و رجعت ريما لعادتها القديمه

**WalidAdel** · 12-03-2011 02:31 PM

انهارده كنت عند مستشفي الشبراويشي و لاقيت ان شرطة المرور نازله بكثافه و ابتدي طبعا الكلابشات الظريفه كانت موجوده و بالفعل تم كلبشة بعض العربيات اللي واقفه صف تاني و سالت الامين قالي ابتدينا بقي في الكلبشات لكن المخالفات ليسه و طبعا مافيش دفع فوري لاي حاجه بتاخد وصل بس من الونش و يفكلك الكلابش
و قعد الامين يتكلم معايا ان احنا شعب واحد و لازم نخاف علي بعض و لازم نبتدي نؤدي مهمتنا في المجتمع و كفايه اللي حصل و لازم كل واحد يؤدي دوره علي اكمل وجه واحنا مش ضدكوا في موضوع المخالفات و المحمول و كده لاننا بنحافظ علي ارواحكوا لانك مثلا لو بتتكلم في التليفون ممكن تعمل حادئه لاقدر الله و تبقي بدل مكنت هانبهك علشان تبطل تمسك التليفون وانت سايق دلوقتي دخلنا في قصه تانيه و هيا حادثه و دي تكلفه عليك قبل ماتكون مشكله لينا
و بيقولي مالها سماعات الموبيلات مالموبيل اتعمل مش علشان نسئ استخدامه انما في وسائل اخري علشان تحمي نفسك و غيرك و ماتبقاش مشغول بيه وانت سايق و يتسبب في حادثه وانك هاتضر نفسك و الغير و الموبايلات دلوقتي كلها بقي ليها سماعات اذن و قعد يقولي كام أيه من القران يعني علشان يقنعني اكتر
المهم مش هاطول عليكوا قعد يديني محاضره ربع ساعه مثلا عن اداب القياده و احترام الاشارات و كده
بس قالي ليسه مابدئناش في موضوع تسجيل المخالفات دي
انا قولت انوه للناس لان واضح ان في شكل جديد لشرطة المرور عقبال الباقي يارب
و المرور من المستشفي من عند فوق نفق الدقي كده مرورا ب التحرير التواجد المروري و كويس و مافيش اي مشاكل و الناس مبسوطه و التليفزيون بيصور و الحياه لووووووووز يعني و كان في مضاهره كده بين كوبري قصر النيل و التحرير و حاطين علم ليبيا و كان الجيش واقف كده بيراقب الامن
اسف للاطاله

**MISS_MONA** · 12-03-2011 03:05 PM

بصراحه احسن عشان فى ناس كانت بتركن فى اى مكان حتى ولو الشارع اتقفل بسببهم مش مهم

**kar!m** · 12-03-2011 03:23 PM

و الله كويس .. أتمنى انه يكون مقتنع باللى هو بيقوله.

تانى الحاجه .. الموضوع مش مجرد ان المواطن يلتزم بس .. الموضوع انك تعمل بنية تحتية كويسة بحيث انها تساعد المواطن انه يلتزم و بعدين تطبق المخالفات .

يعنى مثلا متطلبش من سواق المينى باص انه يقف فى محطاته و مينزلش راكب فى وسط الطريق .. و أصلا مفيش محطات عشان يقف فيها .. أو مش معموله بطريقه ان المواطن يقدر يقف فيها و الباص ييجى لحد عنده و بعدين يركب.

و مثلا لازم الشوارع التجارية يكون فيها أماكن للركن عشان اللى ييجى يشترى حاجه يلاقى مكان يركن عربيته فيها.

و الرصيف يتشال من عليه المخالفات عشان الناس تمشى على الرصيف مش فى نهر الطريق.

لسه قدامنا كتير بس ان شاء الله فى أمل.

**abdalah_hashem** · 12-03-2011 03:40 PM

كويس جدا وهما لازم هيرجعوا واحدة واحدة
وبعدين هما كدة معندهمش غلط اللى واقف صف تانى عمال يقول التغيير وهو مغيرش نفسة يبقى يستاهل
وربنا يسهل

**Nistelrooy** · 12-03-2011 03:49 PM

خطوة ايجابية .. ومع حكاية الموبيل كمان .. هو احنا اقل من الدول الي برا ولا اية ؟!
عقبال لما نشوف دوريات بتلف دايما في كل مكان ويكون منها المتخفي والظاهر ...

**dr_radioooooo** · 12-03-2011 05:37 PM

الشرطة رجعت
حمد لله عالسلامة
مع ان الواحد كان مبسوط بالمشى عكس الاتجاه و الركنة فى اى جتة ههههههههههههه

**ahmedsrs** · 12-03-2011 05:54 PM

المشاركة الأصلية كتبت بواسطة eldell

طيب ديه حاجه كويسه حكايه الكلابشات علشان الناس تلتزم بالقوانين بالنسبه لانهم نزلو تانى برضه ديه حاجه كويسه بس ميكنوش زى الاول يعنى المخالف يتحمل نتيجه غلطه

مفيش مشكلة مع تطبيق القانون

**WalidAdel** · 12-03-2011 06:05 PM

فعلا الحمد لله و الحته اللي عجبتني اكتر عدم التحصيل الفوري للمخالفات دي بردوا حاجه كويسه كنت بحسها قلة ادب بزياده انه حاطط ايده في جيبك علطول يعني
يارب بس الناس هيا اللي تلتزم دا يام زمان لما مكنش في مرور كانت الحياه هييييييييصه علي الاخر و لما تيجي تكلم حد ممكن يتخانق معاك كمان .... احد مضاهر البلطجه يعني

-

الموضوع: و رجعت ريما لعادتها القديمه

LinkBack

أدوات الموضوع

عرض

-

-

-

-

المواضيع المتشابهه

سيراتو القديمه و الا الجديده

سيراتو 2008 القديمه

سيراتو القديمه \جين 2\صني

اعلانات السيارات القديمه

الكلمات الدلالية لهذا الموضوع

المفضلات

المفضلات

ضوابط المشاركة