ان شاء الله هكلمك يافندم
عرض للطباعة
الكريستالات حتلاقي من 43 ل60 فعلا
بس 60 دي قليل
الا لو متوضبه بقي
موتور وعفشه سبورت وجنوط وبتاع
انما كريستاله عاديه كده ب60 الف صعب اوي
لف كويس وانصحك نصيحه
ارفع العربيه عند مكان موثوق منه
من تاجر من شخص من حشره حتي
ارفع العربيه
تصدق بالله
انا معايا كريستاله
وبفكر ابيعها واجيب كريستاله بردو
:)
شوف بقي وصلت لايه
والكريستاله اللي انا عاوزها ب60 الف
وتستاهل الفلوس اللي حتدفع فيها
بس اخوك بيتجوز بقي دلوقتي
مش فاضي :)
بس حعملها ان شاء الله
يااما حوضب بتاعتي واظبطها
فطالما غاوي كريستاله يبقي انتا راجل عاوز الموديل ده
اصبر شويه لحد ما تلاقي حاجه كويسه
انا مش عارف اشكرك ازاى يافندم على المعلومات الجميلة دى و بجد اتمنالك التوفيق و النجاح الدائم :)
و الف الف مليون مبروك على الزواج و ان شاء الله سعيد دايما
بالنسبة للعربية اللى انا شفتها كانت واحدة صاحب المعرض بيقولى انها شركة برة و جوة و راشة رفرف امامى يمين نضافة و كانت كاملة اوتو و طالب فيها 65 مينقصوش لحلوح قصدى جنية
و التانية موديل 98 اللى بيسموها ارنبة و بيقولى برضه فبريكة برة و جوة و كانت مجنطة 15 كروم و كان طالب فيها 53 بردو مينزلوش خالص !
و لا زال البحث جارى ....
انا فعلا بموت فى موديل الكريستالة ده اوى و بموت اكتر فى تعديله بس للاسف العربية مش ليا دى لعمى و انا عايز اجيبله عربية كويسة مش محتاجة مصاريف عشان هاتقعد معاه و مش هايغيرها قريب ..
متشكر يا فندم على النصيحة و ان شاء الله هاعملها بس معلش على جهلى ارفعها ابوص على اية تحديدا ؟! اقصد يعنى اية اكتر عيوب منتشرة فى الكريستالة الواحد يحرص منها ( بما ان حضرتك ربنا يباركلك من ملاكها )... ؟
1- تكبس الموتور تشوفه حالته ايه لو اقل من 75 % متاخدش العربيه
2- تروح لعفشجي يقولك اخبار العفشه ايه والمساعدين ويكشفلك علي علبه الدرسكيون والبارات والاتياش لو فيه طقطقه ولا حاجه
3- سمكري يقولك حاله الرش والدواخل لتكون مقلوبه ولا مغيره نص ولا ربع ويقولك شركه بره وجوه
4- شوف التكييف شغال ولا لا وسخن وساقع ولا لا عشان انا لبست كمبروسر عشان قاللي عاوز شحن وطلع الكباس قافش وكباسها غالي ب700 جنيه
5- لا تدل ابدا فبريكه العربيه علي سعرها يعني معلش دي مش عربيه 2005 ولا 2006 المهم في العربيه حالتها العامه كموتور وشاسيه
خللي بالك ان عربيه بقالها 12 سنه علي الاقل وبكلمك في موديل 2000 يعني اخر موديل في الكريستاله
لو فبريقه بره وجوه زي ما بيقولوا حتبقي متجرحه وطالع عين امها لانها بقالها 12 سنه مترشتش
وساعتها انتا حتاخدها اول حاجه حتعملها حترشها
يبقي كأنك ياابو زيد ما غزيت
بص ياميدو
من الاخر كده
لو كريستاله 1300 مانيوال او اوتو مهما بلغت حالتها متدفعش فيها اكتر من 53 ل55 بالكتير اوي
وتكون ايه بقي
glx وتكون 2000 اخر موديلها وحاله نضفيه موووووووووت
يعني لو 99 98 السعر بيقل مش بيزيد
ومش حتفرق خالص فبريقه بره في السعر دي خالص
الا في حاله واحده
حاله شاذه بقي واحد جاب العربيه وهاجر وحطها في كيس وشالها في التلاجه وجه افتكرها بعد 10 سنين وقال يبيعها
