عرض للطباعة
هو لو السينسور كي .. المفتاح يعني .. ضاع مثلاً .. العربية ممكن تدور ازاي ؟؟؟!! لما هي start engine... اية لزمت المفتاح التاني أصلا لما السينسور هو الاساسي و من غيرة العربية متمشيش ... المفتاح التاني العادي دة ايه وظيفتة ؟؟ السينسور كي دة يا تري بيتعمل في حدود كام لو حبيت اعمل واحد ناني لأن دة مهم جدا جدا و لو ضاع كدة يبقي كل عام و انتم طيبين ....... فا اللي عارف و عندو معلومات تفيدنا يقول
المفتاح العادى تستخدمه فى حالة ضياع او عدم شغل المفتاح السنسور مثلاً اذا بطاريته فضيت.ويمكن استخدام المفتاح العادى لفتح وغلق الابواب وتدوير السيارة .بس على ماأعتقد لازم تعرف العربية عليه اول مرة بمعنى انك تفتح العربية بالمفتاح السنسور وبعدين تدورها بالمفتاح العادى وتبطلها تانى وتقفل الباب بالمفتاح العادى وترجع تفتح الباب تانى بالمفتاح العادى.
دى معلوماتى من خبرة سابقة مع السوناتا وممكن باقى الزملاء يفيدوك اكتر.
(ماتراجع نفسك فى موضوع أسمك)
حاجة تقرف والله بس ما كنتش انا اللي عملة و نفسي أغيرة والله و مش عارف .. صباح الكسفة يا صحبي d :
لو لاحظت هتلاقى المفتاح اللى بتدور منه فيه زى زورارين لو دوست عليهم هيطلع معاك وتلاقى كوناكت عادى زى اى سيارة تدورها بالمفتاح العادى
يا كبير انا زعلت والله علي اللي حصل في عربيتك و ادي اخرت الحسد ... منهم لله و الحمد لله انها جات علي كدة ...... بس المهم الخلاصة يا سيدي انا روحت التوكيل انهاردة و قالي المفتاح العادي اللي معاك لازم بيتبرمج علي الكمبيوتر بتاع العربية بعد ما بتعمل الصيانة الاولي 2000 كيلو دي ....... قولتلو محدش قالي .. فاقالي لأ هات المفتاح عشان لازم يتبرمج .. عشان لو السينسور ضاع كدة شكراً ....... أصل انا حاولت ادور العربية بالمفتاح العادي مكانتش راضية تدور خالص ... يادوب تشغل الكاسيت بس ... فا عشان كدة كنت قلقان و هروح قريب اعمل اللي قالي علية ........... و عاماً الراجل قالي لو عاوز تعمل مفتاح سعرة 100 جنية العادي ... الريموت السينسور 650 !!! قولتلو متكملش كلامك خلاص ... و قاللي العربية لازم سينسور واحد بس مش ينفع اتنين عليها ..... لازم مفتاح عادي و ممكن كذا واحد كتير بس يكون العادي بقي ..... و قاللي لو عملت 10 سينسور كي واحد منهم بس اللي هيشتغل
اظن بييجى متبرمج (هم هيكسلو يبرمجوة برة!!!!؟ ) هجرب واقولك
طب واللى جوة الريموت (ناس كتير متعرفش ان جواة مفتاح احتياطى وخصوصا ان فكه صعب
لأ .. اللي جوا المفتاح بردو مكنش متبرمج معايا .... المهم انت طلع السينسور كي دة برا العربية خالص و متجيبوش معاك .. و خوش دور بالمفتاح عادي و شوف ... المهم تعمل كدة و السينسور مش معاك اهم حاجة .. و اعتبر انو ضايع و دور و جرب