صوت عالي عند فصل التكييف ,لانوس 2

**wael_power** · 12-03-2011 01:39 PM

ممكن سؤال عندي مشكلة عندي في تكييف لانوس2 من خبراء المنتدي الكرام
انا التكييف عندي شغال زي الفل وتبريده تمام ومافيش اي مشكلة اثناء تشغيله المشكلة اثناء فصلة بسمع
صوت احتكاك عالي جدا من ناحية الكومبرسور ومش بيفصل غير بعد فترة حوالي 10 دقائق والموتور شغال , ولو طفيت المحرك وشغلت العرربية تاني بعد فترة يكون الصوت شغال ايضا ومايفصلش برده الا بعد تشغيل السيارة لفترة فوق عشر دقائق تقريبا
مع العلم لو شغلت التكييف الصوت بيروح خالص

وشكرا جزيلا لكل الاعضاء

**tarek_2005** · 12-03-2011 01:45 PM

عيب كتاوت كمبرسور

**wael_power** · 13-03-2011 02:38 PM

طب ممكن اعرف الكتاوت ديه فين؟ هل في علبة الفيوزات السوداء ام مكان اخر
وشكرا جزيلا لاهتمامك

**tarek_2005** · 13-03-2011 03:01 PM

علبة فيوزات المحرك

**sala7** · 15-03-2011 12:16 PM

معلش هو حضرتك بتقول احتكاك ما بيروحش غير بعد 10 دقايق و الصوت ده ناحية الكمبريسور
طيب ده ايه علاقته بالكتاوت ؟؟؟

هو طلاما في صوت احتكاك و من ناحية الكمبريسور يبقا ممكن تشيك على السيور يمكن هي دي تكون عامله صوت الاحتكاك اللي حضرتك بتقول عليه ....
1- شيك على سير كمبريسور المكيف .
2- شيك على سير الدينامو .

**tarek_2005** · 15-03-2011 12:40 PM

الكباس ما بيفصلش الا بعد عشر دقائق معناها ان الكتاوت لادع

**sala7** · 16-03-2011 08:21 AM

المشاركة الأصلية كتبت بواسطة wael_power

شكرا لاهتمامكم
انا غيرت الكتاوت والعيب زي ما هو والكتاوت كانت سليمة
وغيرت الدايود رقم 9 السيلكونة اللي في سكة كتاوت الكومبروسور طبقا للرسومات الكهربية لدائرة الكومبرسور الموجوده في علبة فيوزات المحرك
ومع ذلك برده الصوت ذي ماهو بعد فصل التكييف
وبالنسبة للسيور غيرتها بالكامل من اول ماحصلت المشكلة وماكنش في نتيجة
انا اعتقد ان العيب كده من داخل الكومبرسور بس ياريت اتاكد من الساده اهل الخبرة
ولكم جزيل الشكر

طيب طلاما انك مغير السيور و انك متأكد ان الصوت ده من جوة الكمبريسور ، يبقا كدا يا معلم الكمبريسور بيودع ... بس معرفش و مش متأكد لو ممكن تغير الكباية و ترجع تعبيه تاني غاز و زيت كمبريسور في حالة الكمبريسور الحالية و تجرب هل هيقبل التغيرات الجديده و الصوت ده هيروح ولا لأ .... ولا هو كدا خلاص و دع فعلا و ملحقتوش ؟؟؟
اللي هقولة ده صح 100 × 100 و عن تجربه ... فيه حاجه كدا شبة الكوباية الالومنيوم موجوده في مقدمة العربية يعني على يمين الكلاكس و دي وظيفتها تنقية الفريون اثناء تشغيل الكمبريسور و دي لما بتتملي رايش ووساخة الناتجه من احتكاك بساتم الكمبريسور بيحصلها انها بتتكتم و بتحمل على الكمبريسور و يبتدي بقا الكمبريسور يطلع صوت كدا خفيف و بعد كدا الصوت ده يبتدي يعلا مع الاستخدام و في اخر المطاف خالص الكمبريسور يقفش و يخلي المكنه تبطل.
المفروض قبل ما الكمبريسور بيوصل للمرحلة دي اننا بنغير الكوباية الالومنيوم دي كل فتره علشان نحافظ على الكمبريسور و كمان لازم نغير زيت الفريون بزيت نوعية اصلية و غاز الفريون يكون امريكي في كل مرة بنغير فيها الكباية .