ومع اني ليا تحفظ علي رفع العربيه وانها متشتغلش 10 سنين
وحتلاقي فيها عيوب من الركنه وحتحط ايدك فيها اكيد
ودي صعبه اوي في الكريستاله
لان الكريستاله كانت عامله زمان زي الماتركيس والفيرنا دلوقتي كده
مع كل الناس
والعربيه حلوه واثبتت كفاءه
فصعب اوي تلاقي عربيه كريستاله وعامله مثلا 50 الف ك
قليل اوي
طيب امتي بقي تدفع 60
زي ما قلتلك لو عربيه متوضبه
متسقطلها موتور وعفشه وجنوط بقي وتعديل في اكصدامات وبتاع
ودي شباب اللي حيركبوها مش عمك
ملحوظه تانيه احب اقولهالك
عربيه بقالها 10 سنين يبقي لازم تصرف ولازم يكون ايدك فيها علي طول
بس في عربيه تصرف عليها تسعدك وتهنيك
وفيه عربيه لو قلبتها وصرفت عليها تمنها مبتتعدلش
وحاجه اخيره حاول تشوف علي كونتاكت كار وعالنت وابعد عن التجار وخصوصا التجار اللي عندكو في المنصوره
ياااااااااااااااااااااااا ااه عاللي كنت بشوفه في السوق وانا بشتري عربيتي
العربيه عروسه قدامك ومرشوشه وجنوط
وتلاقي حالتها في الرفع زباله
وواحد تاني قابلته فرحان ان الشبكه الاماميه هيا الاصليه بتاعت العربيه متغيرتش وده معناه انها معملتش حوادث خالص
وقافش علي 53 وش عاوز ينزل مليم
ورحت رفعت العربيه وطلعت فيها قوايم
والتاني 52 وطلعت العربيه مقلوبه
ده انتا حتشوف حاجات
فضايح
اتقل ومتستعجلش ولو عاووز ترفع حاجه هنا في القاهره وقدامك حاجه وقلقان منها قولي
وفي المنصوره بقي دي منطقتك يعني
ربنا يقدم اللي فيه الخير
وانا لو فكرت اخد الكريستاله الي بقولك عليها دي يبقي حبيع عربيتي
خدها ياعم
بس مش حقدر انزل عن 65 الف
وهيا ولا فبريقه بره ولا بتاع
واصلا عاوزه رش اكصدامين وتغييرهم وعاوزه تترش كلها
بس هوا 65 بردو
غلاسه :)
بسم الله ما شاء الله
بجد المشاركة دى تستحق جايزة اجمل مشاركة و لازم تدخل موسوعة جينيس للجمال هههههههههه
ربنا يباركلك يا رب و يوفقك و يساعدك زى ما بتساعد غيرك
بجد جزاك الله خيرا على المعلومات الاكتر من رائعة دى ههههههه انا مش عارف اقول اية ولا اية d:
Login | Facebook
إتفرج وموجوده بالمنصوره
شغل الفرش بالكامل فى بورسعيد ومتكلف 3.000 جنيه
ومواصفات العربيه كالتالى
اللون كحلى كامله أوتوماتيك بدون فتحة سقف
موديل 98 متعدله وش 99
المواصفات
اللون كحلى
فبريقه جوه ورشه بره
شنطه ميراج
فوانيس خلفى ميراج
إكصدام أمامى ميراج ربر أصلى
أكصدام خلفى ميراج أصلى + إكصدام كريستاله عادى
فوانيس كريستال مربعه + فوانيس أصلى 98 مدوره
كبوت إسود + كبوت 98 أصلى كحلى لون العربيه
شبكه أماميه 99 + الشبكه الأصلى كحلى لون السياره + شبكه إسبور كحلى فى أبيض
الغيار أوتوماتيك
عدد الكيلوات حوالى 280000 كم سفريات
زجاج كهربا
مرايات كهربا
وحدة رفع
إنذار وسنتر لوك
باور
فرش جلد كامل سقف دواسه تابلوه فرش شنطه
لونين ابيض فى أزرق
طقم صوت كاسيت بايونير 5150
4 سماعات بايونير 460 وات
بازوكا
جى إم سيمفونى 740
زينون أصلى وارد الخارج عالى وواطى slim hid
جنوط إسبور 13 بوصه
زايده أمامى ربر أصلى
زوايد إكصدام خلفى
طاره سبور بيضاء