سؤال في التأمين

**ahmedezar** · 12-03-2011 11:00 PM

السلام عليكم يا جماعة

كان عندي إستفسار في إختيار شركة التأمين عشان بشتري عربية تقسيط ومحتار مش عارف أختار

اولا مصر للتأمين 2.5% ده عرض عندنا في الشركة ونسبة تحمل 10% من المطالبة

ثانيا قناه السويس للتأمين 3.2% و 4 في الألف من ثمن العربية تحمل أي كانت تكلفة المطالبة

اي معلومات تانيه معرفهاش ومش عارف اعمل ايه ومحتاج أخد قرار

أيه رأيكم.

**A.Saad** · 13-03-2011 12:05 AM

شوف عناصر المقارنة اللى فى الموضوع ده
http://www.nilemotors.net/Nile/74440-a.html

تانى حاجة بفرض ان تمن العربية 80000
هنفترض سيناريو حادث غالى -30000 جم - وسيناريو حادث رخيص- 1000 - ونشوف مين الاكتر تكلفة فى الشركتين
مصر للتأمين فى الغالى هتدفع 3000 جم وفى الرخيص هتدفع 100 جم
قناة السويس : 320 جم وفى الرخيص برده عتدفع 320 جم
قسط شركة قناة السويس السنوى اغلى طبعا

نقطة مهمة بقى : اغلب الوثائق فى السوق مش بتغطى حوادث الشغب والاضطرابات الاهلية ، يعنى لو واحد عربيته اكسرت بسبب مظاهرة مالوش عند الشركة حاجة
هل فيه شركة منهم ممكن تدى تغطية للشغب والاضطرابات الاهلية
ده أهم سؤال فى الموضوع

**A.Saad** · 13-03-2011 11:11 PM

المشاركة الأصلية كتبت بواسطة ahmedezar

مشكور لمرورك

انا طبعا قريت الموضوع ده
بس معلش في حاجه غلط انا اللي هدفع ال 10 % تحمل في مصر للتأمين وهي هتدفع 90 %
انا كلمت قناه السويس النهارده وقالي بقي ان ال 4 في الالف دي هتبقي اساسي بتدفع في كل مطالبه بالإضافة لل 10% قطع الغيار لما اصلح في التوكيل :u_thin1[1]:

يعني مبلغ زيادة مش عارف ده موجود برضه في مصر للتأمين ولأ

يا استاذ احمد
انا حسابى فوق انك هتدفع ال 10%
جايز شكل الكتابة يبان ان الشركة اللى هتدفع لكن قصدى عليك

تانى حاجة : 10 % دى موجودة فى الاتنين ،واللى اعرفه ان مصر للتأمين التحمل فيها فى حالة الاصلاح فى التوكيل ومراكز الخدمة المعتمدة فقط مش كل المراكز ....... وبرده أتاكد
طيب قناة السويس : فيها تحمل عليك زيادة وقسط اعلى ........يبقى الكفة بترجح مصر للتأمين

من ناحية المعاملة : معتقدش هيكون فيه فروق كتير
من ناحية ان مصر للتأمين عرض من الشغل : لو فيه حد بيسهل الامور من حيث المعاينة واستخراج الورق والشيكات ده بيكون افضل
ومتنساش اول نقطة تغطية الشغب والاضطرابات الاهلية