تجربه فى كذا نوع عربيات العربيه اللى تعمل حادثه و توصل لانك ترش دواخل ماتسويش جنيه و عمرها ما حتظبط و لو جبت شيوخ الصنايعيه و زى ما الاخوة قالو اشترى موديل اقدم سنه او سنتين احسن من عربيه مشغوله ببلاش لانك لو حاولت بعد كدة تبيعها محدش حيشتريها

انا لما بنزل اشترى عربيه مع واحد صاحبى و لقيت مرشوشه دواخل مببصش اصلا عليها حتى لو موديل تمانينات

و لو تمشى معاك لادا موديل 94 ادخل على اللينك دة حتلاقى واحدة
http://car100100.com/search.php?sear...ake_model=Lada

او ده حتلاقى اكتر من واحدة
http://www.contactcars.com/UsedCars_...D=64&ModelID=0

و دور فى الوسيط دى برضه بتبقى عربيات ناس بتبيعها مش تجار
بس نصيحه اشترى عربيه سليمه احسن علشان لما تصلح حاجه او تزبط فيها حاجه تحس بيها و لما تنزى تبيع تلاقى 1000 مشترى

---

والله يا باشا انا حشوف حاجة تانية واريح دماغي
وربنا يكرم