الموضوع: حكاية أم صابر ..... حدوتة من قلب الريف المصري

الواد سيد واخوه ابو سريع ولاد ام صابر الصغيرين راحو امبارح عملو عركة مع جرانهم وولعو في الجرن بتاع الجيران والنار كانت ح تمسك ف الارض كلاتها
عشان اولاد الجيران جارو على الحد الشرقي بتاع ارضهم
وامهم بقت في مشكلة
دي مصدقت بدأت تسترد عافيتها وتنزل تشتغل ف الغيط
وجيرانها دول ناس رزلة وهي كانت عامنول عملة قعدة صلح معاهم عشان تتقي شرهم
يعين يا ولاد لما انتو شوفتو انهم جارو على ارضنا مش تسيبوني انا اتصرف وياهم
بدل ما تحرقولهم زرعهم والدنيا تتهد .... وانتو شايفين اني مريضة ومش حمل بهدلة مع الجيران
دلوقت اقول ايه للناس اللي حضرو الصلح ..... اقولهم ان ام صابر مش قادرة توفي بكلمتها اللي اتفقت عليها .... انتو عاوزين الناس تاكل وشي .... ده انا سمعتي اغلى من ارضي
آي نعم انتو خليتوهم عمرهم ما يفكرو يقربو من ارضنا ...... لكن برضو كل شيء بالعقل يا ولاد .... اوعو تخلو حد يسخنكو كدة تاني ..... المرة دي جت سليمة لكن اي عيل فيكو ح يعمل كدة تاني .... ح انسى انه ابني وح اربطه في المحرات واطلع البلا الازرق على جتته