الموضوع: دعوة لشراء المنتجات المصرية إنقاذا للإقتصاد المصري

المشاركة الأصلية كتبت بواسطة dr.amr

بس المنتجات المصريه سيئه لاقصي درجه
انا اشتريت تليفزيون هاي سينس تقفيل مصري والتاني باناسونيك فييرا سنغافوري لواحد قريبي
المصري سيء جدا مقارنه بال سنغافوري

الاخ الفاضل د.عمرو
طبعا التعميم ظالم (( بأن المنتجات المصرية سيئة لاقصي درجة ))
لو حضرتك تلاحظ ان الصناعة الصينية بدأت بأنتاج اسوأ بضائع في العالم
و مع ذلك مع الانتشار الواسع استطاعت ان تحسن من منتجاتها و استطاعت ان تنافس دول العالم المتقدمة
فهل بلدنا لا تحتاج مجرد تضحية بسيطة من الجيل الحالي كي تنعم اجيال قادمة بالخير الذي حرمنا نحن منه
و اذكر لحضرتك مثلا بعض الامثلة من الصناعة المصرية التي لا غني عنها و التي لا يخلو بيت مصري منها
(( الاثاث - الاجهزة المعمرة من ثلاجات و غسالات و سخانات - ملابس )) و الدعوة ايضا لتفعيل شراء المواد المصنعة في مصر و ان نسعي للجيد منها كي يرتقي اكثر و اكثر و يكون له القدرة علي منافسة المستورد عموما ربنا يوفق اهل الصناعة علي النهوض بالصناعة الوطنية لاعلي المراتب و تناسب كافة الطبقات

المشاركة الأصلية كتبت بواسطة kono

انا معاك بس هى ايه السلع المصرية ؟؟؟
طب والمستوردين ؟؟؟ما احنا لو بطلنا نشترى المستورد المستوردين دول هبتأثروا خصوصا الصغار

السلع المصرية كثيرة جدا تنافس سلع مستوردة
و الموضوع بيبدأ حينما تنوي شراء سلعة معينة
مثلا كان في موضوع هنا في المنتدي علي السخانات مثلا
نجد ان المعروض في الاسواق (( توشيبا و ايديال و كريازي و انواع اخري مستوردة )) الدعوة الان ان نختار احسن الانواع من المصنعين داخل مصر حتي يستطيع المصنع علي الاستمرار (( اي تشغيل ايدي عاملة مصرية حتي لو لم يعين جديد و لكن يستطيع ان يحافظ علي العمالة الموجودة عنده حاليا )) و غيرها من المنتجات حتي اليومية منها زي المعلبات (( صلصة - تونة - عصائر )) و غيرها و غيرها
و ربنا يوفق البلد لما فيه الخير
و بالنسبة للمستورد فلا تقلق حضرتك ابدا عليه لانه عبارة عن مكتب به فرد او مجموعة صغيرة تستطيع ان تغير من نشاطها و تستورد اشياء لا تنتج في مصر و العكس غير صحيح تخيل حضرتك المصنع بالعمالة الموجودة فيه لو تم غلقة بسبب ضعف المبيعات هل يمكن له تغيير نشاطة او تغيير الماكينات به اتوقع الاجابة بلا
تقبل تحياتي

م.حاتم السباعي